Fɔs Lɛta Fɔ Tɛsalonayka 3:6 - Krio Fɔs Oli Baybul

⁶ Bɔt Timoti dɔn tɔn bak ɛn i dɔn tɛl wi nyuz we mek wi gladi. I tɛl wi se una biliv pan Krays ɛn una stil lɛk una kɔmpin Kristiɛn dɛn. I tɛl wi se una kin gladi ɔltɛm we una mɛmba wi, ɛn unasɛf aŋri fɔ si wi jɛs lɛkɛ aw wi aŋri fɔ si una.

Fɔs Lɛta Fɔ Tɛsalonayka 3:6 Referans Kwoze

1 Kɔrint 11:2

Una du wɛl: una de mɛmba mi ɔltɛm ɛn una de mɛmba dɛn tin we a bin lan una, ɛn una de du dɛn.

Ayzaya 52:7

Luk we dɛn fayn na dɛn mawnten dɛn dɛn pipul dɛn we de briŋ gud yus, we de anawns bɔt pis, we de briŋ nyuz bɔt gud tin, we de anawns bɔt salveshɔn, we de tɛl Zayɔn se, “Na yu Gɔd de ren.”

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Apɔsul Dɛn Wok 18:5

Wɛn Saylas ɛn Timoti rich Masidonia, Pɔl lɛf fɔ mek tɛnt, i tek ɔl in tɛm de tɛl pipul wetin Jizɔs se, ɛn ɛksplen gud se Jizɔs na di Mɛsaya.

Prɔvabs 25:25

Lɛkɛ aw tɔsti pɔsin de fil we i drink kol wata, na so yu de fil we yu yɛri gud nyuz bɔt fawe fambul.

Lɛta Fɔ Filipay 1:8

Gɔd insɛf no se a lɛk una wit ɔl mi at lɛkɛ aw Jizɔs Krays lɛk wi.

Jɔn In Fɔs Lɛta 3:23

Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

Di Ibru Pipul Dɛn 13:3

Una mɛmba dɛn pipul we de na jel, lɛkɛ se unasɛf de na jel wit dɛn; ɛn una mɛmba dɛn pipul we de sɔfa, ɛn una put unasɛf na dɛn ples.

Faylimɔn 1:5

bikɔs a yɛri se yu lɛk Gɔd in pipul dɛn ɛn yu abop pan Masta Jizɔs.

Sɛkɛn Lɛta To Timoti 1:3

A tɛl Gɔd tɛnki ɛn a de du in wok lɛkɛ aw i want mi fɔ du am, lɛkɛ aw mi grampapa papa dɛn bin de du. Wɛn a de pre fɔ yu de ɛn nɛt a kin tɛl am tɛnki.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Fɔs Lɛta Fɔ Tɛsalonayka 2:17

Mi brɔda dɛn, di shɔt tɛm we wi bin jɛs gɛt fɔ lɛf una (na wi bɔdi nɔmɔ nɔ de wit una, bɔt wi de mɛmba una ɔltɛm), wi bin sɔri bad we wi nɔ de klos una ɛn wi bin de tray fɔ go to una bak.

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Lɛta Fɔ Kɔlɔse 4:18

Na misɛf yon an a de tek rayt dis pat: “Na mi, Pɔl, de tɛl una adu.” Una nɔ fɔgɛt se a de na jel! A de pre mek Gɔd sho una aw i gud.

Lɛta Fɔ Kɔlɔse 1:4

Wi de tɛl Gɔd tɛnki bikɔs wi yɛri se una biliv pan Jizɔs Krays ɛn una lɛk ɔl Gɔd in pipul dɛn.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

1 Kɔrint 13:13

Na dɛn tri tin ya pɔsin go de du sote go: biliv, abop, ɛn lɛk, bɔt di wan we pas dɛn ɔl na lɛk.

Apɔsul Dɛn Wok 18:1

Wɛn Pɔl kɔmɔt Atɛns, i go Kɔrint.

Apɔsul Dɛn Wok 16:1

Pɔl go sote i rich Dabi ɛn Listra. I mit wan Kristiɛn man na Listra we bin nem Timoti. In mama na bin Ju uman we bin biliv pan di Masta, bɔt Timoti in papa na bin Grik man.

Fɔs Lɛta Fɔ Tɛsalonayka 3:7

Wi brɔda dɛn, pan ɔl di trɔbul we de mit wi ɛn di sɔfa we wi de sɔfa, wɛn wi mɛmba se una biliv pan Krays, wi at nɔba pwɛl, wi kin gladi.