Fɔs Lɛta Fɔ Tɛsalonayka 2:2 - Krio Fɔs Oli Baybul

² Una dɔn no bɔt di bad bad tin dɛn we dɛn du wi fɔ mek wi sɔfa ɛn aw dɛn tɔk bɔt wi fɔ mek wi at pwɛl na Fili pay bifo wi rich Tɛsalonayka. Ɛn pan ɔl we pipul tray fɔ tap wi mek wi nɔ tɔk, Gɔd ɛp wi mek wi nɔ fred fɔ tɛl una di Gud Nyuz we Gɔd tɛl wi fɔ tɛl una.

Fɔs Lɛta Fɔ Tɛsalonayka 2:2 Referans Kwoze

Apɔsul Dɛn Wok 4:13

Di bigman dɛn na di Ju gran kot si se Pita ɛn Jɔn nɔ bin sabi rid ɛn rayt, ɛn dɛn na bin ɔdinari pipul, bɔt dɛn nɔ bin de fred fɔ tɔk. Na dat mek dɛn wɔnda; ɛn dɛn kam gɛt fɔ no se dɛn bin de wit Jizɔs.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Apɔsul Dɛn Wok 16:37

Pɔl tɛl dɛn se, “Di Roman bigman dɛn nɔ jɔj wi fɔ no if wi du bad bɔt dɛn bit wi bifo ɔlman ɛn wi na Roman pipul! Dɛn ib wi na sɛl, bɔt naw dɛn want mek wi go mek nɔbɔdi nɔ no? Wi nɔ de go! Na di Roman bigman dɛnsɛf fɔ kam pul wi na sɛl bifo wi go kɔmɔt na ya.”

Fɔs Lɛta Fɔ Tɛsalonayka 1:5

Na wi fɔs tɛl una di Gud Nyuz bɔt Jizɔs Krays. Wi nɔ bin jɛs tɔk nɔmɔ, wi du wɔndaful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyuz na tru. Una no di layf we wi bin liv wɛn wi bin de wit una, ɔl dat na bin fɔ ɛp una.

Lɛta Fɔ Kɔlɔse 2:1

A want mek una no aw a wok traŋa fɔ una ɛn fɔ dɛn Kristiɛn na Laodisya ɛn fɔ ɔl dɛn ɔda pipul we nɔ no mi yet bikɔs dɛn nɔ mit mi yet.

Apɔsul Dɛn Wok 17:17

So i kin go na di Ju mitin os fɔ go tɔk to dɛn Ju pipul we bin de pre to Gɔd ɛn dɛn pipul we nɔto bin Ju we bin de pre to Gɔd. Ɔltɛm i kin go na di ples we pipul kin gɛda fɔ tɔk to dɛn.

Apɔsul Dɛn Wok 14:3

Di apɔsul dɛn bin de lɔŋ na Aykonyɔm. Di apɔsul dɛn nɔ bin de fred fɔ tɛl di pipul dɛn bɔt di Masta ɛn di Masta sho se na tru tin di apɔsul dɛn bin de tɔk wɛn dɛn se i gud, ɛn i gi dɛn pawa fɔ du plɛnti wɔndaful wok.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Apɔsul Dɛn Wok 4:31

Wɛn dɛn dɔn pre dɔn, di ples we dɛn bin de, shek. Gɔd in Spirit kam pan dɛn ɛn dat mek dɛn nɔ fred fɔ tɔk Gɔd in mɛsej.

Apɔsul Dɛn Wok 4:20

Wi nɔ go ebul sɛt mɔt ɛn nɔ tɔk bɔt wetin wi dɔn si ɛn yɛri.”

Jud In Lɛta 1:3

Mi padi dɛn we a lɛk, na bɔt di sev we Gɔd dɔn sev wi a bin want rayt una bad, bɔt a fil se a fɔ rayt beg una naw fɔ mek una fɛt fɔ stil biliv pan Jizɔs Krays lɛkɛ aw Gɔd dɔn mek in pipul dɛn biliv wan tɛm nɔmɔ, fɔ ɔltɛm.

Apɔsul Dɛn Wok 19:8

Pɔl bin de na Ɛfisɔs tri mɔnt ɛn ɔl da tɛm de i kin de go tɔk to di pipul dɛn na di Ju mitin os, i nɔba fred. I kin agyu wit dɛn bɔt Gɔd in rul ɛn tray fɔ sho dɛn se di tin dɛn we i de tɔk bɔt Gɔd in rul na tru.

Apɔsul Dɛn Wok 16:12

Wi lɛf Ni polis go Filipay. Filipay na wan big Roman tɔŋ we de na Masidonia; wi bin tap de tu tri de.

Apɔsul Dɛn Wok 14:5

So dɛn pipul we nɔto bin Ju, dɛn Ju pipul, ɛn dɛn yon bigman dɛn mek bagin fɔ du di apɔsul dɛn bad ɛn fɔ ston dɛn.

Apɔsul Dɛn Wok 16:19

Wɛn di pipul dɛn we bin gɛt di slev titi no se di titi nɔ go ebul mek mɔni fɔ dɛn igen, dɛn go grip Pɔl ɛn Saylas drɛg dɛn go bifo di bigman dɛn na di tɔŋ; di bigman dɛn bin de na di ples we pipul kin mit.

Apɔsul Dɛn Wok 17:1

Pɔl ɛn Saylas go Amfipolis, dɛn go Apolonia, dɔn dɛn rich Tɛsalonayka. Ju mitin os bin de na Tɛsalonayka.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

2 Kɔrint 3:12

We wi no se di wɔndaful tin we Gɔd dɔn du go de sote go, wi nɔ fred fɔ du wi wok.