Fɔs Lɛta Fɔ Tɛsalonayka 5:19 - Krio Fɔs Oli Baybul

¹⁹ Una nɔ fɔ mek Gɔd in Spirit tap fɔ du in wok insay una;

Fɔs Lɛta Fɔ Tɛsalonayka 5:19 Referans Kwoze

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Sɛkɛn Lɛta To Timoti 1:6

Na dat mek a de mɛmba yu fɔ bigin yus di spɛshal pawa bak we Gɔd bin gi yu da tɛm we a bin put mi an na yu ed ɛn pre fɔ yu.

Fɔs Lɛta To Timoti 4:14

Nɔ lɛf fɔ du da tin we yu sabi fɔ du, we Gɔd bin mek yu ebul du da tɛm we dɛn prɔfɛt bin tɔk wetin Gɔd tɛl dɛn fɔ yu, ɛn dɛn bigman na chɔch bin put dɛn an pan yu ed ɛn pre fɔ yu.

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Nɛimaya 9:30

Yu peshɛnt wit dɛn fɔ lɔŋ. Wit yu klin at yu bin de yuz di prɔfɛt dɛn fɔ advays dɛn. Pan ɔl dat, dɛn nɔ yɛri wɔd, so yu an dɛn bak to di neba kɔntri dɛn.

Di Sam Dɛm 51:11

Nɔ lɛf mi to misɛf bikɔs a sin ɛn nɔ tek di Oli Spirit kɔmɔt pan mi.

Jɛnɛsis 6:3

Na dat mek PAPA GƆD se, “Mi Spirit nɔ go de wit mɔtalman sote go as dɛn na ɔdinari mɔtalman; as frɔm tide dɛn nɔ go de pas wan ɔndrɛd ɛn twɛnti ia.”

Lɛta Fɔ Ɛfisɔs 6:16

Pantap ɔl dɛn tin ya, una shild na fɔ biliv pan di Masta. Dis shild ya go mek dɛn ɔt aro we Setan de shut, nɔ du una natin.

1 Kɔrint 14:30

Bɔt if Gɔd sɛn mɛsej to pɔsin we de na di mitin, di pɔsin we bin de tɔk fɔs fɔ tap.

Sɔlɔmɔn In Siŋ Dɛm 8:7

Bɔku wata nɔ go ebul ɔt lɔv, flɔd sɛf nɔ go ebul drawn am. If man gi ɔl di jɛntri nain os fɔ lɔv, dɛn nɔ go maks am sɛf.

1 Samiɛl 16:4

Samiɛl insɛf du wetin PAPA GƆD tɛl am. Wɛn i rich na Bɛtliɛm, di bigman dɛn na di siti dɛn at kɔt ɛn aks am aw dɛn si am so.

Fɔs Lɛta Fɔ Tɛsalonayka 5:20

wɛn pipul de tɔk dɛn wɔd we Gɔd in Spirit put na dɛn at, una nɔ fɔ tek dɛn mek ple.