Fɔs Lɛta Fɔ Tɛsalonayka 5:21 - Krio Fɔs Oli Baybul

²¹ Una fɔ tray ɔl di mɛsej dɛn fɔ no uswan na Gɔd yon. Una fɔ tek di wan we gud.

Fɔs Lɛta Fɔ Tɛsalonayka 5:21 Referans Kwoze

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Lɛta Fɔ Ɛfisɔs 5:10

Una tray fɔ lan wetin di Masta want una fɔ du.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

Lyuk 12:57

“Wetin mek una nɔ ebul fɔ no wetin rayt?

Lɛta Fɔ Filipay 4:8

Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Lɛta Fɔ Filipay 3:16

Na wan tin nɔmɔ a gɛt fɔ se, lɛ wi nɔn nɔ lɛf fɔ fala di sem lɔ dɛn we wi dɔn de fala ɔl dis tɛm.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Jɔn 8:31

So Jizɔs tɛl di wan dɛn we biliv pan am se, “If una de du ɔl wetin a tɛl una fɔ du, una na mi lanin bɔy dɛn fɔ tru;

Rɛvɛleshɔn 2:25

pas fɔ se mek una biliv gud dɛn tin we una dɔn lan, te a kam bak.

Di Ibru Pipul Dɛn 10:23

Una lɛ wi tinap traŋa, ɛn lɛ wi abop se wi go gɛt dɛn tin we wi biliv se Gɔd go gi wi. Una lɛ wi nɔ dawt bikɔs Gɔd dɔn prɔmis se in go du dɛn tin de, ɛn i go du wetin i se, fɔ tru.

Sɛkɛn Lɛta Fɔ Tɛsalonayka 2:15

Wi Kristiɛn pipul dɛn, una nɔ fɔ chenj wetin una biliv, ɛn ɔltɛm una at fɔ de pan ɔl wetin wi pipul dɛn bin lan wi, ɛn we wisɛf bin lan una, wɛn wi bin de tɔk to una ɛn wɛn wi rayt una di fɔs lɛta.

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Jɔn 15:4

Una fɔ de wit mi ɔltɛm, ɛn misɛf go de wit una. Jɛs lɛkɛ aw ɛni an we de bay insɛf nɔ go bia pas i de pan di tik, semwe so, una nɔ go du natin pas una de wit mi ɔltɛm.

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Prɔvabs 3:1

Mi pikin, nɔ fɔgɛt wetin a de tich yu. Kip ɔl wetin a de tɛl yu so na yu at.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

Prɔvabs 23:23

Nɔ skyad fɔ spɛnd fɔ lɛ yu no di tru ɛn we yu gɛt am, nɔ mek bigful te yu lɔs am, ɛn tray fɔ lan, no wetin rayt frɔm rɔŋ, ɛn ɔndastand wetin yu de du.

Rɛvɛleshɔn 2:2

A no ɔl di tin dɛn we una dɔn du, a no se una dɔn wok traŋa ɛn a no aw una kin bia wɛn waala kam. A no se una nɔ de gri mek bad pipul de wit una; una dɔn luk dɛn pipul we se dɛn na apɔsul ɛn una dɔn si se na lay dɛn de lay.

Sɛkɛn Lɛta To Timoti 4:14

Alɛgzanda we na blaksmit du mi bad bad tin. Gɔd go pe am fɔ wetin i du.

Sɛkɛn Lɛta To Timoti 1:15

Yu no se ɔlman na wan pat na Eshya bin lɛf mi go. Fijɛlɔs insɛf wit Amojinis dɔn lɛf mi go.

1 Kɔrint 2:11

Nɔbɔdi nɔ no wetin de nain kɔmpin at pas di spirit nɔmɔ we de insay di pɔsin, semwe so nɔbɔdi nɔ no wetin Gɔd de plan pas Gɔd in yon Spirit.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Sɔlɔmɔn In Siŋ Dɛm 3:4

I nɔ te sɛf we a pas dɛn, nain a fɛn di wan we mi sol lɛk. A ol am, a nɔ gri lɛf am te a briŋ am kam nan mi mama in os, ɛn insay di wan we bɔn mi in rum.

Prɔvabs 4:13

Ɔl di tɛm yu fɔ de mɛmba wetin yu dɔn lan. Ol am wit tu an. Nain na yu layf.

Sɛkɛn Lɛta To Timoti 3:6

Sɔm pan dɛn de go na pipul os, go tɔn dɛn uman dɛn at we nɔ no wetin dɛn de pan bikɔs dɛn sin de mɔna dɛn ɛn dɛn de du ɛnitin we dɛn at gi dɛn fɔ du;

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Fɔs Lɛta Fɔ Tɛsalonayka 5:15

Una nɔ fɔ gri mek ɛnibɔdi tɔn bad gi pɔsin we bin dɔn du am bad, bɔt una fɔ de tray ɔltɛm fɔ du gud to una kɔmpin Kristiɛn dɛn ɛn to ɔlman.

Fɔs Lɛta Fɔ Tɛsalonayka 5:22

Una nɔ fɔ du ɛnitin we bad.