Fɔs Lɛta Fɔ Tɛsalonayka 2:4 - Krio Fɔs Oli Baybul

⁴ Bɔt wi de tɛl pipul wetin Gɔd want wi fɔ tɛl dɛn, bikɔs i gi wi dis wok we i si se in kin abop pan wi fɔ du am lɛkɛ aw i want wi fɔ du am. Wi nɔ de tray fɔ pliz mɔtalman, bɔt wi want fɔ pliz Gɔd we no wetin de na wi at.

Fɔs Lɛta Fɔ Tɛsalonayka 2:4 Referans Kwoze

Lɛta Fɔ Galeshya 1:10

A nɔ de tɔk fɔ mek mɔtalman prez mi, na Gɔd in prez a want. Una min se a want fɔ mek mɔtalman lɛk mi, if na dat a bin want, afta ɔl dɛn ia ya, a nɔ go bi Krays in savant.

Lɛta Fɔ Rom 8:27

Gɔd, we no wetin mɔtalman want nain at, no wetin di Spirit min, bikɔs di Spirit de beg Gɔd fɔ in pipul dɛn ɛn i de tɔk wetin Gɔd insɛf want.

Lɛta Fɔ Galeshya 2:7

Di chɔch bigman dɛn si se dɛn nɔ fɔ chenj di Gud Nyuz we wi bin de tɔk, bɔt dɛn si se Gɔd sɛn mi fɔ go tɛl dɛn pipul we nɔto Ju di Gud Nyuz, lɛkɛ aw Gɔd sɛn Pita fɔ go tɛl di Ju pipul dɛn di Gud Nyuz.

Sɛkɛn Lɛta To Timoti 1:14

Kip dɛn gud tin ya we Gɔd dɔn gi yu bay in Spirit, we de insay wi, in pawa.

Di Sam Dɛm 17:3

Pan ɔl we yu dɔn mek a pas na faya lɛk gold; yu dɔn du ɔlkayn tin fɔ tɛst mi; yu no se a nɔ gilti bikɔs a dɔn mekɔp mi maynd se a nɔ go tɔk natin bad ɛn sin.

Lɛta Fɔ Ɛfisɔs 6:6

Nɔto wɛn una masta de luk una nɔmɔ una fɔ du una wok gud, so dat dɛn go prez una; bɔt una fɔ de du una wok lɛkɛ se na Krays una de du am fɔ, ɛn una fɔ du wetin Gɔd want wit ɔl una at.

Taytɔs 1:3

ɛn i mek pipul no bɔt di prɔmis wɛn di rayt tɛm rich bay di mɛsej we i sɛn. Na mi Gɔd fil se go du wetin i want so i gi mi di mɛsej fɔ tɛl pipul; ɛn bikɔs in we de sev wi tɛl mi fɔ tɛl pipul di mɛsej, na dat mek a de tɛl dɛn.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

Jɛrimaya 32:19

we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

1 Kronikuls 29:17

Mi Gɔd, a no se yu de tɛst mɔtalman maynd kin gladi wit udat de waka tret; na wit klin at a dɔn gi yu ɔl dɛn tin ya, wit ɔl mi at ɛn wit gladi.

1 Kɔrint 9:17

If a bin de du mi wok bikɔs na mi want fɔ du am nɔmɔ, da tɛm de a bin fɔ de luk fɔ pe; bɔt nɔto so i bi, a gɛt fɔ du am bikɔs na Gɔd gi mi di wok fɔ du.

Lyuk 16:11

If pɔsin nɔ kin trɔs una wit mɔni we dɛn nɔ waka tret fɔ gɛt, udat go lɛf di tru jɛntri na una an?

Prɔvabs 17:3

Lɛkɛ aw dɛn de yuz faya fɔ tɛst gold ɛn silva if dɛn piɔ, na so PAPA GƆD de tɛst pɔsin in at.

1 Kiŋ 8:39

duya ansa dɛn prea na yu os na ɛvin. Fɔgiv dɛn ɛn ɛp dɛn. Na yu waŋren nɔmɔ no wetin de na mɔtalman at. Dil wit ɔlman akɔdin to

Di Nɔmba Dɛm 27:16

“Duya mek PAPA GƆD we sabi aw ɔlman tan pik sɔmbɔdi fɔ bi bɔs fɔ dɛn pipul ya,

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Lɛta Fɔ Kɔlɔse 3:22

Una we de wok fɔ ɔda pipul, una fɔ de du ɔl wetin di pipul dɛn we una de wok fɔ tɛl una fɔ du, una nɔ fɔ wok nɔmɔ wɛn una masta de, bikɔs una want mek i prez una, bɔt una fɔ wok wit ɔl una at bikɔs una rɛspɛkt Jizɔs Krays we na wi Masta.

2 Kɔrint 5:11

Wi no wetin i min fɔ fred Gɔd, so wi de tray fɔ tɔk to ɔda pipul mek dɛnsɛf go fred Gɔd. Gɔd no wi gud wan, ɛn a op se unasɛf ɔndastand wi gud.

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Di Sam Dɛm 44:21

PAPA GƆD bin fɔ no. I no wetin de na wi at.

Sɛkɛn Lɛta To Timoti 2:2

Dɛn wɔd we yu kin yɛri a de tɛl plɛnti pipul, yusɛf fɔ tɛl dɛn pipul we yu kin abop pan, we go kip dɛn na dɛn at, so dat dɛnsɛf go ebul lan ɔda pipul dɛn sem tin ya.

2 Kɔrint 5:16

So wi nɔ fɔ luk ɛnibɔdi igen lɛkɛ aw mɔtalman de luk dɛn. If wi bin de luk Krays fɔstɛm lɛkɛ aw mɔtalman de luk pɔsin, wi nɔ fɔ du so igen.

1 Kɔrint 7:25

Naw, na dɛn wan we nɔ mared a de tɔk bɔt: Gɔd nɔ tɛl mi wetin a fɔ tɛl dɛn fɔ du, na mi yon advays a de gi dɛn. A fil se Gɔd we gud to mi dɔn gi mi sɛns, so dat wɛn a de tɔk, pipul kin biliv wetin a de tɛl dɛn.

Jɔn 21:17

Jizɔs aks Pita di tɔd tɛm se, “Saymɔn, yu we na Jɔn in pikin, yu lɛk mi?” Pita in at pwɛl bikɔs Jizɔs aks am tri tɛm se if i lɛk am, so i ansa di Masta se, “Masta, yu no ɔltin, yu no se a lɛk yu!” Jizɔs se, “Mɛn mi ship dɛn.

Lyuk 12:42

Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du.

Di Sam Dɛm 7:9

E PAPA GƆD we de du tin tret wan, yu we no wetin de na wi at ɛn aw wi de fil. Tap bad pipul fɔ kɛriɔn dɛn wikɛdnɛs ɛn mek bɛtɛ fala udat de du gud.

Di Sam Dɛm 139:23

PAPA GƆD, luk mi bɛtɛ bɛtɛ wan mek yu no wetin de na mi at; tɛst mi, mek yu no wetin a de tink

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

2 Kiŋ 16:16

Yuraya we de mek sakrifays fɔ pipul sin du ɔl wetin di kiŋ tɛl am fɔ du.