Fɔs Lɛta Fɔ Tɛsalonayka 3:10 - Krio Fɔs Oli Baybul

¹⁰ De ɛn nɛt wi de aks am wit ɔl wi at fɔ mek wi go si una fes to fes, ɛn ɛp una fɔ biliv Krays lɛkɛ aw una fɔ biliv am pan ɔltin.

Fɔs Lɛta Fɔ Tɛsalonayka 3:10 Referans Kwoze

2 Kɔrint 13:9

Wi go gladi wɛn wi nɔ gɛt pawa, wans nɔmɔ una gɛt pawa. So wi de pre mek Gɔd mek una nɔ gɛt ɛni bɔt na una layf.

Fɔs Lɛta Fɔ Tɛsalonayka 3:11

A de pre mek Gɔd insɛf we na wi Papa ɛn wi Masta Jizɔs opin di rod fɔ wi fɔ go to una.

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Sɛkɛn Lɛta To Timoti 1:3

A tɛl Gɔd tɛnki ɛn a de du in wok lɛkɛ aw i want mi fɔ du am, lɛkɛ aw mi grampapa papa dɛn bin de du. Wɛn a de pre fɔ yu de ɛn nɛt a kin tɛl am tɛnki.

Sɛkɛn Lɛta Fɔ Tɛsalonayka 1:11

Na dat mek wi de pre fɔ una ɔltɛm. Wi de pre to wi Gɔd mek i mek una fit fɔ liv di layf we i kɔl una fɔ liv. Bikɔs Gɔd gɛt pawa fɔ du so, lɛ i mek una ebul fɔ du ɔl di gud we una want fɔ du, ɛn dɔn ɔl dɛn tin we una bin de du bikɔs una biliv pan am.

Lɛta Fɔ Filipay 1:25

A shɔ se i go bɛtɛ fɔ una if a de na dis wɔl, na dat mek a no se a nɔ go day yet, a go de wit una fɔ ɛp una fɔ biliv pan Jizɔs Krays mɔ ɛn mɔ, ɛn fɔ mek una gladi mɔ bikɔs una biliv pan Krays.

2 Kɔrint 1:15

A bin shɔ bɔt ɔl dɛn tin ya we a dɔn rayt, so a bin dɔn mekɔp se a go go to una so dat una kin gɛt blɛsin tu tɛm.

Apɔsul Dɛn Wok 26:7

Dɛn twɛlv trayb na di Ju neshɔn bin abop se dis tin ya we Gɔd bin prɔmis wi grampapa papa dɛn, go bi. Dɛn bin de pre to Gɔd de ɛn nɛt. Kiŋ Agripa, na bikɔs misɛf biliv dis sem tin mek dɛn de tɔk bad bɔt mi.

Faylimɔn 1:22

Wan ɔda tin, a want fɔ mek yu rɛdi ples fɔ mi. A op se Gɔd go ansa di pre we una ɔl de pre ɛn pul mi insay dis jel fɔ mek a go mit una bak.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Lɛta Fɔ Kɔlɔse 1:28

Na bɔt Krays wi de tɛl ɔlman. Wit ɔl di sɛns we Gɔd gi wi, wi de tɛl dɛn wetin nɔ fɔ du ɛn lan dɛn wetin fɔ du, so dat ɔlman go no ɔl wetin Gɔd want dɛn fɔ du, dɛn go want du am wit ɔl dɛn at, ɛn dɛn go gɛt wanwɔd wit Krays.

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Rɛvɛleshɔn 7:15

Na dat mek, de ɛn nɛt, dɛn tinap bifo di ay chia we Gɔd sidɔm pan, ɛn dɛn de nain os de sav am. Di wan we sidɔm na di ay chia go kɔba dɛn mek natin bad nɔ mit dɛn.

1 Samiɛl 12:23

As fɔ mi, mek PAPA GƆD nɔ gri mek a lɛf fɔ pre fɔ una. A go tɛl una wetin gud ɛn rayt.