Fɔs Lɛta Fɔ Tɛsalonayka 2:9 - Krio Fɔs Oli Baybul

⁹ Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Fɔs Lɛta Fɔ Tɛsalonayka 2:9 Referans Kwoze

2 Kɔrint 11:9

Ɛn di tɛm we a bin de wit una, ɛnitɛm we a kin want mɔni, a nɔba aks una fɔ ɛnitin; dɛn brɔda we kɔmɔt Masidonia kin briŋ ɔl wetin a want. Aw tin bin dɔn de bi so, na so i go de bi ɔltɛm! A nɔ go gi una kɔz fɔ wɔri bɔt mi!

Apɔsul Dɛn Wok 18:3

I bin tap to dɛn, ɛn dɛn ɔl bin de wok wan ples. Na tɛnt Pɔl bin de mek we i bin de sɛl fɔ gɛt mɔni fɔ manej in layf. Na di sem wok Akwila dɛn bin de du.

Sɛkɛn Lɛta To Timoti 1:3

A tɛl Gɔd tɛnki ɛn a de du in wok lɛkɛ aw i want mi fɔ du am, lɛkɛ aw mi grampapa papa dɛn bin de du. Wɛn a de pre fɔ yu de ɛn nɛt a kin tɛl am tɛnki.

Fɔs Lɛta To Timoti 5:5

Uman we in man dɔn day we nɔ gɛt nɔbɔdi fɔ mɛn am go abop pan Gɔd ɛn i go de pre de ɛn nɛt de aks Gɔd fɔ ɛp am.

Fɔs Lɛta To Timoti 4:10

Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

Fɔs Lɛta Fɔ Tɛsalonayka 2:6

Wi nɔ bin de tray fɔ mek una ɔ ɛni ɔda pipul prez wi.

1 Kɔrint 9:18

So wetin na mi pe? Na di wɔndaful chans we a gɛt, we plɛnti ɔda pipul nɔ gɛt fɔ tɔk bɔt di Gud Nyuz ɛn nɔ aks fɔ pe, ɛn we a nɔ de aks fɔ dɛn tin we a fɔ gɛt bay rayt bikɔs a de wok fɔ prɛd di Gud Nyuz.

1 Kɔrint 9:15

Bɔt a nɔba fos fɔ gɛt ɛni wan pan dɛn tin ya we a fɔ gɛt, bay rayt, ɛn nɔto dat mek a de rayt dis lɛta to una naw. Bifo a du dat mek a day. Nɔbɔdi nɔ go pruv se a nɔ min wetin a tɔk we a se a nɔ kin aks fɔ pe.

Apɔsul Dɛn Wok 20:31

Una fɔ de wach fɔ dɛn pipul ya we de lay ɛn una fɔ de mɛmba aw a sɔfa de ɛn nɛt fɔ tri ia wɛn a bin de wit una de tɛl una wetin Gɔd se.

Nɛimaya 5:18

Ɛvri de na wan man kaw, siks pan di bɛst ship dɛn wit sɔm chikin, nain wi ɔl de it. Dɔn afta ɛvri tɛn de a kin gi dɛn difrɛn difrɛn kayn wayn. Na so dɛn kin bɔku. Pan ɔl dis, a nɔ wande se dɛn fɔ gi mi di it we dɛn dɔn se gɔvna fɔ gɛt bikɔs tin bin dɔn ɔlrɛdi traŋa fɔ di pipul dɛn.

Nɛimaya 5:15

Bɔt di wan dɛn we na bin gɔvna bifo mi bin de pas am pan di pipul dɛn bad bad wan. Apat frɔm di it ɛn di wayn we dɛn bin de tek, dɛn bin de mek dɛn gi dɛn lɛkɛ wan pawn wet silva. Ivin di man dɛn we na bin dɛn asistant bin de tek advantej pan di pipul dɛn. Bɔt, mi, nɔ biev so bikɔs a de fred PAPA GƆD.

Fɔs Lɛta To Timoti 1:11

Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

Fɔs Lɛta Fɔ Tɛsalonayka 3:10

De ɛn nɛt wi de aks am wit ɔl wi at fɔ mek wi go si una fes to fes, ɛn ɛp una fɔ biliv Krays lɛkɛ aw una fɔ biliv am pan ɔltin.

Fɔs Lɛta Fɔ Tɛsalonayka 2:2

Una dɔn no bɔt di bad bad tin dɛn we dɛn du wi fɔ mek wi sɔfa ɛn aw dɛn tɔk bɔt wi fɔ mek wi at pwɛl na Fili pay bifo wi rich Tɛsalonayka. Ɛn pan ɔl we pipul tray fɔ tap wi mek wi nɔ tɔk, Gɔd ɛp wi mek wi nɔ fred fɔ tɛl una di Gud Nyuz we Gɔd tɛl wi fɔ tɛl una.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Lɛta Fɔ Filipay 4:16

Wɛn a bin de na Tɛsalonayka sɛf, plɛnti tɛm we a kin want sɔntin bad bad, na una kin sɛn am fɔ mi.

2 Kɔrint 6:5

wɛn pipul bit wi, wɛn wi go jel, wɛn strayk bɔs pan wi, wɛn wi wok te wi nɔ ebul igen, wɛn wi nɔ de slip ɛn wɛn wi nɔ gɛt tin fɔ it.

1 Kɔrint 4:12

wi kin de wok traŋa traŋa wan. Wɛn pipul se mek bad fala wi, wi kin se mek bɛtɛ fala dɛn; wɛn pipul dɛn mek wi sɔfa, wi kin bia;

Lɛta Fɔ Rom 15:19

di wɔndaful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ilirikum, a tɛl pipul di Gud Nyuz bɔt Krays.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Lyuk 18:7

Una min se Gɔd in pipul dɛn we i dɔn pik ɛn we de kray to am de ɛn nɛt fɔ mek i ɛp dɛn, Gɔd nɔ go tek dɛn kes? Una min se Gɔd go te fɔ ansa in pipul dɛn?

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Di Sam Dɛm 88:1

E PAPA GƆD, mi PAPA GƆD we de sev mi, ol de ɛn nɛt a de kray to yu lɛkɛ udat gɛt bɛrin.

Di Sam Dɛm 32:4

Ol de ɛn nɛt PAPA GƆD nɔ bin de fil fɔ mi, pen de mɔna lɛk udat dɛn bit bad Di lili trɛnk we a bin gɛt sɛf, dɔn dɔn i tan lɛk we san de dray tin we sok, ɔl di trɛnk dɔn dɔn pan mi we san bit mi.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

1 Kɔrint 9:4

A nɔ gɛt rayt fɔ tek it ɛn drink we pipul gi mi fɔ mek a ebul du mi wok?

2 Kɔrint 11:27

A dɔn du traŋa wok; plɛnti tɛm sɛf a nɔba slip; a kin aŋri; a kin tɔsti; sɔntɛm it nɔba de fɔ mi; klos nɔba de fɔ wɛr; ples nɔba de fɔ tap.

2 Kiŋ 6:2

so dɛn want fɔ go kɔt tik dɔŋ Riva Jɔdan we dɛn go tek mek abule. I ansa dɛn se lɛ dɛn go.

Prɔvabs 31:18

I no se in biznɛs de mek prɔfit ɛn i de wok te let na nɛt.