Fɔs Lɛta Fɔ Tɛsalonayka 5:15 - Krio Fɔs Oli Baybul

¹⁵ Una nɔ fɔ gri mek ɛnibɔdi tɔn bad gi pɔsin we bin dɔn du am bad, bɔt una fɔ de tray ɔltɛm fɔ du gud to una kɔmpin Kristiɛn dɛn ɛn to ɔlman.

Fɔs Lɛta Fɔ Tɛsalonayka 5:15 Referans Kwoze

Pita In Fɔs Lɛta 3:9

If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una.

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Jɔn In Tɔd Lɛta 1:11

Mi padi we a lɛk, nɔ fala di bad we i de du, yu jɛs de du gud nɔmɔ. Ɛnibɔdi we de du wetin rayt na Gɔd pikin, bɔt ɛnibɔdi we de du bad nɔ no Gɔd yet.

Lɛvitikɔs 19:18

Pɔsin nɔ fɔ du bad to udat du am bad ɛn i nɔ fɔ kip in kɔmpin na at bɔt i fɔ lɛk in kɔmpin lɛk aw i lɛk insɛf: i se nain na PAPA GƆD.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Sɛkɛn Lɛta To Timoti 2:24

Di pɔsin we de du Gɔd wok nɔ fɔ mek plaba, i fɔ gud to ɔlman; i fɔ bi gud ticha we de bia,

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Di Sam Dɛm 38:20

Dɛn de tek mi gud tɔn bad; ɛn pwɛl mi usay a fɔ bɛtɛ.

Taytɔs 3:2

Tɛl dɛn mek dɛn nɔ tɔk bad bɔt ɛnibɔdi, mek dɛn nɔ lɛk fɔ mek plaba, mek dɛn de bia wit pipul ɛn mek dɛn nɔ ala pan ɛnibɔdi.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Lɛta Fɔ Ɛfisɔs 5:15

Una tek tɛm aw una liv una layf, una nɔ du lɛkɛ dɛn pipul we nɔ gɛt sɛns.

1 Kɔrint 14:1

So una fɔ tray fɔ lɛk una kɔmpin mɔtalman pas ɛni ɔda tin. Una fɔ tray mek una gɛt dɛn tin we Gɔd de gi pɔsin fɔ mek di pɔsin ebul du in wok; di wan we una fɔ tray fɔ pas ɔl na fɔ mek una ebul tɔk wɔd we Gɔd insɛf tɛl una fɔ tɔk.

1 Kɔrint 6:7

We una de mek plaba sɛf te una gɛt fɔ go kot, dat sho se una nɔ de klos Gɔd atɔl. I nɔ bin fɔ bɛtɛ fɔ mek pipul du una bad? Ɔ mek dɛn tek una prɔpati?

Lɛta Fɔ Rom 14:19

So, wi fɔ tray ɔltɛm fɔ de du dɛn tin we go briŋ kol at, ɛn dɛn tin we go mek ɔda pipul ɛn wisɛf biliv Gɔd mɔ ɛn mɔ.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Matyu 5:39

Bɔt mi de tɛl una se: una nɔ tɔn bad gi pɔsin we du una bad. If ɛnibɔdi slap yu rayt jɔ, yu fɔ tɔn di lɛf wan gi am mek i slap insɛf.

Prɔvabs 25:21

If yu ɛnimi aŋri, gi am tin fɔ it; if i tɔsti, gi am wata;

Prɔvabs 24:29

Nɔ se yu de tɔn dɛt gi yu kɔmpin ɛn dil wit am fɔ wetin i du yu.

Prɔvabs 24:17

Nɔ laf wɛn yu ɛnimi fɔdɔm, nɔ gladi we i staga ɛn fɔdɔm.

Prɔvabs 20:22

Nɔ se yu de tɔn dɛt gi pɔsin, lɛf lɛ PAPA GƆD fɛt fɔ yu.

Di Sam Dɛm 7:4

if a gɛt bad at ɔ de pwɛl mi kɔmpin fɔ natin,

1 Samiɛl 24:13

Devid mɛmba Sɔl bɔt wetin dɛn kin se, “Ɔrinch nɔ de bia lɛm” so na udat bad nain de du bad, so in, Devid nɔ go tɔch Sɔl atɔl.

Ditarɔnɔmi 16:20

I tɛl dɛn se na jɔstis dɛn fɔ de fɔ, ɛn natin pas dat, so dat dɛn go gɛt lɔŋ layf na di land we PAPA GƆD we na dɛn GƆD, gi dɛn fɔ dɛnsɛf

Jɛnɛsis 45:24

I sɛn in brɔda dɛn go; ɛn we dɛn de go, i tɛl dɛn mek dɛn nɔ mek plaba na rod.

Pita In Fɔs Lɛta 2:17

Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn.

Lɛta Fɔ Ɛfisɔs 5:33

Na di sem tin fɔ bi to una: ɛvri man we mared fɔ lɛk in wɛf lɛkɛ aw i lɛk insɛf, ɛn ɔl mared uman fɔ rɛspɛkt in man.

1 Kɔrint 16:10

Bɔt if Timoti rich to una, una mek i fil se una gladi fɔ we i go to una, bikɔs insɛf de wok fɔ di Masta lɛkɛ mi.

Rɛvɛleshɔn 22:9

Bɔt i se, “Nɔ du dat! Misɛf de wok fɔ Gɔd lɛkɛ aw yu de wok fɔ am, ɛn lɛkɛ yu kɔmpin dɛn we na prɔfɛt ɛn ɔl dɛn wan we de du dɛn tin we rayt na dis buk. Na Gɔd in fut yu fɔ fɔdɔm fɔ prez am!”

Prɔvabs 17:13

If yu du ɛnibɔdi bad we dɔn du yu gud, trɔbul nɔ go ɛva kɔmɔt biɛn yu.

Rɛvɛleshɔn 19:10

Dɛn a fɔdɔm na di pɔsin, we de tɔk, in fut fɔ bigin prez am. Na de di pɔsin se, “Grap, nɔ du dat! Misɛf na Gɔd in savant lɛkɛ yu, ɛn misɛf na wan pan yu kɔmpin dɛn we bin biliv di tru wɔd we Jizɔs tɔk! Na Gɔd in fut yu fɔ fɔdɔm fɔ prez am!” Di tru wɔd we Jizɔs tɔk, nain dɛn prɔfɛt dɛnsɛf de tɔk.

Fɔs Lɛta Fɔ Tɛsalonayka 5:21

Una fɔ tray ɔl di mɛsej dɛn fɔ no uswan na Gɔd yon. Una fɔ tek di wan we gud.

Apɔsul Dɛn Wok 16:28

Bɔt Pɔl ala big big wan se, “Nɔ kil yusɛf. Wi ɔl de na ya!”