Fɔs Lɛta Fɔ Tɛsalonayka 2:7 - Krio Fɔs Oli Baybul

⁷ We wi na Krays in apɔsul dɛn, wi bin gɛt di rayt fɔ tɛl una fɔ du sɔntin fɔ wi, bɔt wi go kɛlɛkɛlɛ wit una lɛkɛ aw kombra kin bayo bayo in pikin dɛn.

Fɔs Lɛta Fɔ Tɛsalonayka 2:7 Referans Kwoze

Fɔs Lɛta Fɔ Tɛsalonayka 2:11

Una no se wi trit una ɔl wan wan lɛkɛ aw dadi kin trit in pikin dɛn.

Ayzaya 66:13

Lɛk pikin we in mami de bayo bayo, na so a go bayo bayo una; una go gɛt kɔnfɔt na Jerusɛlɛm.

Ayzaya 49:23

Na kiŋ dɛn go tek una fɔ mɛn, ɛn na dɛn kwin dɛn go gi una bɔbi. Dɛn go butu dɛn fes na grɔn fɔ baw to una, ɛn lik di dɔti na una fut. Na datɛnde una go no se, na mi na PAPA GƆD; di wan dɛn we de luk to mi, nɔ go ɛva shem.”

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

1 Kɔrint 9:22

To dɛn wan we nɔ go fa yet pan Krays in we, a kin mek lɛkɛ se misɛf no go fa yet pan Krays in we, so dat bay aw a de du, dɛn go go fa pan Krays in we: bay aw ɔlman tan na so misɛf de chenj, so a de fɛn ɔl kayn we so dat sɔm pipul mɔs sev.

2 Kɔrint 13:4

I nɔ sho in pawa wɛn dɛn bin mek i day na di krɔs, bɔt Gɔd in pawa mek i gɛt layf. Bikɔs wi gɛt wanwɔd wit Krays, i tan lɛkɛ se wisɛf nɔ gɛt pawa, bɔt wi ebul wok wit una, bikɔs wi de waka wit Krays bay di pawa we Gɔd de gi wi.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Di Nɔmba Dɛm 11:12

Na mi bɔn dɛn ɔl? Wetin mek yu se mi fɔ tot dɛn ɛn bayobayo dɛn na mi an lɛk aw nɔs kin tot bebi, fɔ kɛr dɛn go na di land we yu bin dɔn swɛ to dɛn lɔntɛm pipul se yu go gi dɛn?

1 Kɔrint 2:3

Ɔl da tɛm de na so a bin de fred fred, a de trimbul, a bin de fil wik.

Apɔsul Dɛn Wok 13:18

Di fɔti ia we di Izrɛl pipul dɛn bin de na dɛzat, Gɔd bin bia wit dɛn ɛn gi dɛn ɔl wetin dɛn fɔ gɛt.

Lɛta Fɔ Galeshya 4:19

Mi pikin dɛn, mek a tɛl una igen se, di pen we a de fil fɔseka una jɛs tan lɛkɛ di pen we uman kin fil wɛn i want fɔ bɔn. A go fil dis pen ya sote una bi pipul we de fala Krays gud.