Fɔs Lɛta Fɔ Tɛsalonayka 5:12 - Krio Fɔs Oli Baybul

¹² Wi brɔda dɛn, wi de beg una fɔ rɛspɛkt una lida dɛn we de wok wit una, dɛn wan we Gɔd dɔn pik fɔ sho una aw una fɔ liv naw we una dɔn bi Kristiɛn ɛn fɔ tɛl una wetin fɔ du.

Fɔs Lɛta Fɔ Tɛsalonayka 5:12 Referans Kwoze

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

1 Kɔrint 16:18

dɛn dɔn mek mi at gladi, lɛkɛ aw dɛn bin mek una at gladi. Man lɛkɛ dɛn kayn ya fit fɔ mek una rɛspɛkt dɛn.

1 Kɔrint 16:16

mek una fala dɛn kayn lida ya, ɛn ɛni ɔda pɔsin we de wok wit dɛn traŋa wan.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

Taytɔs 1:3

ɛn i mek pipul no bɔt di prɔmis wɛn di rayt tɛm rich bay di mɛsej we i sɛn. Na mi Gɔd fil se go du wetin i want so i gi mi di mɛsej fɔ tɛl pipul; ɛn bikɔs in we de sev wi tɛl mi fɔ tɛl pipul di mɛsej, na dat mek a de tɛl dɛn.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

1 Kɔrint 12:28

Na so i bi na di chɔch: fɔs, Gɔd put dɛn apɔsul; sɛkɛn, dɛn prɔfɛt; tɔd, dɛn ticha; dɛn i put dɛn wan we de du wɔndaful wok bay in pawa; afta dɛn i put dɛn wan we i gi pawa fɔ mɛn sik pipul; dɛn i put dɛn wan we i gi pawa fɔ ɛp ɔda pipul; dɛn wan we i gi pawa fɔ tɛl pipul wetin dɛn fɔ du; ɛn dɛn wan we i gi pawa fɔ tɔk dɛn laŋwej we dɛnsɛf nɔ ɔndastand.

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.

Apɔsul Dɛn Wok 20:35

A dɔn sho una se ilɛk aw tin tan una fɔ wok traŋa lɛkɛ mi fɔ ɛp dɛn pipul we nɔ gɛt. Una mɛmba wetin Masta Jizɔs insɛf tɔk wɛn i se, ‘Di pɔsin we de gi gɛt blɛsin pas di pɔsin we de gɛt.’”

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Lyuk 10:7

Di fɔs os we una go we dɛn gri fɔ mek una tap, na de una fɔ de sote una tɔn bak; una nɔ fɔ kɔmɔt na wan os go tap na ɔda wan. Una fɔ it ɛn drink ɛnitin we dɛn gi una bikɔs wokman fɔ gɛt pe fɔ in wok.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Taytɔs 1:5

A bin lɛf yu na Krit fɔ mek yu du wetin wi nɔ bin du de yet, ɛn mek yu pik ovasia na ɔl dɛn tɔŋ. Mɛmba dɛn tin we a bin tɛl yu:

Sɛkɛn Lɛta To Timoti 2:6

Fama we dɔn wok traŋa nain fam nain fɔs fɔ gɛt pan di tin dɛn we gro.

Lɛta Fɔ Kɔlɔse 1:29

Na di tin dis we a de swɛt fɔ du, ɛn a de yus di pawa we de insay mi, we Krays gi mi, we mek a ebul du wetin a de du so.

Lɛta Fɔ Filipay 2:16

Una fɔ de tɛl dɛn Krays in wɔd we de gi layf, so dat di de we Krays go kam a go fil prawd, bikɔs ɔl di wok we a dɔn wok wit una nɔ go fɔ natin.

Lɛta Fɔ Galeshya 4:11

Mi at de wɔri fɔ una, na fɔ natin a dɔn lebɔ pan una?

2 Kɔrint 11:23

Dɛn na Krays in savant? I tan lɛkɛ se na kresman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn.

2 Kɔrint 6:1

So, wi we de wok wit Gɔd de beg una mek una nɔ mek di gud we Gɔd gud to una go fɔ natin.

2 Kɔrint 5:9

Bɔt, wɛda na dis os wi de ɔ na di os na ɛvin, di tin we wi want pas ɔl na fɔ du dɛn tin we go mek di Masta satisfay wit wi.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Rɛvɛleshɔn 2:3

Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi.

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Jɔn 4:38

A dɔn sɛn una fɔ go kɔt ɛn gɛda dɛn tin we dɔn du fɔ kɔt na fam we una nɔ wok pan; na ɔda pipul dɛn wok pan am, bɔt una de ɛnjɔy dɛn lebɔ.”

Taytɔs 2:15

Yu fɔ de tɛl pipul dɛn tin ya ɛn tek di pawa we Gɔd gi yu kɔrej dɛn, ɛn tɛl dɛn wan we nɔ de du rayt fɔ tap fɔ du wetin dɛn de du. Nɔ gri mek ɛnibɔdi luk se wetin yu de tɔk na tin we pɔsin nɔ fit fɔ yɛri.

Fɔs Lɛta To Timoti 5:20

Yu fɔ tɔk pan ɔl dɛn wan we nɔ gri lɛf fɔ sin, bifo dɛn kɔmpin, mek dɛn kɔmpin go fred fɔ sin.

Fɔs Lɛta To Timoti 5:1

Yu nɔ fɔ ala pan man we big pas yu, yu fɔ tɔk to am lɛkɛ se na yu papa. Yu fɔ tek dɛn yɔŋman lɛkɛ yu brɔda dɛn;

Lɛta Fɔ Filipay 2:19

If Masta Jizɔs gri, a go sɛn Timoti to una, i nɔ go te igen; so dat i go tɛl mi bɔt una wɛn i kam bak ɛn dat go kɔrej mi.

Lɛta Fɔ Rom 16:6

A de tɛl Meri, we dɔn wok traŋa wan fɔ una, adu.

Lɛta Fɔ Rom 16:12

A de tɛl Trayfina ɛn Trayfosa, we de wok fɔ di Masta, adu; ɛn mi gud padi Pasis, we dɔn wok plɛnti fɔ di Masta.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.