Fɔs Lɛta Fɔ Tɛsalonayka 2:6 - Krio Fɔs Oli Baybul

⁶ Wi nɔ bin de tray fɔ mek una ɔ ɛni ɔda pipul prez wi.

Fɔs Lɛta Fɔ Tɛsalonayka 2:6 Referans Kwoze

Lɛta Fɔ Galeshya 1:10

A nɔ de tɔk fɔ mek mɔtalman prez mi, na Gɔd in prez a want. Una min se a want fɔ mek mɔtalman lɛk mi, if na dat a bin want, afta ɔl dɛn ia ya, a nɔ go bi Krays in savant.

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Jɔn 5:44

Una lɛk di prez we una kɔmpin dɛn de prez una, bɔt una nɔ de tray fɔ mek di wan Gɔd prez una, so aw una go biliv mi?

Jɔn 5:41

“A nɔ de wok fɔ mek mɔtalman prez mi.

Fɔs Lɛta To Timoti 5:17

Dɛn bigman we de du dɛn chɔch lida wok gud, pati kla di wan dɛn we de wok traŋa wan fɔ tɛl pipul bɔt Gɔd ɛn tich, fɔ gɛt gud pe ɛn rɛspɛkt.

Lɛta Fɔ Galeshya 5:26

Wi nɔ fɔ tɔk big tɔk, wi nɔ fɔ mek ɔda pipul vɛks ɛn wi nɔ fɔ jɛlɔs ɔda pipul.

2 Kɔrint 13:10

Na dat mek a de rayt dɛn tin ya to una naw bifo a rich de; mek a nɔ go gɛt fɔ dil wit una traŋa wan wɛn a kam to una, pan ɔl we a gɛt di rayt fɔ du so, bikɔs di Masta sɛn mi; ɛniwe, di Masta nɔ sɛn mi fɔ mek a mek una at pwɛl, i sɛn mi fɔ ɛp una.

2 Kɔrint 4:5

Nɔto wisɛf wi de tɛl una bɔt; wi de tɛl una se Jizɔs Krays na wi Masta ɛn wi na una savant fɔseka am.

1 Kɔrint 11:9

Ɛn nɔto fɔseka uman Gɔd mek man, bɔt na fɔseka man Gɔd mek uman.

Jɔn 12:43

Dɛn bin lɛk fɔ bay gudfes to mɔtalman pas fɔ du dɛn tin we go mek Gɔd satisfay wit dɛn.

Jɔn 7:18

Pɔsin we de tɔk fɔ insɛf de tray fɔ mek pipul prez am. Bɔt pɔsin we want fɔ mek pipul prez di wan we sɛn am, na pɔsin we de tɔk tru, lay nɔ de nain mɔt.

Daniɛl 4:30

Nain i se, “Nɔ to di pawaful Babilɔn dis we a bil wit mi pawa; ples we fit fɔ kiŋ fɔ tap, lɛ pipul dɛn kɔle ɛn rɛspɛkt mi?”

Prɔvabs 25:27

Aw i nɔ fayn fɔ lik tumɔs ɔni, na so i nɔ fayn fɔ de fɛn tumɔs prez.

Ɛsta 5:11

We dɛn ɔl de de, i bigin blɔf bɔt aw i jɛntri, ɔmɔs bɔypikin i gɛt, aw di kiŋ dɔn promot am ɛn gi am big post, ɛn aw i impɔtant pas ɔl di ɔda bigman dɛn we de wok wit di kiŋ.

Ɛsta 1:4

I bin de sho ɔlman in jɛntri we i gɛt bikɔs in na kiŋ, ɛn di fayn fayn we we in de wit kiŋ rɛspɛkt, fɔ lɔŋ tɛm. Dat na wan ɔndrɛd ɛn eti de.

Lɛta Fɔ Galeshya 6:13

Dɛn pipul sɛf we gri fɔ mek dɛn sakɔmsayz dɛn nɔ de du wetin di Ju Lɔ se. Dɛn want mek una sakɔmsayz, so dat dɛnsɛf go bost se una dɔn gri fɔ mek dɛn sakɔmsayz una.