Fɔs Lɛta Fɔ Tɛsalonayka 5:3 - Krio Fɔs Oli Baybul

³ Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Fɔs Lɛta Fɔ Tɛsalonayka 5:3 Referans Kwoze

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Sɛkɛn Lɛta Fɔ Tɛsalonayka 1:9

Gɔd go mek dɛn sɔfa; i go pɔnish dɛn, i go pwɛl dɛn ɔltogɛda. I nɔ go mek dɛn kam na di say we di Masta de, ɛn dɛn nɔ go si aw di Masta wɔndaful,

Prɔvabs 29:1

Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.

Pita In Sɛkɛn Lɛta 2:4

Gɔd nɔ bin sɔri fɔ dɛn enjɛl we bin sin, i trowe dɛn na ɛl, insay big ol we dak pas nɛt, na de i mek dɛn chen dɛn ɛn kip dɛn te di tɛm we i go jɔj dɛn rich.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Apɔsul Dɛn Wok 13:41

Di prɔfɛt dɛn bin se, ‘Una we de laf wetin Gɔd dɔn tɔk, una go luk, una go wɔnda, ɛn una go day! A go du big wok we una go si, ɛn ilɛk dɛn tɛl una di minin sɛf, una nɔ go biliv.’”

Jɛrimaya 22:23

Yu, una we tap na Libanɔn midul dɛn sida tik dɛm, wɛn di pen kam pan una, una go ala nɔto kɔmɔn, i go tan lɛk da pen we uman kin fil we i de bɔn!”

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Jɛrimaya 6:24

Wi dɔn yɛri bɔt dat, wi an dɛm dɔn wik; pen dɔn ol wi da pen we uman de fil we i de bɔn.

Ayzaya 56:12

Dɛn se, “kam, lɛ wi go drink wayn, lɛ wi bɛlful wit rɔm; ɛn tumara go bi lɛk tide, i go bɛtɛ pas tide sɛf.”

Di Sam Dɛm 48:6

Na so dɛn kin de trimbul wit fred dɛn kin de mek lɛk we uman de pan pen fɔ bɔn.

Neum 1:10

Lɛk aw chukchuk we taŋul de bɔn na faya na so una dɛn drɔnkɔman dɛn gɛt fɔ tan.

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Ozie 13:13

I de biev lɛk fulman. In mama de fil pen fɔ bɔn bɔt i nɔ de gri kɔmɔt na do.

Ayzaya 30:13

so dis sin go tan to yu lɛk krak pan ay wɔl, we dɔn swɛl ɛn rɛdi fɔ kolaps, we go fɔdɔm wantɛm wantɛm;

Ditarɔnɔmi 29:19

ɔ lɛk pɔsin we, pan ɔl we i no ɔl wetin di Kɔvinant se i fɔ de du, i stil de tɔk nain at se, natin bad nɔ go apin to am, i lɛk we i de traŋayes ɛn de du wetin in want. Mozis tɛl di Izrɛlayt dɛn se, dat go mek di pɔsin we de obe ɛn di wan we traŋayes, sɔfa togɛda.

Matyu 23:33

Una na snek! Una nɔ fɔ tink se una go ebul du ɛnitin we go mek Gɔd nɔ kɔndɛm una fɔ go ɛl.

Job 15:21

I de yɛri tin dɛn we de mek i fred bad bad wan; we i de ɛnjɔy insɛf, nain tifman dɛn go go atak am.

Di Sam Dɛm 35:8

mek wetin dɛn bin tink bɔt lɛ di trap we dɛn bin dɔn sɛt, ol dɛn ɛn lɛ dɛn fɔdɔm insay di ol we dɛn bin dɔn dig.

Di Sam Dɛm 55:15

Lɛ mi ɛnimi dɛn day bifo dɛn tɛm, lɛ dɛn bɛr dɛn layf wan; bikɔs na usay nɔmɔ dɛn de na de bad de sidɔm.

Di Sam Dɛm 69:22

We dɛn sɛt tebul fɔ sɛlibret to yu, lɛ i kɔmɔt bad pan dɛn lɛkɛ aw dɛn de sɛt trap fɔ mi.

Ayzaya 20:6

Da de de, di pipul dɛn we tap na di land dɛn nia wata, go se, “Na dis kayn tin dɔn bi to di wan dɛn we wi bin abop pan, ɛn di wan dɛn we wi bin de rɔn go to fɔ ɛp wi, ɛn fɔ pul wi kɔmɔt na di Asirian kiŋ in an! E wi, aw wi go ebul ɛskep?”

Ayzaya 29:5

Bɔt una bɔku bɔku ɛnimi dɛn go tan lɛk smɔl dɔst, ɛn dɛn bɔku bɔku pipul we nɔ de luk biɛn fɔ du bad, go tan lɛk chaf chaf we briz de blo. Ɛn bifo Jako kɔt yay, wantɛm wantɛm,

Ayzaya 47:9

Dɛn tu tin ya go apin to yu di sem tɛm, di sem de; yu pikin dɛn go day ɛn yu man go day ɛn i go fɔdɔm pan yu ebi ebi wan, pan ɔl yu bɔku bɔku wich we yu de wich, ɛn di bɔku pawa we yu gɛt pan yu majik.

Ayzaya 47:11

Bɔt ivul go kam pan yu, we yu nɔ go ebul beg Gɔd fɔ; trɔbul go mit yu, we yu nɔ go ebul tek pɔnishmɛnt fɔ, ɛn yu go ruin wantɛm wantɛm, we yu nɔ go no natin bɔt.

Jɛrimaya 6:14

Dɛn dɔn mɛn mi pipul dɛn wund af ɛn af, we dɛn de se, ‘Una gɛt kolat, una gɛt kolat,’ we wan kolat nɔ de.

Jɛrimaya 8:11

Dɛn dɔn mɛn mi pipul dɛn wund layt wan, we dɛn de se, ‘kol at, kol at,’ we kol at nɔ de.

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Izikɛl 13:10

Bikɔs, yɛs, bikɔs dɛn dɔn lay gi mi pipul dɛn, de tɛl dɛn se ‘pis de,’ wɛn nɔn pis nɔ de; ɛn bikɔs wɛn di pipul dɛn bil wan wɔl, di prɔfɛt dɛn dab dab am wit waytwɔsh;

Jɔn 16:21

Wɛn uman kin want bɔn pikin, i kin sɔri, bikɔs di tɛm dɔn rich fɔ am fɔ sɔfa; bɔt wɛn i dɔn bɔn di pikin, i kin fɔgɛt di pen we i sɔfa bikɔs i gladi we i dɔn bɔn pikin kam na wɔl.

Di Jɔj Dɛm 8:11

So Gidiɔn pas na di rod nia di dɛzat we de na di ist say to Nɔba ɛn Jɔgbɛa ɛn atak dɛn we dɛn nɔ mekɔp.

Job 24:23

I de kɔba dɛn ɛn sɔpɔt dɛn, ɛn de si ɔl wetin dɛn de du.