Biblia Todo Logo
Bib sou entènèt

- Piblisite -




Fɔs Lɛta Fɔ Tɛsalonayka 5:4 - Krio Fɔs Oli Baybul

4 Bɔt wi brɔda dɛn, una nɔ tan lɛkɛ dɛn pipul we de na dak, we nɔ no bɔt Gɔd ɛn we de sin, so una nɔ fɔ sɔprayz wɛn di De kam, lɛkɛ aw pipul kin sɔprayz wɛn tifman tif dɛn.

Gade chapit la Kopi




Fɔs Lɛta Fɔ Tɛsalonayka 5:4
17 Referans Kwoze  

Ɛniwe, dis sem lɔ ya nyu bikɔs di daknɛs dɔn go wansay ɛn di tru layt dɔn bigin shayn, una go si se dis nyu lɔ ya na tru we una luk Krays in layf ɛn una sɛf yon.


Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.


I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.


I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.


PAPA GƆD se frɔm we Izrɛl bigin sin na Gibia, dɛn nɔ chenj. I se na dat Gibia fɛt dɛn da tɛm de.


na di wa we una de fred go mit una bɛtɛ bɛtɛ wan na Ijipt de; ɛn di bad bad aŋri we una de fred, go de biɛn una bɛtɛ bɛtɛ wan na Ijipt; ɛn na de una una go day.


Mozis tɛl di Izrɛlayt dɛn se ɔl dɛn swɛ ya go kech dɛn ɛn de pan dɛn te dɛn ɔl day, if dɛn nɔ du ɔl wetin i dɔn tɛl dɛn se PAPA GƆD we na dɛn PAPA GƆD se, dɛn fɔ de du.


If dɛn nɔ obe PAPA GƆD we na dɛn PAPA GƆD ɛn du ɔl wetin i se, na bad bad tin dɛn go mit dɛn, ɛn go de wit dɛn te go.


if nɔto so, di pɔsin we i mistek kil, in yon fambul dɛn go rɔnata am ɛn kil am bifo i de rich de bikɔs di rod go tu fa, ɛn i nɔ fɔ day fɔ dat bikɔs in ɛn di man we i mistek kil, nɔ bin gɛt plaba.


So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.


Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’


A de tɛl una fɔ tru se, di tɛm we Gɔd go jɔj di pipul dɛn na di wɔl, i go bad fɔ da ples de pas aw i bin bad fɔ dɛn pipul na Sɔdɔm ɛn Gomɔra.


“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.


bikɔs unasɛf no gud wan se di Masta go kam de we nɔbɔdi nɔ mekɔp, lɛkɛ aw tifman kin kam na nɛt.


“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”


Swiv nou:

Piblisite


Piblisite