Fɔs Lɛta Fɔ Tɛsalonayka 4:6 - Krio Fɔs Oli Baybul

⁶ Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Fɔs Lɛta Fɔ Tɛsalonayka 4:6 Referans Kwoze

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

Lɛta Fɔ Rom 12:19

Mi padi dɛn, una nɔ fɔ tɔn bad gi ɛnibɔdi we du una bad, bɔt una fɔ lɛ Gɔd kɔndɛm di pɔsin. Dɛn rayt na Gɔd in Buk se, “Di Masta se, a go mek dɛn pipul we de du ɔda pipul bad, sɔfa fɔ di bad we dɛn de du.”

Ɛksodɔs 20:17

Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”

Lɛta Fɔ Rom 1:18

Di vɛks we Gɔd vɛks dɔn sho aw i go jɔj ɔlman fɔ di sin we de na dɛn at ɛn fɔ di bad we dɛn du, we de mek pipul nɔ no wetin tru bɔt Gɔd.

Prɔvabs 28:24

Ɛnibɔdi we de tif in mami ɛn dadi ɛn se natin nɔ de pan dat tan lɛkɛ ɛni am rɔba.

Ɛksodɔs 20:15

Una nɔ fɔ tif.

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

Jems 2:6

Wetin mek una nɔ tek dɛn po pipul mek ɛnitin? Na dɛn jɛntri pipul de mek una tan lɛkɛ slev ɛn na dɛn de drɛg una go bifo dɛn jɔj.

Lɛta Fɔ Galeshya 5:21

dɛn nɔ want mek bɛtɛ fala dɛn kɔmpin, dɛn de drɔnk, ɛn dɛn de mek dɛn wayl pati, ɛn dɛn de du plɛnti ɔda bad tin dɛn lɛkɛ dɛn wan ya. A de wɔn una lɛkɛ aw a bin dɔn wɔn una fɔs se: dɛn pipul we de pan dis kayn layf nɔ go de ɔnda Gɔd in rul.

Lɛta Fɔ Rom 13:4

Dɛn pipul we de rul, na Gɔd in wokman dɛn we de wok fɔ ɛp una. Bɔt if una du bad, una fɔ fred dɛn, bikɔs dɛn gɛt di pawa fɔ pɔnish una ɛn dɛn go pɔnish una. Dɛn tinap fɔ Gɔd we dɛn de jɔj ɛn pɔnish dɛn pipul we de du bad.

Lyuk 12:5

Bɔt a de tɛl una naw se una fɔ fred Gɔd bikɔs wɛn i dɔn mek pɔsin day, i gɛt pawa fɔ trowe di pɔsin in sol na ɛl. A de tɛl una igen se una fɔ fred Gɔd!

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Izikɛl 22:13

Fɔseka dat, a go klap mi an fɔseka di tif tif prɔfit we una dɔn mek, ɛn fɔseka di blɔd we una dɔn wes na Izrɛl.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Lɛta Fɔ Ɛfisɔs 5:6

Mek nɔbɔdi nɔ mek una ful wit wɔd we nɔ min natin, na ɔl dɛn tin ya de mek Gɔd vɛks pan dɛn pipul we nɔ de du wetin i tɛl dɛn fɔ du.

Lɛta Fɔ Ɛfisɔs 4:17

A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.

Mak 10:19

Yu no dɛn lɔ we se: ‘Yu nɔ fɔ kil yu kɔmpin mɔtalman; mared man nɔ fɔ lɛf in wɛf ɛn kip ɔda uman ɛn mared uman nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin; yu nɔ fɔ rog; yu fɔ rɛspɛkt yu papa ɛn mama.’”

Zɛfinaya 3:5

PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.

Zɛfinaya 3:1

Trɔbul go mit di pɔsin we de mek lɛk rebɛl ɛn nɔ klin na PAPA GƆD in yay, di siti we de ɔprɛs pipul.

Jɛrimaya 9:4

Lɛ ɔlman tek tɛm wit in neba, ɛn nɔ biliv nɔn brɔda; bikɔs ɔl di brɔda dɛn disitful, ɛn ɔl neba de go ɔlɔbɔt de koŋosa.

Jɛrimaya 7:6

if una nɔ sɔprɛs dɛn trenja, dɛn pikin dɛn we dɛn mami ɛn dadi dɔn day, ɔ uman we in man dɔn day, ɔ kil inosɛnt pɔsin na ya, ɛn if una nɔ de biɛn ɔda gɔd dɛm we dat go ambɔg una,

Ayzaya 5:7

PAPA GƆD Ɔlmayti in greps fam na Izrɛl, ɛn di man dɛn na Juda na di fayn fayn plant dɛn we i plant; ɛn i luk fɔ jɔstis bɔt oya, soso blɔd; i luk fɔ di wan dɛn we de waka tret wit PAPA GƆD, bɔt oya, na kray!

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Prɔvabs 20:23

PAPA GƆD et we pɔsin de rog pan mɛzhɔmɛnt ɔ fiks di skel.

Prɔvabs 20:14

“Masi, tiŋs dia o, tiŋs dia!” Na so yu de bay kin tɔk; bɔt wɛn i dɔn bay dɔn, i bigin de blɔf se in sabi yɔwo.

Prɔvabs 11:1

PAPA GƆD et udat de rog pan mɛzhɔmɛnt, bɔt i kin pliz wit yu de mɛzhɔ kɔrɛkt.

Di Sam Dɛm 140:12

A no se PAPA GƆD de fɛt fɔ poman ɛn mek dɛn gɛt dɛn rayt.

Di Sam Dɛm 94:1

E PAPA GƆD, yu we na PAPA GƆD we de pɔnish, yu sabi pɔnish, so sho yusɛf.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Ditarɔnɔmi 24:7

Mozis se if dɛn kech ɛnibɔdi we kech in kɔmpin Izrɛlayt, trit lɛk slev ɔ de tray fɔ sɛl am, dɛn fɔ kil am. I se dɛn fɔ kil am lɛ da swɛ de nɔ go de pan dɛn ɛn lɛ nɔbɔdi nɔ go tray fɔ du dat igen

Lɛvitikɔs 25:17

Nɔbɔdi nɔ fɔ rog in kɔmpin bɔt fɔ fred dɛn PAPA GƆD; bikɔs nain na PAPA GƆD we na dɛn GƆD.

Lɛvitikɔs 25:14

Ɛn if pɔsin sɛl ɔ bay land nain kɔmpin in an, i nɔ fɔ rog in kɔmpin.

Lɛvitikɔs 19:13

Nɔ ple rikishi pan yu kɔmpin ɛn tif am. If man fɔ pe pɔsin fɔ wok we i du, di man fɔ mek shɔ se i pe di pɔsin we du di wok di sem de we di wok dɔn.

Lɛvitikɔs 19:11

I se nɔ fɔ tif nɔ mek dabaru ɔ lay gi dɛn kɔmpin.

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.

Mayka 2:2

Dɛn kin kapu pipul dɛn fil ɛn os dɛn ɛn pul dɛn kɔmɔt na dɛn an. Dɛn jɛs de fɔ buli pipul dɛn ɛn pul dɛn os ɛn ɔda prɔpati kɔmɔt na dɛn an.

Prɔvabs 16:11

PAPA GƆD lɛk ɔnɛs biznɛs, ɔl wetin i de du fia.

2 Kɔrint 7:11

Luk wetin Gɔd du fɔ una we a mek una fil sɔri: i mek una siriɔs pan wetin una de du ɛn una want pruv fɔ tru se una nɔ gilti! Una bin vɛks bad fɔ di tin we una bin du; una bin fred bikɔs na bad tin una bin du, una bin fil bad; una bin want si mi bad bad; una bin rɛdi ɛnitɛm fɔ pɔnish di pɔsin we du bad! Una du ɔl wetin una ebul fɔ mek ɔltin tret. Ɔl dat dɔn sho mi se a nɔ gɛt ɛnitin fɔ blem una fɔ insay ɔl dis.

Fɔs Lɛta Fɔ Tɛsalonayka 2:11

Una no se wi trit una ɔl wan wan lɛkɛ aw dadi kin trit in pikin dɛn.

Di Ibru Pipul Dɛn 2:6

Bɔt dɛn rayt wan say nain Buk se, “Gɔd, udat na mɔtalman we mek yu fɔ tink bɔt am? Mɔtalman nɔto ɛnitin, so wi wɔnda wetin mek yu kam na wɔl fɔ ɛp am?