Fɔs Lɛta Fɔ Tɛsalonayka 2:19 - Krio Fɔs Oli Baybul

¹⁹ Unasɛf no se na una ɛn ɔl dɛn ɔda pipul we biliv pan Krays de mek wi abop ɛn gladi ɛn una go mek wi prawd wɛn wi tinap bifo wi Masta Jizɔs wɛn i kam bak!

Fɔs Lɛta Fɔ Tɛsalonayka 2:19 Referans Kwoze

Lɛta Fɔ Filipay 4:1

Mi Kristiɛn brɔda dɛn we a lɛk ɛn we a aŋri fɔ si, una dɔn mek a gladi ɛn a de bost bɔt una ɔltɛm. Una fɔ tinap traŋa wan ɛn gɛt wanwɔd wit di Masta.

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Lɛta Fɔ Filipay 2:16

Una fɔ de tɛl dɛn Krays in wɔd we de gi layf, so dat di de we Krays go kam a go fil prawd, bikɔs ɔl di wok we a dɔn wok wit una nɔ go fɔ natin.

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

1 Kɔrint 15:23

Bɔt ɔlman go gɛt in yon tɛm: na Krays fɔs, dɔn dɛn wan we nain yon go rayz frɔm dɛn grev wɛn Krays kam bak.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Jɔn In Fɔs Lɛta 2:28

Mi pikin dɛn, una fɔ de wit Krays ɔltɛm, so dat wɛn i kam bak, wi nɔ go shem fɔ go mit am.

Rɛvɛleshɔn 22:12

Jizɔs se, “Lisin, di tɛm we a go kam nɔ fa igen. A go kam fɔ gi ɔlman di pe we dɛn wok fɔ.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Fɔs Lɛta Fɔ Tɛsalonayka 4:15

Di tin we wi de kam lan una naw na tin we di Masta bin dɔn lan una. I bin se, wi we nɔ go day yet wɛn i kam bak, nɔ go rich na ɛvin bifo dɛn pipul we bin dɔn day.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Ayzaya 62:3

Una go tan lɛk fayn fayn krawn na PAPA GƆD in an, ɛn lɛk kiŋ krawn na yu Gɔd in an.

Prɔvabs 17:6

Lɛkɛ aw grampa de gladi fɔ si grampikin, na so pikin dɛnsɛf de gladi fɔ dɛn mami ɛn dadi.

Prɔvabs 12:4

Gud wɛf de mek in man fil prawd, bɔt uman we de put shem pan in man tan lɛkɛ bad sik na bɔdi.

Fɔs Lɛta Fɔ Tɛsalonayka 2:20

Na una go mek wi prawd ɛn gladi, fɔ tru.

Prɔvabs 16:13

Kiŋ lɛk fɔ yɛri di tru, ɛn i lɛk udat de tɔk tru.

Prɔvabs 4:9

Sɛns go mek yu gɛt fayn fɛda at na yu ed ɛn fayn krawn fɔ wɛr.

Mak 8:38

If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”

Jɔn 21:22

Jizɔs ansa se, “If a want mek i de na wɔl sote a kam bak, uswan na yu yon de? Yu du wetin a tɛl yu fɔ du.”

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Sɛkɛn Lɛta Fɔ Tɛsalonayka 2:1

Mi Kristiɛn pipul dɛn, sɔm pipul de tɔk se di De we di Masta go kam ɛn gɛda wi ɔl rawnd insɛf, dɔn kam, bɔt a de beg una, mek una

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Jems 5:8

Semwe so, unasɛf fɔ bia wet. Una nɔ mek una at pwɛl bikɔs di tɛm dɔn de rich we wi Masta Jizɔs Krays fɔ kam bak.

Pita In Sɛkɛn Lɛta 1:16

Wɛn wi tɛl una se wi Masta Jizɔs Krays go kam bak na dis wɔl wit pawa, nɔto kɔni sɛns wi tek pul stori we nɔto tru, bɔt wisɛf si am wɛn i bin de sho in pawa.

Pita In Sɛkɛn Lɛta 3:4

Dɛn go de se, “We di pɔsin we dɛn bin se go kam? Frɔm we wi grampapa papa dɛn day te tide natin nɔ chenj na di wɔl; natin nɔ chenj frɔm di tɛm we Gɔd mek di wɔl!”