Fɔs Lɛta Fɔ Tɛsalonayka 5:11 - Krio Fɔs Oli Baybul

¹¹ So una fɔ stil de kɔrej ɛn ɛp una kɔmpin Kristiɛn dɛn, lɛkɛ aw una de du naw.

Fɔs Lɛta Fɔ Tɛsalonayka 5:11 Referans Kwoze

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Di Ibru Pipul Dɛn 10:25

Una lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin. Bɔt una lɛ wi de kɔrej wi kɔmpin dɛn, mɔ igen we wi no se di De we wi Masta go kam bak de kam jisnɔ.

Lɛta Fɔ Rom 15:2

Wi ɔl fɔ de du wetin gud fɔ wi kɔmpin Kristiɛn dɛn we go mek dɛn gladi, so dat dɛn go biliv pan Krays gud.

Di Ibru Pipul Dɛn 3:13

Bɔt una fɔ de kɔrej una kɔmpin dɛn ɔltɛm, so dat sin nɔ go mek ɛni wan pan una ful ɛn mek una traŋayes. Na dat una fɔ de du ɛvri de, wans nɔmɔ “Tide” na tide.

Fɔs Lɛta Fɔ Tɛsalonayka 4:18

Una tek dɛn wɔd ya fɔ kɔrej una kɔmpin Kristiɛn dɛn.

Lɛta Fɔ Rom 14:19

So, wi fɔ tray ɔltɛm fɔ de du dɛn tin we go briŋ kol at, ɛn dɛn tin we go mek ɔda pipul ɛn wisɛf biliv Gɔd mɔ ɛn mɔ.

1 Kɔrint 14:12

Una want bad bad wan mek Gɔd in Spirit gi una ɔl dɛn tin we i de gi, so una fɔ tray fɔ gɛt dɛn tin we Gɔd de gi we go mek una ɛp di chɔch.

Lɛta Fɔ Ɛfisɔs 4:12

I du ɔl dis fɔ mek Gɔd in pipul dɛn rɛdi ɛn ebul fɔ du dɛn wok, so dat dɛn go bil Krays in bɔdi we na di chɔch.

Jud In Lɛta 1:20

Mi padi dɛn, una fɔ tinap traŋa pan di biliv we una biliv pan Gɔd. Una fɔ pre wit di pawa we Gɔd in Spirit de gi una.

Lɛta Fɔ Ɛfisɔs 4:16

Na Krays mek ɔl dɛn difrɛn pat pan di bɔdi jɔyn wan ples ɛn nain de rul dɛn. Na dɛn difrɛn, difrɛn jɔynt na di bɔdi lɛkɛ di ni ɛn di ɛlbo ol ɔl di bɔdi wan ples. If ɔl di pat dɛn pan di bɔdi de du dɛn wok gud, dat go mek ɔl di bɔdi gro lɛkɛ aw Gɔd want am fɔ gro, so ɔl di pat dɛn pan di bɔdi, dat na di pipul dɛn, go lɛk dɛn kɔmpin.

1 Kɔrint 10:23

Sɔm pipul go se, “Wi kin du ɛnitin, nɔbɔdi nɔ go tap wi.” Dat na tru. Bɔt nɔto ɔltin we pɔsin kin du, gud. Dɛn go se igen, “Wi kin du ɛnitin,” bɔt nɔto ɔltin we dɛn de du, go ɛp ɔda pipul.

Pita In Sɛkɛn Lɛta 1:12

Pan ɔl we una no ɔl dɛn tin ya ɛn una biliv gud gud dɛn tru tin, we a dɔn tɛl una naw, a nɔ go taya fɔ mɛmba una bɔt dɛn.

2 Kɔrint 12:19

Sɔntɛm una dɔn de tink ɔl dis tɛm se wi de tray fɔ tɔk mek una go gladi fɔ wi. Nɔto dat wi want du, wi de tɔk bifo Gɔd wetin Krays want mek wi tɔk. Mi padi dɛn, ɔl wetin wi de du na fɔ ɛp una.

1 Kɔrint 14:29

Tu ɔ tri pipul we Gɔd gi mɛsej fɔ tɔk di mɛsej, ɛn ɔda pipul fɔ lisin fɔ no if na Gɔd in mɛsej fɔ tru dɛn de tɔk.

Lɛta Fɔ Rom 15:14

Mi kɔmpin Kristiɛn dɛn, a shɔ se una gud, una no ɔl wetin una fɔ du ɛn una ebul advays una kɔmpin dɛn.

Fɔs Lɛta To Timoti 1:4

Yu fɔ tɛl dɛn se dɛn fɔ lɛf fɔ lisin to dɛn pipul we jɛs de tɔk stori we dɛn yɛri, ɛn dɛn grampapa papa dɛn nem we nɔ de dɔn, bikɔs dɛn tin de jɛs de mek pipul mek plaba nɔmɔ; dɛn nɔ de ɛp fɔ mek dɛn no bɔt Gɔd in plan fɔ sev wi; na di biliv we pɔsin biliv pan Gɔd de ɛp fɔ mek ɔda pipul no bɔt Gɔd in plan fɔ sev wi.

Fɔs Lɛta Fɔ Tɛsalonayka 4:10

Ɛn na so una lɛk ɔl di Kristiɛn dɛn we de ɔlɔbɔt na Masidonia. Bɔt, wi Kristiɛn pipul dɛn, wi de beg una fɔ lɛk dɛn pas dat.

1 Kɔrint 14:5

A lɛk mek una ɔl de tɔk laŋwej we unasɛf nɔ ɔndastand, bɔt wetin a lɛk pas dat na fɔ lɛ Gɔd mek una ɔl ebul fɔ tɔk wɔd we i tɛl una fɔ tɔk. Di pɔsin we de tɔk wɔd we Gɔd tɛl am de ɛp di chɔch mɔ pas di wan we de tɔk laŋwej we insɛf nɔ ɔndastand, pas nɔmɔ if pɔsin de we de ɛksplen wetin i de tɔk so dat di wɔd we i de tɔk kin ɛp di chɔch.