Fɔs Lɛta Fɔ Tɛsalonayka 4:16 - Krio Fɔs Oli Baybul

¹⁶ Pipul go yɛri lawd vɔys de tɛl dɛn wetin dɛn fɔ du, dɛn go yɛri di edman fɔ ɔl di enjɛl dɛn in vɔys, Gɔd in trɔmpɛt go blo, ɛn di Masta insɛf go kɔmɔt na ɛvin kam dɔŋ. Na dɛn pipul we bin biliv pan Krays sote dɛn day fɔs go rayz frɔm dɛn grev;

Fɔs Lɛta Fɔ Tɛsalonayka 4:16 Referans Kwoze

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

1 Kɔrint 15:23

Bɔt ɔlman go gɛt in yon tɛm: na Krays fɔs, dɔn dɛn wan we nain yon go rayz frɔm dɛn grev wɛn Krays kam bak.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Ayzaya 27:13

Ɛn da tɛm de, dɛn go blo wan big big trɔmpɛt, ɛn dɛn wan we bin lɔs na Asiria, ɛn dɛn wan dɛn we dɛn bin drɛb go Ijipt, go kam wɔship PAPA GƆD na di oli mawnten na Jerusɛlɛm.

Sɛkɛn Lɛta Fɔ Tɛsalonayka 2:1

Mi Kristiɛn pipul dɛn, sɔm pipul de tɔk se di De we di Masta go kam ɛn gɛda wi ɔl rawnd insɛf, dɔn kam, bɔt a de beg una, mek una

Apɔsul Dɛn Wok 1:11

Di tu man dɛn tɛl dɛn se, “Una we kɔmɔt Galili, wetindu una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.”

Zɛkaraya 9:14

Da tɛm de, PAPA GƆD go bɔsawt pan in pipul dɛn ɛn di aro dɛn we i go de sɛn go tan lɛk laytin; PAPA GƆD we na PAPA GƆD de blo in trɔmpɛt fɔ lɛ dɛn tinada we kin blo na di sawt bigin blo.

Di Sam Dɛm 47:5

Ɔlman de mek nɔys bikɔs dɛn gladi we PAPA GƆD de tek in sit as kiŋ, dɛn de blo ɔn fɔ ple myuzik.

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

Ɛksodɔs 19:16

Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Rɛvɛleshɔn 8:13

A luk bak, na de a yɛri wan igul we de flay tɔk lawd wan se, “Woyo, woy! Big big waala gɛt fɔ fɔdɔm pan dɛn pipul we de na wɔl wɛn di tri enjɛl dɛn we lɛf, blo di trɔmpɛt dɛn we dɛn fɔ blo!”

Matyu 26:64

Jizɔs se, “Na so yu se. Bɔt a de tɛl una se frɔm naw sote go, una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Rɛvɛleshɔn 14:13

Dɛn a yɛri vɔys na ɛvin de tɔk se, “Rayt wetin a de kam tɛl yu naw: Dɛn pipul we go day fɔseka di Masta, go gladi!” Di Spirit ansa se, “Na tru yu de tɔk, dɛn dɔn dɔn di big wok we dɛn bin de du so, dɛn go blo naw ɛn dɛn go gladi bikɔs dɛn dɔn si wetin di wok we dɛn bin de du, dɔn briŋ.”

Jud In Lɛta 1:9

Maykɛl sɛf we na dɛn enjɛl dɛn chif, wɛn in ɛn Setan bin de agyu bɔt uswan pan dɛn tu fɔ gɛt Mozis bɔdi, i nɔ kɔs Setan wɛn i de tɛl am se wetin i de du nɔ rayt, bifo dat, i tɛl am se, “Mek Gɔd tɔk pan yu!”

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Zɛkaraya 4:7

So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Di Nɔmba Dɛm 23:21

I nɔ de luk se Izrɛl in jɛnareshɔn bin du am bad ɔ pan ɔl di bad tin dɛn we di Izrɛlayt dɛn dɔn du. PAPA GƆD we na dɛn PAPA GƆD de wit dɛn; nain de tɔk fɔ dɛn.

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Di Sam Dɛm 47:1

Ɔlman klap in an fɔ sho se i gladi; Siŋ ɛn prez PAPA GƆD lawd wan.

Matyu 16:28

A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔtalman Pikin kam rul ɔl di wɔl.”

1 Kɔrint 15:18

Dat min igen se dɛn wan we dɔn day, we bin biliv Krays, dɔn go ɛl.

1 Kɔrint 15:20

Pan ɔl dɛn wɔd ya, di wan we tru, na di wɔd we pipul de tɔk se Gɔd dɔn mek Krays rayz frɔm di grev fɔs, fɔ sho wi se, fɔ tru, Gɔd go mek dɛn wan we dɔn day rayz frɔm dɛn grev.

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Fɔs Lɛta Fɔ Tɛsalonayka 3:11

A de pre mek Gɔd insɛf we na wi Papa ɛn wi Masta Jizɔs opin di rod fɔ wi fɔ go to una.

Rɛvɛleshɔn 8:2

Na de a si di sɛvin enjɛl dɛn we tinap bifo Gɔd. Sɔmbɔdi kam gi dɛn sɛvin trɔmpɛt.