Fɔs Lɛta Fɔ Tɛsalonayka 3:8 - Krio Fɔs Oli Baybul

⁸ Bikɔs una nɔ gri mek ɛnitin mek una tap fɔ waka wit di Masta, wi gladi fɔ de na dis layf.

Fɔs Lɛta Fɔ Tɛsalonayka 3:8 Referans Kwoze

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

1 Kɔrint 16:13

Una fɔ waydawek, una fɔ tinap traŋa pan di biliv we una biliv pan Gɔd, una fɔ gɛt kɔrej, una nɔ fɔ mek ɛnitin pul una pan di wok we una de du fɔ Gɔd.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

Di Ibru Pipul Dɛn 10:23

Una lɛ wi tinap traŋa, ɛn lɛ wi abop se wi go gɛt dɛn tin we wi biliv se Gɔd go gi wi. Una lɛ wi nɔ dawt bikɔs Gɔd dɔn prɔmis se in go du dɛn tin de, ɛn i go du wetin i se, fɔ tru.

Di Ibru Pipul Dɛn 4:14

Wi fɔ stil biliv di Gud Nyuz we wi bin dɔn biliv, bikɔs pɔsin de we na di edman we de mek sakrifays fɔ pipul sin, nain dɔn go na di ples we Gɔd de. Na Jizɔs, we na Gɔd in Pikin, na di edman.

Lɛta Fɔ Filipay 1:21

Fɔ mi yon wan pat, a liv ɔl mi layf fɔ Krays nɔmɔ, bɔt if a day, a go gɛt layf we bɛtɛ pas dis layf.

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Di Sam Dɛm 30:5

I nɔ de vɛks fɔ lɔŋ, bɔt i rɛdi fɔ blɛs yu fɔ layf; if sɔntin mek yu kray na nɛt, di kray nɔ go las te mɔnin. Bay mɔnin, na laf yu go de laf.

Pita In Sɛkɛn Lɛta 3:17

Mi padi dɛn we a lɛk, we una dɔn no dɛn tin ya bifo dɛn bi, una fɔ tek tɛm mek dɛn pipul ya we nɔ de kip Gɔd in lɔ nɔ drɔ una fɔ fala dɛn ɛn mek una yon at nɔ stɛdi.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Lɛta Fɔ Filipay 4:1

Mi Kristiɛn brɔda dɛn we a lɛk ɛn we a aŋri fɔ si, una dɔn mek a gladi ɛn a de bost bɔt una ɔltɛm. Una fɔ tinap traŋa wan ɛn gɛt wanwɔd wit di Masta.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Jɔn 15:7

If una de wit mi ɔltɛm ɛn mi wɔd dɛn de na una at ɔltɛm, una kin aks mi Papa fɔ ɛnitin we una want, ɛn i go gi una.

Jɔn 15:4

Una fɔ de wit mi ɔltɛm, ɛn misɛf go de wit una. Jɛs lɛkɛ aw ɛni an we de bay insɛf nɔ go bia pas i de pan di tik, semwe so, una nɔ go du natin pas una de wit mi ɔltɛm.

1 Samiɛl 25:6

I tɛl dɛn fɔ tɔk fayn to am, wish lɔŋ layf ɛn wɛl bɔdi fɔ in ɛn in fambul dɛn ɛn tɛl am se dɛn want mek PAPA GƆD blɛs ɔl wetin i de put in an pan fɔ du.

Lɛta Fɔ Galeshya 5:1

Wi fri bikɔs Krays dɔn mek wi fri; so lɛ wi tray fɔ sho se wi na pipul we fri we Krays dɔn sev. Una nɔ put unasɛf pan slev layf igen.

Jɔn 8:31

So Jizɔs tɛl di wan dɛn we biliv pan am se, “If una de du ɔl wetin a tɛl una fɔ du, una na mi lanin bɔy dɛn fɔ tru;

Fɔs Lɛta Fɔ Tɛsalonayka 3:7

Wi brɔda dɛn, pan ɔl di trɔbul we de mit wi ɛn di sɔfa we wi de sɔfa, wɛn wi mɛmba se una biliv pan Krays, wi at nɔba pwɛl, wi kin gladi.