Fɔs Lɛta Fɔ Tɛsalonayka 4:9 - Krio Fɔs Oli Baybul

⁹ Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Fɔs Lɛta Fɔ Tɛsalonayka 4:9 Referans Kwoze

Jɔn In Fɔs Lɛta 3:11

Di mɛsej we una bin dɔn yɛri di tɛm we una fɔs bi Kristiɛn nain dis: wi fɔ lɛk wi kɔmpin mɔtalman.

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Jɔn In Fɔs Lɛta 3:23

Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.

Jɔn In Fɔs Lɛta 4:21

Na di tin dis we Krays tɛl wi fɔ du: pɔsin we lɛk Gɔd fɔ lɛk in kɔmpin insɛf.

Di Ibru Pipul Dɛn 13:1

Una we na brɔda bikɔs una ɔl na Krays in pikin dɛn, una fɔ lɛk una kɔmpin dɛn ɔltɛm.

Fɔs Lɛta Fɔ Tɛsalonayka 5:1

A nɔ gɛt fɔ rayt una bɔt di de we di Masta go kam bak,

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

Jɔn In Fɔs Lɛta 2:10

Ɛni bɔdi we lɛk in kɔmpin mɔtalman, da pɔsin de de na di layt, so i nɔ go sin, ɛn i nɔ go mek ɔda pɔsin sin.

Pita In Sɛkɛn Lɛta 1:7

Pantap dat, una fɔ de ɛp una kɔmpin Kristiɛn dɛn, ɛn una nɔ fɔ jɛs de ɛp dɛn nɔmɔ, una fɔ lɛk dɛn; na ɔl dɛn tin ya una fɔ de du pantap di biliv we una biliv pan Krays.

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Di Ibru Pipul Dɛn 10:16

“Di Masta se, ‘Wɛn di rayt tɛm rich, na di agrimɛnt dis we a go mek wit dɛn: A go mek dɛn no mi lɔ dɛn, ɛn a go mek dɛn nɔ fɔgɛt dɛn.’”

Jɔn 14:26

Di wan we de ɛp pipul fɔ du wetin Gɔd want, dat na Gɔd in Spirit, we mi Papa go sɛn to una bikɔs a aks am, go lan una ɔltin ɛn mek una mɛmba ɔl wetin a dɔn tɛl una.

Di Sam Dɛm 133:1

I fayn ɛn i swit wɛn PAPA GƆD in pipul gɛda wit wan at fɔ wɔship am.

Matyu 22:39

Di ɔda lɔ we impɔtant nain dis: ‘Yu fɔ lɛk yu kɔmpin mɔtalman lɛkɛ aw yu lɛk yusɛf.’

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Ayzaya 51:13

ɛn yu dɔn fɔgɛt PAPA GƆD we na yu Meka, we bin opin di skay wayd, ɛn le di wɔl in fawndeshɔn ɛn jɛs de fred ol de fɔseka di man we de aras, yu in bad bad vɛksteshɔn, wɛn i rɛdi insɛf fɔ nyakanyaka? Ɛn we in bad bad vɛksteshɔn naw?

Lɛvitikɔs 19:8

ɛn ɛnibɔdi we it am go bia wit wetin gɛt fɔ bi bikɔs i go dɔn mek wetin oli to PAPA GƆD lɛk tin we nɔ oli ɛn so i nɔ go mek da pɔsin de miks wit in pipul igen

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

2 Kɔrint 9:1

A nɔ gɛt fɔ rayt tɛl una bɔt wetin di Kristiɛn dɛn fɔ sɛn go Judia fɔ ɛp dɛn kɔmpin Kristiɛn.

Lɛta Fɔ Filipay 3:15

Wi ɔl we dɔn biliv Krays gud gud ɛn we dɔn no ɔl wetin Gɔd want wi fɔ du, fɔ put wi at pan ɔl wetin a dɔn tɔk bɔt so, bɔt if una nɔ gri wit wetin a dɔn tɔk, Gɔd insɛf go sho una se wetin a tɔk na tru.