Fɔs Lɛta Fɔ Tɛsalonayka 2:5 - Krio Fɔs Oli Baybul

⁵ Unasɛf no se wɛn wi bin de tɔk to una, wi nɔ bin de tɛl una dɛn tin we go mek una ed big, wi nɔ bin de abop na wi at se una go gi wi sɔntin, ɛn Gɔd no wetin de na wi at.

Fɔs Lɛta Fɔ Tɛsalonayka 2:5 Referans Kwoze

2 Kɔrint 12:17

A tek advantej pan una wɛn a sɛn pɔsin go to una?

Lɛta Fɔ Rom 1:9

Na tru a de tɔk, Gɔd insɛf, we a de wok fɔ wit ɔl mi at we a de tɛl pipul di Gud Nyuz bɔt in Pikin, na mi witnɛs. Insɛf no se a de mɛmba una

Apɔsul Dɛn Wok 20:33

A nɔ bin put yay pan ɛnibɔdi prɔpati lɛkɛ silva, gold ɛn fayn klos.

Lɛta Fɔ Galeshya 1:20

Na tru wɔd a de tɔk, ɛn Gɔd insɛf no se na tru wɔd a de tɔk.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Pita In Fɔs Lɛta 5:2

Una fɔ kia fɔ dɛn pipul we Gɔd lɛf na una an lɛkɛ shɛpad we de mɛn ship. Una nɔ fɔ du lɛkɛ se na fos dɛn de fos una, una fɔ kia fɔ dɛn wit opin at; ɛn una nɔ fɔ wok fɔ mɔni nɔmɔ, bɔt bikɔs una gladi fɔ wok.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Fɔs Lɛta Fɔ Tɛsalonayka 2:10

Una no, una we biliv di Gud Nyuz, ɛn Gɔd sɛf no aw wi bin de du wɛn wi bin de wit una. Wi layf bin tan lɛkɛ aw Gɔd want am fɔ tan, i bin tret ɛn klin.

2 Kɔrint 7:2

Una at fɔ opin fɔ wi. Wi nɔ du ɛnibɔdi bad, wi nɔ pwɛl ɛnibɔdi in layf, wi nɔ tek advantej pan ɛnibɔdi.

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

Fɔs Lɛta To Timoti 3:8

Dɛn wan we de ɛp fɔ du Gɔd wok na chɔch, dɛnsɛf fɔ siriɔs, dɛn fɔ min wetin dɛn se; dɛn nɔ fɔ de drɔnk, dɛn nɔ fɔ want plɛnti tin fɔ dɛnsɛf;

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

Lɛta Fɔ Rom 9:1

Na tru wɔd a de tɔk; a nɔ de lay bikɔs mi na Krays yon pɔsin. Mi at we Gɔd in Spirit de rul, insɛf de tɛl mi se, fɔ tru, a nɔ de lay.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Ayzaya 56:11

Dɔg ebul it bɔku; i nɔ de ɛva du fɔ dɛm. Di shɛpad dɛnsɛf nɔ no natin; dɛn ɔl dɔn go dɛn yon we, ɔlman de du wetin go prɔfit am, ɔlman fɔ insɛf.

Ayzaya 30:10

we de tɛl di man dɛn we de si vishɔn se “Una nɔ fɔ si;” ɛn tɛl di prɔfɛt dɛn se, “Una nɔ prɔfisay wetin rayt to wi; tɛl wi swit wɔd, prɔfisay laylay tin dɛm,

Prɔvabs 28:23

If yu kɔrɛkt yu kɔmpin, i go mɛmba yu tumara; yu bɛtɛ pas dɛn wan we de prez, prez am nɔmɔ.

Prɔvabs 20:19

Ɛnibɔdi we gɛt rɔnmɔt nɔ de kip sikrit, so nɔ miks wit pɔsin we de tɔk-tɔk.

Job 17:5

Da pɔsin we go pul in padi in sikrit mek in go gɛt pan in prɔpati, nain yon pikin dɛn go sɔfa.

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.

Prɔvabs 26:28

Na we yu et pɔsin mek yu de lay pan am, if yu mek ipokrit, na pwɛl yu de pwɛl am.

Job 16:19

We a de tɔk so, mi witnɛs de na Ɛvin, ɛn di wan we de tɔk fɔ mi de ɔp de.