Fɔs Lɛta Fɔ Tɛsalonayka 5:14 - Krio Fɔs Oli Baybul

¹⁴ Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Fɔs Lɛta Fɔ Tɛsalonayka 5:14 Referans Kwoze

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.

Lɛta Fɔ Rom 14:1

Una fɔ trit di pɔsin we nɔ biliv gud yet lɛkɛ una brɔda, una nɔ fɔ agyu wit am bɔt wetin i tink se rayt fɔ du.

Apɔsul Dɛn Wok 20:35

A dɔn sho una se ilɛk aw tin tan una fɔ wok traŋa lɛkɛ mi fɔ ɛp dɛn pipul we nɔ gɛt. Una mɛmba wetin Masta Jizɔs insɛf tɔk wɛn i se, ‘Di pɔsin we de gi gɛt blɛsin pas di pɔsin we de gɛt.’”

Lɛta Fɔ Kɔlɔse 1:28

Na bɔt Krays wi de tɛl ɔlman. Wit ɔl di sɛns we Gɔd gi wi, wi de tɛl dɛn wetin nɔ fɔ du ɛn lan dɛn wetin fɔ du, so dat ɔlman go no ɔl wetin Gɔd want dɛn fɔ du, dɛn go want du am wit ɔl dɛn at, ɛn dɛn go gɛt wanwɔd wit Krays.

Di Ibru Pipul Dɛn 13:3

Una mɛmba dɛn pipul we de na jel, lɛkɛ se unasɛf de na jel wit dɛn; ɛn una mɛmba dɛn pipul we de sɔfa, ɛn una put unasɛf na dɛn ples.

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

1 Kɔrint 4:14

A nɔ de rayt dɛn tin ya fɔ mek una shem; na sho a de sho una aw una fɔ waka, bikɔs una na lɛkɛ mi yon pikin dɛn.

Izikɛl 34:16

A go luk fɔ di wan dɛn we lɔs, ɛn a go briŋ kam bak di wan we stre, ɛn a go mɛn dɛn wan we kripul, ɛn a go mek di wik dɛn gɛt trɛnk, ɛn a go wach gud gud wan di wan dɛm we fat ɛn di wan dɛm we gɛt trɛnk; ɛn a go fid dɛn di rayt we.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Apɔsul Dɛn Wok 20:31

Una fɔ de wach fɔ dɛn pipul ya we de lay ɛn una fɔ de mɛmba aw a sɔfa de ɛn nɛt fɔ tri ia wɛn a bin de wit una de tɛl una wetin Gɔd se.

Matyu 12:20

I nɔ go du tin we go mɔna dɛn pipul we nɔ ebul ɛp dɛnsɛf, ɛn i nɔ go du bad to di wan dɛn we nɔ ebul du natin. I go de du ɔl dɛn tin ya sote pipul dɛn du wetin Gɔd in Lɔ se;

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Di Ibru Pipul Dɛn 12:12

Una mek una an we wik ɛn una fut we nɔ gɛt trɛnk, traŋa.

Taytɔs 1:6

Ovasia na pɔsin we nɔ fɔ du ɛnitin we go mek pipul pɔynt fiŋa pan am; na wangren wɛf nɔmɔ i fɔ gɛt; in pikin dɛn fɔ bi Kristiɛn, ɛn pipul nɔ fɔ de tɔk se dɛn wayl ɛn dɛn nɔ de yɛri wɔd.

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Lɛta Fɔ Ɛfisɔs 4:32

Bɔt una fɔ de du gud ɛn gɛt sɔri at fɔ una kɔmpin. Una fɔ de padin una kɔmpin lɛkɛ aw Gɔd dɔn padin una bikɔs una na Krays yon pipul.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Apɔsul Dɛn Wok 20:27

Una no se a nɔ kin ayd natin wɛn a de tɛl una ɔl wetin Gɔd go du.

Lyuk 22:32

Bɔt a dɔn pre fɔ yu Saymɔn mek yu nɔ tap fɔ biliv mi. Wɛn yu dɔn biliv mi traŋa wan, tray mek yu brɔda dɛnsɛf biliv mi traŋa wan.”

Jɛrimaya 6:12

Dɛn go gi ɔda pipul dɛn, dɛn os dɛm, wit dɛn fam ɛn dɛn wɛf dɛm sɛf; bikɔs a go pɔnish di pipul dɛn na di land,” na so PAPA GƆD se.”

Taytɔs 1:10

Plɛnti pipul de, we nɔ de yɛri wɔd, we de mek ɔda pipul ful wit di nɔnsɛns we dɛn de tɔk, ɛn na dɛn Ju pipul mɔ de du so.

1 Kɔrint 8:7

Bɔt nɔto ɔlman no dɛn tru tin ya we wi jɛs tɛl una. Sɔm pipul bin dɔn so yus fɔ biliv se dɛn tin we mɔtalman bin mek fɔ pre to gɛt layf, dat, te tide, wɛn dɛn de it bif we pipul bin dɔn sakrifays to dɛn tin ya, dɛn stil de tink se dɛn bif de na fɔ di tin dɛn we pipul de pre to. So dɛn fil se dɛn de du tin we nɔ rayt we dɛn it dɛn bif de ɛn dɛn fil se dɛn nɔ klin insay.

Sɛkɛn Lɛta Fɔ Tɛsalonayka 3:15

Una nɔ du am lɛkɛ aw una kin du pɔsin we nɔ lɛk una, bɔt una wɔn am lɛkɛ aw una go wɔn una kɔmpin Kristiɛn.