Fɔs Lɛta Fɔ Tɛsalonayka 5:5 - Krio Fɔs Oli Baybul

⁵ Una ɔl na pipul we de waka na layt, dat na de tɛm. Wi nɔ de lɛkɛ dɛn pipul we de waka na dak, dat na nɛt.

Fɔs Lɛta Fɔ Tɛsalonayka 5:5 Referans Kwoze

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Jɔn 12:36

Una fɔ biliv pan di layt ɔl di tɛm we di layt de wit una, so dat una go bi pipul we de na di layt ɔltɛm.” Afta Jizɔs tɔk dat, i lɛf di pipul dɛn go na ples we dɛn nɔ go fɛn am.

Lyuk 16:8

“Di masta se di klak we tif du wɛl bikɔs i tink gud bifo i du ɔl wetin i du. Dɛn pipul we tek dɛn tin na wɔl mek gɔd, de tink fa wɛn dɛn de dil wit pipul lɛkɛ dɛnsɛf pas dɛn pipul we de waka na Gɔd in layt.”

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Jɔn In Fɔs Lɛta 2:8

Ɛniwe, dis sem lɔ ya nyu bikɔs di daknɛs dɔn go wansay ɛn di tru layt dɔn bigin shayn, una go si se dis nyu lɔ ya na tru we una luk Krays in layf ɛn una sɛf yon.

Lɛvitikɔs 11:16

da bɔd we dɛn kin kɔl ɔstrich, difrɛn kayn ak, dɛn bɔd dɛn we kin de togɛda de flay oba wata fɔ kech fish we dɛn go it,