Fɔs Lɛta Fɔ Tɛsalonayka 2:16 - Krio Fɔs Oli Baybul

¹⁶ Dɛn tray fɔ tap wi mek wi nɔ tɛl dɛn pipul we nɔto Ju aw Gɔd go sev dɛn. Dɛn bin dɔn de sin plɛnti tɛm, ɛn dɛn nɔ bin tap fɔ sin, bɔt naw Gɔd dɔn vɛks pan dɛn ɛn i dɔn kɔndɛm dɛn.

Fɔs Lɛta Fɔ Tɛsalonayka 2:16 Referans Kwoze

Apɔsul Dɛn Wok 17:13

Bɔt wɛn dɛn Ju pipul na Tɛsalonayka yɛri se Pɔl de tɛl di pipul dɛn na Biria Gɔd in mɛsej, dɛn go de go put wɔd na di pipul dɛn yes fɔ mek dɛn ambɔg Pɔl.

Apɔsul Dɛn Wok 14:19

Sɔm pan di Ju pipul dɛn bin kɔmɔt Antiɔk ɛn sɔm bin kɔmɔt Aykonyɔm. Dɛn tɔk sote di pipul dɛn gri fɔ du wetin dɛn want. Dɛn ston Pɔl ɛn drɛg am kɔmɔt na di tɔŋ bikɔs dɛn bin min se i dɔn day.

Mak 16:16

Ɛnibɔdi we biliv di Gud Nyuz ɛn gri fɔ mek dɛn baptayz am, Gɔd go sev am. Bɔt ɛnibɔdi we nɔ biliv di Gud Nyuz, Gɔd go kɔndɛm am.

Matyu 23:32

So, una go dɔn di wok we una grampapa papa dɛn bin bigin!

Sɛkɛn Lɛta Fɔ Tɛsalonayka 2:10

ɛn i go du ɔl kayn bad tin we go mek dɛn pipul we go go ɛl, ful. Dɛn go go ɛl, bikɔs dɛn nɔ bin gri fɔ yɛri di tru wɔd ɛn dɛn nɔ bin lɛk di tru wɔd bɔt wi Masta Jizɔs we bin go mek Gɔd sev dɛn.

Lɛta Fɔ Galeshya 5:11

Mi Kristiɛn pipul dɛn, una luk mi yon trɔbul, if a de tɛl pipul fɔ sakɔmsayz, wetindu dɛn stil de mek a sɔfa? If na so a de du, pipul nɔ fɔ vɛks wɛn a tɛl dɛn bɔt di day we Krays day na di krɔs.

Apɔsul Dɛn Wok 14:5

So dɛn pipul we nɔto bin Ju, dɛn Ju pipul, ɛn dɛn yon bigman dɛn mek bagin fɔ du di apɔsul dɛn bad ɛn fɔ ston dɛn.

Apɔsul Dɛn Wok 13:50

Bɔt di Ju pipul dɛn put wɔd na di bigman na di tɔŋ dɛn yes, dɔn dɛn put wɔd na dɛn big uman we nɔto bin Ju we fred Gɔd, dɛnsɛf yes. So dɛn du Pɔl ɛn Banabas bad bad tin dɛn ɛn drɛb dɛn kɔmɔt na di tɔŋ.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Fɔs Lɛta To Timoti 2:4

Gɔd want mek ɔlman sev ɛn mek dɛn no wetin tru.

Apɔsul Dɛn Wok 13:45

Wɛn di Ju pipul dɛn si ɔl di pipul dɛn na di Ju mitin os, dɛn jɛlɔs Pɔl ɛn Banabas. Dɛn se na lay Pɔl de lay ɛn dɛn tɔk bad bɔt am.

Matyu 12:45

I go go bak go briŋ ɔda sɛvin dɛbul we bad pas insɛf. Dɛn ɔl go tap insay de; so di pɔsin in kɔndishɔn go bad pas aw i bin tan fɔs. Na so i go tan fɔ dɛn tide pipul ya we bad so.”

Matyu 3:12

I ol tin lɛkɛ lɔŋ fɔk fɔ tek pul di chaf chaf kɔmɔt pan di wit. I go gɛda in wit put am na sto ɛn i go bɔn di chaf chaf na faya we nɔ de tap fɔ bɔn.”

Malakay 4:5

I se, in go sɛn prɔfɛt lɛk Ilayja to dɛn bifo di de we dɛn nɔ go lɛk kam.

Jɛnɛsis 15:16

Fo jɛnareshɔn go dɔn bɔn bifo ɛniwan go kam bak na ya so, bikɔs di tɛm nɔ go rich yet we di Amɔrayt dɛn sin go dɔn pasmak.”

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Di Ibru Pipul Dɛn 6:8

Bɔt if na chuk chuk bush ɛn gras nɔmɔ gro, da grɔn de nɔ bɛtɛ igen. Di tɛm dɔn kam klos we Gɔd go kɔs di grɔn ɛn mek faya bɔn ɔltin we lib de ɛn pwɛl di grɔn.

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Lɛta Fɔ Ɛfisɔs 3:13

Na ɔl dis mek a de beg una mek una at nɔ pwɛl fɔ we a de sɔfa fɔseka una. Na fɔ ɛp una mek a de sɔfa ɔl dis.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Apɔsul Dɛn Wok 19:9

Sɔm pan di pipul dɛn bin traŋayes, dɛn nɔ bin biliv pan Krays, dɔn dɛn kin de tɛl di ɔda pipul dɛn bad tin bɔt di We, we di Masta se ɔlman fɔ liv; so Pɔl lɛf dɛn go. Wɛn i de go, i tek di Kristiɛn dɛn go. Pɔl bigin go na Tayranɔs in skul fɔ lan di pipul dɛn we bin de go de.

Apɔsul Dɛn Wok 14:2

Bɔt dɛn Ju pipul we nɔ bin gri fɔ biliv pan Jizɔs put wɔd na dɛn pipul we nɔto bin Ju dɛn yes ɛn dɛn du di Kristiɛn dɛn bad.

Apɔsul Dɛn Wok 4:12

Nɔbɔdi nɔ de na wɔl we ebul sev pɔsin; na Jizɔs nɔmɔ ebul sev pɔsin.”

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Matyu 24:6

Una go yɛri bɔt wa we de klos una, ɛn dɛn go tɛl una bɔt wa we de fawe, bɔt una at nɔ fɔ kɔt. Dɛn tin de mɔs bi, bɔt di wɔl nɔ go ɛnd yet.

Ayzaya 45:22

Una tɔn to Mi so dat una go sev, ɔl di kɔna dɛn na di wɔl! Bɔkɔs na Mi na Gɔd ɛn nɔn ɔda wan nɔ de.

Daniɛl 8:23

Ɛn bay di tɛm we dɛn yon pawa de dɔn, wɛn dɛn wikɛd wan dɛn kɔp go dɔn ful, wan kiŋ we nɔ de laf we sabi andul prɔblɛm, go kam.

Apɔsul Dɛn Wok 9:23

I nɔ tu te, di Ju pipul dɛn mek mitin ɛn dɛn mekɔp fɔ kil Sɔl.

Apɔsul Dɛn Wok 21:21

Dɛn bin dɔn tɛl dɛn bɔt yu, dɛn se yu de lan ɔl dɛn Ju pipul we de na dɛn ɔda kɔntri se dɛn nɔ fɔ de du wetin di Ju Lɔ se; dɛn nɔ fɔ sakɔmsayz dɛn pikin ɛn dɛn nɔ fɔ de du dɛn tin we di Ju dɛn de du we dɛn grampapa papa dɛn lan dɛn fɔ du.

Apɔsul Dɛn Wok 23:12

So wɛn do klin, sɔm Ju pipul dɛn mit ɛn mek bagin. Dɛn swɛ se dɛn nɔ go it ɛn dɛn nɔ go drink natin sote dɛn kil Pɔl.

Apɔsul Dɛn Wok 24:9

Di Ju pipul dɛnsɛf tɔk di sem tin bɔt Pɔl.

Apɔsul Dɛn Wok 25:2

Dɛn bigman we de mek sakrifays fɔ pipul sin ɛn dɛn Ju bigman dɛn go mit Fɛstɔs. Dɛn tɛl am bad tin dɛn bɔt Pɔl. Dɛn bin want mek dɛn briŋ Pɔl kam bak na Jerusɛlɛm, bikɔs dɛn bin dɔn bagin fɔ kil am na rod.

Apɔsul Dɛn Wok 25:7

Wɛn Pɔl rich insay di kot, di Ju pipul dɛn we bin kɔmɔt Jerusɛlɛm go tinap rawnd am. Dɛn tɔk se Pɔl du plɛnti bad tin, bɔt dɛn nɔ bin ebul pruv se na tru dɛn de tɔk.

1 Kɔrint 10:33

Na so misɛf de du; ɛnitin we a de du, a de tray fɔ mek ɔlman satisfay, a nɔ de tray fɔ gen ɛnitin fɔ misɛf, a de wok fɔ ɛp mek plɛnti pipul sev.