Fɔs Lɛta Fɔ Tɛsalonayka 3:13 - Krio Fɔs Oli Baybul

¹³ Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Fɔs Lɛta Fɔ Tɛsalonayka 3:13 Referans Kwoze

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Lɛta Fɔ Kɔlɔse 1:22

Bɔt we Gɔd in Pikin kam day na di krɔs, dat dɔn mek una bi Gɔd in padi dɛn, so dat di tɛm we una go tinap bifo am una nɔ go gɛt fɔlt, i nɔ go blem una fɔ ɛnitin.

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

Fɔs Lɛta Fɔ Tɛsalonayka 2:19

Unasɛf no se na una ɛn ɔl dɛn ɔda pipul we biliv pan Krays de mek wi abop ɛn gladi ɛn una go mek wi prawd wɛn wi tinap bifo wi Masta Jizɔs wɛn i kam bak!

Jud In Lɛta 1:14

Na dɛn pipul ya, Inɔk, we de pan di nɔmba sɛvin jɛnareshɔn we bigin frɔm Adam, bin dɔn tɔk bɔt we i se: “A de tɛl una se di Masta de kam wit tawzin tawzin enjɛl dɛn we na Gɔd insɛf gi am

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Zɛkaraya 14:5

Na dis vali ya we sheb di mawnten, nain dɛn go tek fɔ rɔnawe lɛkɛ aw di tɛm we Uzaya na bin kiŋ, dɛn fɔstɛm pipul bin rɔnawe we dɛn bin gɛt athkwek. PAPA GƆD gɛt fɔ kam wit ɔl in enjɛl dɛn.

Fɔs Lɛta Fɔ Tɛsalonayka 4:15

Di tin we wi de kam lan una naw na tin we di Masta bin dɔn lan una. I bin se, wi we nɔ go day yet wɛn i kam bak, nɔ go rich na ɛvin bifo dɛn pipul we bin dɔn day.

Fɔs Lɛta Fɔ Tɛsalonayka 3:11

A de pre mek Gɔd insɛf we na wi Papa ɛn wi Masta Jizɔs opin di rod fɔ wi fɔ go to una.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Ditarɔnɔmi 33:2

I se, PAPA GƆD kam dɔŋ Mawnt Saynay ɛn kɔmɔt lɛkɛ di san ɛn shayn lɛk san oba Idɔm, ɛn in layt bin de shayn kɔmɔt Mawnt Paran, tawzin tawzin enjɛl dɛn bin de wit am ɛn faya bin de kɔmɔt nain raytan.

Sɛkɛn Lɛta Fɔ Tɛsalonayka 2:1

Mi Kristiɛn pipul dɛn, sɔm pipul de tɔk se di De we di Masta go kam ɛn gɛda wi ɔl rawnd insɛf, dɔn kam, bɔt a de beg una, mek una

Sɛkɛn Lɛta Fɔ Tɛsalonayka 1:10

di de we i go kam. Da sem tɛm de ɔl dɛn pipul we nain yon ɛn we biliv pan am go prez ɛn ɔna am. Unasɛf go jɔyn dɛn pipul we de prez am ɛn ɔna am, bikɔs una dɔn biliv wetin wi tɛl una.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Lɛta Fɔ Rom 14:4

Udat na una fɔ jɔj ɔda pɔsin savant? Na di pɔsin we i de wok to fɔ tɛl am, if i du gud ɔ if i du bad. Di savant go ebul du wetin i fɔ du bikɔs Gɔd we na di Masta ebul fɔ mek i du wetin i fɔ du.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

1 Kɔrint 15:23

Bɔt ɔlman go gɛt in yon tɛm: na Krays fɔs, dɔn dɛn wan we nain yon go rayz frɔm dɛn grev wɛn Krays kam bak.

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Mak 8:38

If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”

Lyuk 1:6

Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

Lɛta Fɔ Galeshya 1:4

Krays bin gri fɔ mek dɛn kil am fɔseka di bad tin dɛn we wi de du, so dat i go pul wi kɔmɔt na di wɔl we de naw we bad plɛnti. Di day we Krays day sho wi se i du wetin Papa Gɔd want.

Fɔs Lɛta Fɔ Tɛsalonayka 3:2

Timoti na wi brɔda. Na wi ɔl de du Gɔd wok, insɛf de tɛl pipul di Gud Nyuz bɔt Krays. Wi sɛn am fɔ kɔrej una ɛn ɛp una fɔ biliv mɔ ɛn mɔ pan Krays,

Fɔs Lɛta Fɔ Tɛsalonayka 4:17

afta dat, Gɔd go mek wi we nɔ go dɔn day yet ɛn dɛn wan we bin dɔn day, go ɔp na di klawd, ɛn wi ɔl go gɛda rawnd di Masta. So wi go de wit di Masta ɔltɛm.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Jems 5:8

Semwe so, unasɛf fɔ bia wet. Una nɔ mek una at pwɛl bikɔs di tɛm dɔn de rich we wi Masta Jizɔs Krays fɔ kam bak.