Fɔs Lɛta Fɔ Tɛsalonayka 5:24 - Krio Fɔs Oli Baybul

²⁴ Gɔd we kɔl una fɔ bi in yon pipul go du dat fɔ una, bikɔs i de du ɔl wetin i prɔmis.

Fɔs Lɛta Fɔ Tɛsalonayka 5:24 Referans Kwoze

Sɛkɛn Lɛta Fɔ Tɛsalonayka 3:3

Bɔt di Masta na pɔsin we nɔ go lɛf una, i go mek una tinap traŋa ɛn i nɔ go mek ɛni bad tin mit una.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

1 Kɔrint 1:9

Gɔd we kɔl una fɔ jɔyn an wit in Pikin, Jizɔs Krays, wi Masta, nɔ go disapɔynt ɛnibɔdi we abop pan am.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Ditarɔnɔmi 7:9

I tɛl dɛn se lɛ dɛn nɔ fɔgɛt se PAPA GƆD we na dɛn PAPA GƆD na di tru tru PAPA GƆD; di PAPA GƆD we wɛn i se sɔntin, i min am. I se if dɛn lɛk PAPA GƆD ɛn du ɔl wetin i se, i go lɛk dɛn sote go bikɔs PAPA GƆD nɔ de chenj.

Sɛkɛn Lɛta To Timoti 2:13

If wi nɔ du wetin i tɛl wi, in go stil de du wetin i dɔn tɛl wi se in go du, bikɔs i nɔ go lay pan insɛf.”

Ayzaya 25:1

PAPA GƆD, yu na mi Gɔd; a go es yu ɔp ɛn a go prez yu nem; bikɔs yu dɔn du wɔndaful tin dɛm, plan dɛn we dɛn mek lɔntɛm, yu kip yu wɔd ɛn dawt nɔ de de.

Lamɛnteshɔn 3:23

ɛvri mɔnin na nyu wan i de gɛt fɔ wi; in tret waka we i de waka in kayn nɔ de.

Jɔn 3:33

Ɛnibɔdi we put at pan wetin i se, dɔn sho se na tru Gɔd tɔk.

Pita In Sɛkɛn Lɛta 1:3

We wi no am, i dɔn gi wi ɔltin we wi fɔ gɛt fɔ mek wi ebul liv lɛkɛ aw i want mek wi liv bay in pawa. Gɔd kɔl wi fɔ mek wi gɛt pan di wɔndaful ɔna ɛn pawa we i gɛt ɛn mek wisɛf gud lɛkɛ aw i gud.

Di Sam Dɛm 138:2

A go mek shɔ se a baw usay yu os de ɛn a go prez yu fɔ di kayn lɔv we yu gɛt fɔ wi we nɔ de ɛva chenj ɛn yu de sho wi ɔltɛm se yu lɛk wi, fɔ we yu mek yusɛf ɛn wetin yu se pas ɔltin we de na wɔl.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

1 Kɔrint 10:13

Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛnitin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap traŋa ɛn i go sho una wetin fɔ du mek una nɔ go du di bad tin we una bin want fɔ du.

Matyu 24:35

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Lɛta Fɔ Galeshya 1:15

Bɔt Gɔd so gud to mi, i bin dɔn pik mi frɔm we a bin de na mi mama in bɛlɛ, i mek a bi in apɔsul. Ɛn wɛn Gɔd mekɔp

Lɛta Fɔ Rom 8:30

So Gɔd kɔl dɛn pipul we i bin dɔn pik; dɛn pipul we i kɔl, i mek ɔltin rayt bitwin dɛn ɛn insɛf; wɛn i dɔn mek ɔltin rayt bitwin dɛn ɛn insɛf, i mek sɔm pan di wɔndaful layf we Krays gɛt bi dɛn yon.

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Di Sam Dɛm 36:5

PAPA GƆD, wi nɔ ebul mɛzhɔ di lɛk we yu lɛk wi. Yu de du wetin yu se yu go du.

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

Di Sam Dɛm 89:2

A go tɔk se di lɔv we yu gɛt fɔ wi trɔŋ ɛn i shɔ, i tan lɛk we pɔsin shɔ se i go si di klawd ɛnitɛm we i luk ɔp.

Lɛta Fɔ Rom 9:24

Na wi na di pipul dɛn we i kɔl, sɔm pan wi na Ju ɛn sɔm nɔto Ju.

Ayzaya 37:32

I se PAPA GƆD go mek di pipul dɛn we sev ɛn di wan dɛn we lɛf de na Jerusɛlɛm ɛn Mawnt Zayɔn. Na PAPA GƆD Ɔlmayti in pawa go du am.

Di Sam Dɛm 40:10

A go tɔk bɔt aw yu sev mi ɛn a nɔ go kip am to misɛf; a go tɛl ɔlman se yu de sev yu pipul; ɛn yu lɛk dɛn ɔltɛm, ɛn de du wetin yu se yu go du.

Sɛkɛn Lɛta Fɔ Tɛsalonayka 2:14

Gɔd kɔl una fɔ bi in yon pipul dɛn tru di Gud Nyuz we wi tɛl una; i kɔl una fɔ gɛt pan di wɔndaful pawa ɛn ɔna we Masta Jizɔs Krays gɛt.

Di Sam Dɛm 92:2

Ɔlman fɔ tɔk ɛvri mɔnin se PAPA GƆD lɛk wi dɔn na nɛt dɛn fɔ se i de kip in wɔd.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Di Sam Dɛm 146:6

in na di PAPA GƆD we mek ɛvin ɛn ath, di si, ɛn ɔl wetin de insay dɛn; in na PAPA GƆD we yu kin abop pan.

Di Sam Dɛm 100:5

PAPA GƆD gud ɛn i nɔ de chenj in maynd we i lɛk yu. I fethful to in pipul ɛn ɔl dɛn jɛnareshɔn.

2 Kiŋ 19:31

I se PAPA GƆD go mek pipul dɛn de na Jerusɛlɛm ɛn Mawnt Zayɔn.