Fɔs Lɛta Fɔ Tɛsalonayka 2:14 - Krio Fɔs Oli Baybul

¹⁴ Mi brɔda dɛn, na di sem tin we bi to di Kristiɛn dɛn na Judia, de bi to una. Jɛs lɛkɛ aw di Ju pipul dɛn bin mek Gɔd in pipul dɛn we biliv pan Krays na Judia sɔfa, na semwe so una yon kɔntri man dɛn de mek una sɔfa.

Fɔs Lɛta Fɔ Tɛsalonayka 2:14 Referans Kwoze

Fɔs Lɛta Fɔ Tɛsalonayka 3:4

Di tɛm we wi bin de wit una, wi bin dɔn tɛl una se tɛm go kam we pipul go mek wi sɔfa; ɛn unasɛf no se na dat de bi naw.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Lɛta Fɔ Galeshya 1:22

Da tɛm de di Kristiɛn dɛn we bin de na di chɔch dɛn na Judia nɔ bin no mi yet.

Fɔs Lɛta Fɔ Tɛsalonayka 1:6

Una bin de du dɛn tin we una si wi ɛn di Masta de du. Una bin biliv di Gud Nyuz bɔt Jizɔs Krays pan ɔl we pipul bin de mek una sɔfa, ɛn Gɔd in Spirit bin de mek una gladi ɔltɛm.

Sɛkɛn Lɛta Fɔ Tɛsalonayka 1:1

Mi, Pɔl, Saylas ɛn Timoti de sɛn dis lɛta to una di chɔch mɛmba dɛn na Tɛsalonayka; una na Gɔd we na wi Papa ɛn Masta Jizɔs Krays yon pipul.

Fɔs Lɛta Fɔ Tɛsalonayka 1:1

Na mi, Pɔl, wit Saylas ɛn Timoti, de rayt dis lɛta to di Kristiɛn dɛn na Tɛsalonayka we na wi Papa Gɔd ɛn Masta Jizɔs Krays yon pipul. Wi de pre mek Gɔd sho una aw i gud ɛn gi una kol at.

1 Kɔrint 7:17

Ɔlman fɔ liv in layf bay di patan we Gɔd mek fɔ am. Dɛn fɔ stil liv lɛkɛ aw dɛn bin liv di tɛm we Gɔd kɔl dɛn fɔ kam bi in yon pipul. Na dis rul ya a se ɔlman mɔs fala na ɔl dɛn chɔch.

Apɔsul Dɛn Wok 17:13

Bɔt wɛn dɛn Ju pipul na Tɛsalonayka yɛri se Pɔl de tɛl di pipul dɛn na Biria Gɔd in mɛsej, dɛn go de go put wɔd na di pipul dɛn yes fɔ mek dɛn ambɔg Pɔl.

Apɔsul Dɛn Wok 11:19

Wɛn dɛn bigman na Jerusɛlɛm kil Stivin ɛn mek dɛn pipul we bin biliv pan Jizɔs Krays sɔfa, di pipul dɛn skata ɔlɔbɔt. Sɔm go Finishia, sɔm go Sayprɔs, sɔm go Antiɔk. Bɔt na to dɛn Ju pipul dɛn nɔmɔ dɛn bin de tɔk bɔt Jizɔs.

Apɔsul Dɛn Wok 9:31

Da tɛm de, nɔbɔdi nɔ mek dɛn pipul we bin biliv pan Jizɔs Krays na Judia, Galili, ɛn Sameria sɔfa igen. Gɔd in Spirit bin de ɛp dɛn fɔ mek mɔ ɛn mɔ pipul biliv pan Jizɔs. Ɔl di pipul dɛn we bin biliv pan Jizɔs bin de du wetin Gɔd want ɛn dɛn bin rɛspɛkt di Masta.

Apɔsul Dɛn Wok 9:13

Ananayas tɔk se, “Masta, plɛnti pipul dɔn tɛl mi bɔt dis man ɛn bɔt di bad we i dɔn du yu pipul dɛn we de na Jerusɛlɛm.

Apɔsul Dɛn Wok 9:1

Da sem tɛm de, Sɔl bin stil de mek Jizɔs in apɔsul dɛn sɔfa, ɛn i bin want kil dɛn. I go to di bigman we de mek sakrifays fɔ pipul sin

Apɔsul Dɛn Wok 8:1

Sɔl gladi we dɛn kil Stivin. Frɔm di de we dɛn kil Stivin, nain dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Sameria. Na di apɔsul dɛn nɔmɔ bin lɛf na di tɔŋ.

Apɔsul Dɛn Wok 8:3

Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel.

Apɔsul Dɛn Wok 13:50

Bɔt di Ju pipul dɛn put wɔd na di bigman na di tɔŋ dɛn yes, dɔn dɛn put wɔd na dɛn big uman we nɔto bin Ju we fred Gɔd, dɛnsɛf yes. So dɛn du Pɔl ɛn Banabas bad bad tin dɛn ɛn drɛb dɛn kɔmɔt na di tɔŋ.

Apɔsul Dɛn Wok 14:2

Bɔt dɛn Ju pipul we nɔ bin gri fɔ biliv pan Jizɔs put wɔd na dɛn pipul we nɔto bin Ju dɛn yes ɛn dɛn du di Kristiɛn dɛn bad.

Apɔsul Dɛn Wok 14:4

Di pipul dɛn na di tɔŋ bin sheb; sɔm pipul bin de fɔ di Ju pipul dɛn ɛn sɔm bin de fɔ di apɔsul dɛn.

Apɔsul Dɛn Wok 14:5

So dɛn pipul we nɔto bin Ju, dɛn Ju pipul, ɛn dɛn yon bigman dɛn mek bagin fɔ du di apɔsul dɛn bad ɛn fɔ ston dɛn.

Apɔsul Dɛn Wok 14:19

Sɔm pan di Ju pipul dɛn bin kɔmɔt Antiɔk ɛn sɔm bin kɔmɔt Aykonyɔm. Dɛn tɔk sote di pipul dɛn gri fɔ du wetin dɛn want. Dɛn ston Pɔl ɛn drɛg am kɔmɔt na di tɔŋ bikɔs dɛn bin min se i dɔn day.

Apɔsul Dɛn Wok 18:12

Di tɛm we Galio na bin di Roman gɔvna na Gris, ɔl di Ju pipul dɛn gɛda, dɛn ol Pɔl ɛn kɛr am go kot fɔ mek di gɔvna jɔj am.

1 Kɔrint 10:32

Una fɔ liv una layf so dat una nɔ go mek Ju pipul, ɔ pipul we nɔto Ju, ɔ pipul we na Kristiɛn tap fɔ biliv pan Gɔd.