Fɔs Lɛta Fɔ Tɛsalonayka 4:7 - Krio Fɔs Oli Baybul

⁷ Gɔd nɔ kɔl wi fɔ mek wi liv fri layf, wi nain yon pipul so wi fɔ liv di kayn layf we go sho se wi nain yon pipul.

Fɔs Lɛta Fɔ Tɛsalonayka 4:7 Referans Kwoze

Lɛvitikɔs 11:44

I se in na PAPA GƆD we na dɛn Gɔd. I se so dɛn fɔ de klin wan fɔ am ɛn tan lɛk am bikɔs in na oli Gɔd. I se dɛn nɔ fɔ tek dɛn tin dɛn we de krip na wɔl fɔ ambɔg dɛnsɛf.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Lɛvitikɔs 19:2

mek i tɛl ɔl di Izrɛlayt dɛn se, dɛn fɔ oli bikɔs PAPA GƆD we na dɛn GƆD oli.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

Lɛta Fɔ Galeshya 5:19

I nɔ at fɔ si wetin mɔtalman lɛk fɔ du: mɔtalman lɛk fɔ liv fri ɛn bad layf,

Fɔs Lɛta Fɔ Tɛsalonayka 2:3

Di Gud Nyuz we wi tɛl una nɔto bay mistek, ɛn nɔto bad wi mɛmba wɛn wi tɛl una, wi nɔ bin jɛs want mek una ful nɔmɔ.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Lɛta Fɔ Ɛfisɔs 4:19

Dɛn nɔ de du di rayt tin, dɛn nɔ gɛt wan shem. Dɛn de liv fri layf ɛn dɛn satisfay fɔ liv da we de.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

1 Kɔrint 1:2

de rayt to una ɔl we na Kristiɛn na Kɔrint, we Gɔd kɔl fɔ bi in yon ɛn we dɔn bi in yon, bikɔs una gɛt wanwɔd wit Jizɔs Krays, ɛn a de rayt igen to ɔl dɛn pipul ɔlɔbɔt na wɔl we de pre wit Jizɔs Krays in nem. Na wi Masta ɛn dɛn Masta.