Fɔs Lɛta Fɔ Tɛsalonayka 4:5 - Krio Fɔs Oli Baybul

⁵ i nɔ fɔ jɛs want in wɛf fɔ slip wit am nɔmɔ, lɛkɛ aw dɛn pipul we nɔ bisin bɔt Gɔd de du.

Fɔs Lɛta Fɔ Tɛsalonayka 4:5 Referans Kwoze

Lɛta Fɔ Galeshya 4:8

Fɔs tɛm, una nɔ bin no Gɔd, so una na bin slev to dɛn spirit we nɔ gɛt pawa lɛkɛ Gɔd.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Pita In Fɔs Lɛta 4:3

Una nɔ wes mɔ tɛm igen. Di tɛm dɔn pas we una bin de du dɛn tin we dɛn pipul we nɔ no Gɔd lɛk fɔ du. Dɛn man ɛn uman bin de du tin we dɛn nɔ fɔ du wit dɛn bɔdi, una bin de fala una at fɔ du dɛn bad tin ya ɛn ɔda bad tin dɛn, una bin de drɔnk, una bin de mek dɛn wayl wayl pati, ɛn dɛn pati we pipul fɔ go drink sote dɛn drɔnk. Una bin de pre to dɛn tin we mɔtalman mek fɔ pre to pan ɔl we di Lɔ se mek una nɔ du dat, ɛn na tin dat we una fɔ shem fɔ du.

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

1 Kɔrint 15:34

Una kechɔp unasɛf ɛn lɛf fɔ sin. Una fɔ shem we a tɔk se, sɔm pan una nɔ no Gɔd.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Lɛta Fɔ Rom 1:26

Fɔseka dat, Gɔd dɔn lɛf dɛn mek dɛn jɛs de du dɛn dɔti tin we dɛn at gi dɛn fɔ du. Di uman dɛnsɛf de du dɛn tin we Gɔd nɔ mek uman fɔ du wit dɛn kɔmpin uman.

Lɛta Fɔ Rom 1:24

Bikɔs mɔtalman ful, Gɔd lɛf dɛn fɔ du dɛn dɔti tin we dɛn at gi dɛn fɔ du, ɛn dɛn de du dɛn tin wit dɛn kɔmpin bɔdi we fɔ mek dɛn shem.

Apɔsul Dɛn Wok 17:23

We a de waka na una tɔŋ, a bin de luk na ɔl di ples dɛn we una de pre to una gɔd; na de a si wan ples we una rayt pan ston se, ‘Fɔ di gɔd we wi nɔ no’. Di gɔd we una de pre to, we una nɔ no, nain a kam tɛl una bɔt naw.

Lyuk 12:30

Na dɛn tin de dɛn pipul we nɔ no Gɔd put dɛn at pan. Gɔd we na una Papa no se una mɔs gɛt dɛn.

Matyu 6:32

Na dɛn tin ya dɛn pipul we nɔ no Gɔd de fɛn, bɔt Gɔd we na una Papa we de na ɛvin no se una fɔ gɛt ɔl dɛn tin ya.

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

Di Sam Dɛm 79:6

Put yu vɛksteshɔn pan di pipul na dɛn kɔntri we nɔ no yu ɔ we nɔ de pre to yu;

Jɛrimaya 10:25

Tɔn mi vɛksteshɔn pan di neshɔn we nɔ no yu, ɛn pan di pipul dɛn we nɔ de pre to yu; bikɔs dɛn dɔn kil Jekɔb; dɛn dɔn kil am ɛn it am, ɛn dɛn dɔn mek di ples we i bin tap, yuslɛs.