Fɔs Lɛta Fɔ Tɛsalonayka 4:13 - Krio Fɔs Oli Baybul

¹³ Wi brɔda dɛn, wi want mek una no di tru tin bɔt dɛn pipul we dɔn day, so dat una nɔ go sɔri lɛkɛ aw dɛn pipul we nɔ abop fɔ gɛt layf sote go na ɛvin kin sɔri.

Fɔs Lɛta Fɔ Tɛsalonayka 4:13 Referans Kwoze

Daniɛl 12:2

Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.

Fɔs Lɛta Fɔ Tɛsalonayka 5:10

Krays day fɔseka wi so dat wi go liv wit am, wɛn i kam bak if wi dɔn day ɔ if wi nɔ day yet.

Fɔs Lɛta Fɔ Tɛsalonayka 4:15

Di tin we wi de kam lan una naw na tin we di Masta bin dɔn lan una. I bin se, wi we nɔ go day yet wɛn i kam bak, nɔ go rich na ɛvin bifo dɛn pipul we bin dɔn day.

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Pita In Sɛkɛn Lɛta 3:4

Dɛn go de se, “We di pɔsin we dɛn bin se go kam? Frɔm we wi grampapa papa dɛn day te tide natin nɔ chenj na di wɔl; natin nɔ chenj frɔm di tɛm we Gɔd mek di wɔl!”

1 Kɔrint 15:6

Dɛn i sho insɛf to pipul dɛn we pas fayv ɔndrɛd we bin de fala am bifo i day; plɛnti pan dɛn nɔ day yet, bɔt sɔm dɔn day.

Apɔsul Dɛn Wok 7:60

I nil dɔŋ na grɔn ɛn pre lawd wan se, “Papa Gɔd, padin dɛn pipul ya fɔ wetin dɛn dɔn du!” Wɛn i pre dɔn, nain i day.

Izikɛl 37:11

Dɛn PAPA GƆD se to mi, “Mɔtalman, dɛn bon ya, na di wanol Izrɛl. Una lisin, dɛn se, ‘wi bon dɛn dɔn dray, ɛn wi nɔ abop igen; wi nɔ gɛt nɔn link na di wɔl igen.’

2 Kɔrint 1:8

Mi kɔmpin Kristiɛn dɛn, wi want mek una mɛmba di trɔbul we mit wi na Eshya. Di waala na wi ed bin so plɛnti dat wi bin mɛmba se ɔltin dɔn fɔ wi.

1 Kɔrint 10:1

Mi Kristiɛn brɔda dɛn, a want mek una mɛmba wetin bin bi to wi pipul dɛn we bin de fala Mozis lɔntɛm. Klawd bin de oba dɛn fɔ mek natin bad nɔ bi to dɛn, ɛn natin bad nɔ bi to dɛn wɛn dɛn bin de pas na di wata we dɛn kɔl Rɛd Si, we Gɔd bin sheb tu say.

Lɛta Fɔ Rom 1:13

Mi kɔmpin Kristiɛn dɛn, una fɔ mɛmba se, plɛnti tɛm a kin dɔn mekɔp fɔ go fɛn una, bɔt ɔltɛm sɔntin kin mek a nɔ go. A want fɔ wok fɔ mek una yon pipul dɛn biliv pan Jizɔs Krays lɛkɛ aw a dɔn mek sɔm pan dɛn ɔda pipul we nɔto Ju biliv pan Jizɔs Krays.

Apɔsul Dɛn Wok 13:36

Wɛn Devid dɔn du wetin Gɔd bin want am fɔ du, i day. Dɛn bɛr am klos in grampapa papa dɛn ɛn in bɔdi rɔtin.

Jɔn 11:24

Mata se, “A no se, insɛf go rayz frɔm in grev di las de we ɔlman go rayz frɔm dɛn grev.”

Pita In Sɛkɛn Lɛta 3:8

Mi padi dɛn we a lɛk, una fɔ mɛmba se, wande, na Gɔd in yay, tan lɛkɛ wan tawzin ia ɛn wan tawzin ia tan lɛkɛ wande.

Apɔsul Dɛn Wok 8:2

Na sɔm pipul we bin biliv Gɔd, bɛr Stivin; dɛn kray fɔ am bita wan.

Prɔvabs 14:32

Udat de du bad jɛs de alaki insɛf, bɔt yu de du gud nain gud de fala am.

1 Kiŋ 2:10

Devid day ɛn dɛn bɛr am na Devid in siti.

1 Kiŋ 1:21

If yu nɔ du dat naw dɔn yu day, dɛn go trit mi ɛn mi bɔypikin Sɔlɔmɔn lɛkɛ ɛnimi.”

Lɛvitikɔs 19:28

Pɔsin nɔ fɔ kɔt kɔt in bɔdi se i de munin, ɔ mek tatu ɔ ɛni ɔda mak nain bɔdi fɔ seka dayman.

Matyu 27:52

Di grev dɛnsɛf opin; plɛnti pan Gɔd in pipul dɛn we bin dɔn day rayz frɔm dɛn grev.

1 Kɔrint 12:1

Mi brɔda dɛn, a want mek una sabi wetin tru bɔt dɛn difrɛn tin we Gɔd in Spirit de mek di Kristiɛn dɛn sabi fɔ du.

Job 1:21

I se, ‘we a bɔn, a nɔ kam wit natin, semweso we a day, a nɔ gɛt fɔ kɛr natin go; na PAPA GƆD gi mi ɔl wetin a gɛt ɛn na PAPA GƆD dɔn tek dɛn na mi an bak; mek ɔlman prez in nem.’

2 Samiɛl 18:33

Dat shek di kiŋ. I go ɔp na di rum we de to di get ɛn kray. As i de go, na so i de se “E mi pikin, Absalɔm, a wish na mi bin fɔ day! Noto yu fɔ day, mi pikin, Absalɔm.”

Jɛnɛsis 37:35

In pikin dɛn tray fɔ kɔrej am bɔt i nɔ tek. I se, in wan day go mit in pikin na Shiol wit di munin. I bin stil de kray fɔ am.

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.

Fɔs Lɛta Fɔ Tɛsalonayka 4:14

Wi biliv se Jizɔs day, bɔt i rayz frɔm di grev, so wi biliv se, semwe so Gɔd go tek dɛn pipul we bin biliv pan Jizɔs sote dɛn day go na di say we Jizɔs de.

Fɔs Lɛta Fɔ Tɛsalonayka 5:6

So wi nɔ fɔ tan lɛkɛ pipul we de slip, lɛkɛ dɛn ɔda pipul, wi fɔ waydawek ɛn wi fɔ soba.

Lɛvitikɔs 21:2

pas nɔmɔ if dɛn ɔl tap na wan os lɛkɛ dɛn mama, papa, pikin, brɔda,