Fɔs Lɛta Fɔ Tɛsalonayka 4:10 - Krio Fɔs Oli Baybul

¹⁰ Ɛn na so una lɛk ɔl di Kristiɛn dɛn we de ɔlɔbɔt na Masidonia. Bɔt, wi Kristiɛn pipul dɛn, wi de beg una fɔ lɛk dɛn pas dat.

Fɔs Lɛta Fɔ Tɛsalonayka 4:10 Referans Kwoze

Lɛta Fɔ Filipay 1:9

A de pre fɔ mek una lɛk Gɔd ɛn una kɔmpin mɔtalman mɔ ɛn mɔ, ɛn mek una no bɔt Gɔd mɔ ɛn mɔ, ɛn sabi mɔ ɛn mɔ wetin gud ɛn wetin bad,

Fɔs Lɛta Fɔ Tɛsalonayka 3:12

Lɛ di Masta mek una lɛk una kɔmpin Kristiɛn dɛn ɛn ɔl dɛn ɔda pipul wit ɔl una at lɛkɛ aw wi lɛk una.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Fɔs Lɛta Fɔ Tɛsalonayka 1:7

So ɔl wetin una du ɛn aw una bin liv, de fɔ mek ɔl di Kristiɛn dɛn na Masidonia ɛn Gris si ɛn fala.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Lɛta Fɔ Kɔlɔse 1:4

Wi de tɛl Gɔd tɛnki bikɔs wi yɛri se una biliv pan Jizɔs Krays ɛn una lɛk ɔl Gɔd in pipul dɛn.

Lɛta Fɔ Ɛfisɔs 1:15

Na dat mek, frɔm we a yɛri se una dɔn biliv pan Masta Jizɔs ɛn aw una lɛk ɔl dɛn pipul we na Kristiɛn,

Lɛta Fɔ Rom 15:26

Bikɔs di chɔch mɛmba dɛn na Masidonia ɛn Gris dɔn mekɔp fɔ gi dɛn Kristiɛn we nɔ gɛt natin na Jerusɛlɛm sɔm mɔni.

Sɛkɛn Lɛta Fɔ Tɛsalonayka 3:4

Na wi Masta mek wi de abop pan una, ɛn wi shɔ se una de du wetin wi tɛl una fɔ du ɛn una go stil de du am.