Fɔs Lɛta Fɔ Tɛsalonayka 5:10 - Krio Fɔs Oli Baybul

¹⁰ Krays day fɔseka wi so dat wi go liv wit am, wɛn i kam bak if wi dɔn day ɔ if wi nɔ day yet.

Fɔs Lɛta Fɔ Tɛsalonayka 5:10 Referans Kwoze

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Lɛta Fɔ Rom 8:34

So ɛnibɔdi de we go se Gɔd in pipul dɛn du bad? Jizɔs Krays na di wan we dɔn day fɔ wi, ɔ a fɔ se, nain Gɔd mek rayz frɔm di grev ɛn i sidɔm na Gɔd in raytan. I de beg Gɔd fɔ wi.

Fɔs Lɛta Fɔ Tɛsalonayka 4:17

afta dat, Gɔd go mek wi we nɔ go dɔn day yet ɛn dɛn wan we bin dɔn day, go ɔp na di klawd, ɛn wi ɔl go gɛda rawnd di Masta. So wi go de wit di Masta ɔltɛm.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

2 Kɔrint 5:15

I day fɔ ɔlman so dat dɛn wan we gɛt layf nɔ go liv fɔ dɛnsɛf nɔmɔ, bɔt dɛn go jɛs liv nɔmɔ fɔ di wan we dɔn day, we Gɔd mek rayz frɔm di grev fɔseka dɛn.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Fɔs Lɛta Fɔ Tɛsalonayka 4:13

Wi brɔda dɛn, wi want mek una no di tru tin bɔt dɛn pipul we dɔn day, so dat una nɔ go sɔri lɛkɛ aw dɛn pipul we nɔ abop fɔ gɛt layf sote go na ɛvin kin sɔri.

1 Kɔrint 15:3

Di wɔd we misɛf yɛri, we bɛtɛ fawe pas ɛni ɔda wɔd nain a tɛl una we a se: Krays day fɔseka wi sin dɛn, lɛkɛ aw dɛn rayt na Gɔd in Buk;

Jɔn 15:13

If pɔsin day fɔ in padi, nɔ lɛk nɔ pas da wande.

Jɔn 10:17

“Mi Papa lɛk mi bikɔs a rɛdi fɔ sakrifays mi layf, so dat a kin gɛt am bak.

Jɔn 10:11

“Mi na di gud shɛpad, a gri fɔ day fɔ mi ship dɛn.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Fɔs Lɛta Fɔ Tɛsalonayka 4:15

Di tin we wi de kam lan una naw na tin we di Masta bin dɔn lan una. I bin se, wi we nɔ go day yet wɛn i kam bak, nɔ go rich na ɛvin bifo dɛn pipul we bin dɔn day.

Fɔs Lɛta Fɔ Tɛsalonayka 5:6

So wi nɔ fɔ tan lɛkɛ pipul we de slip, lɛkɛ dɛn ɔda pipul, wi fɔ waydawek ɛn wi fɔ soba.

Sɛkɛn Lɛta To Timoti 2:11

Na tru dɛn kin tɔk we dɛn kin se: “If wi day wit am, wi go liv wit am.