Fɔs Lɛta Fɔ Tɛsalonayka 2:13 - Krio Fɔs Oli Baybul

¹³ Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Fɔs Lɛta Fɔ Tɛsalonayka 2:13 Referans Kwoze

Di Ibru Pipul Dɛn 4:12

Wi no se Gɔd in wɔd gɛt layf ɛn i gɛt pawa. In wɔd shap pas sɔd we gɛt tu ɛj. I de go insay insay pɔsin sote i rich di say we in at ɛn in spirit dɛn mit togɛda, lɛkɛ aw sɔd de kɔt bon midul. Na so Gɔd in wɔd dɛn de go insay insay pɔsin in at ɛn sho ɔl wetin lib de.

Lɛta Fɔ Rom 10:17

Na dat mek pipul dɛn mɔs yɛri di mɛsej bɔt Jizɔs Krays fɔs, bifo dɛn biliv am, ɛn pipul mɔs tɛl ɔda pipul bɔt Krays fɔ mek dɛn yɛri.

Pita In Fɔs Lɛta 1:23

Gɔd in wɔd we de gi layf ɛn we de sote go dɔn mek una gɛt nyu layf; i tan lɛkɛ se, una dɔn bɔn bak, ɛn di wan we mek una bɔn bak go de sote go; i nɔ tan lɛkɛ di wan we bɔn una di fɔs tɛm, we mɔs day.

Pita In Fɔs Lɛta 1:25

bɔt di Masta in wɔd go de sote go.” Dis wɔd ya na di Gud Nyuz bɔt Jizɔs we dɛn bin tɛl una.

Pita In Fɔs Lɛta 2:2

Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.

Lyuk 11:28

Jizɔs se, “Yɛs, dat na tru, bɔt mɔ blɛsin de fɔ di pipul dɛn we yɛri Gɔd in wɔd ɛn du wetin Gɔd tɛl dɛn.”

Apɔsul Dɛn Wok 13:48

Wɛn dɛn pipul we nɔto Ju yɛri dat, dɛn gladi ɛn dɛn prez di Masta fɔ wetin i tɛl dɛn. Dɛn pipul we Gɔd bin dɔn pik fɔ gɛt layf sote go, biliv pan Jizɔs Krays.

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Lɛta Fɔ Galeshya 4:14

We a bin sik bad, dat bin mek tin traŋa fɔ una, bɔt dat nɔ mek una du lɛkɛ se una nɔ no mi. Una bin tek mi lɛkɛ aw una go tek Gɔd in mɛsenja, ɔ Jizɔs Krays insɛf.

2 Kɔrint 3:18

So wɛn Gɔd dɔn pul di tin we nɔ de mek dɛn ebul ɔndastand, wi ɔl go tan lɛkɛ glas; ɛnibɔdi we luk wi go si aw di Masta wɔndaful, ɛn Gɔd in Spirit go de mek wisɛf wɔndaful mɔ ɛn mɔ, lɛkɛ aw di Masta, we pipul de si pan wi, wɔndaful.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

Lɛta Fɔ Kɔlɔse 1:6

Di Gud Nyuz de prɛd ɔlɔbɔt na wɔl ɛn i de mek pipul gɛt blɛsin, jɛs lɛkɛ aw i rich una ɛn i de blɛs una frɔm di de we una yɛri ɛn ɔndastand fɔ tru aw Gɔd lɛk una ɛn aw i gud to una.

Lyuk 8:21

Jizɔs ansa dɛn se, “Na dɛn wan we yɛri Gɔd in wɔd ɛn du wetin i tɛl dɛn fɔ du, na dɛn na mi mama ɛn mi brɔda dɛn.”

Jɔn 17:19

Ɛn a gi yu mi layf fɔseka dɛn so dat dɛnsɛf go gi yu dɛn layf wit ɔl dɛn at.

Matyu 10:40

“Ɛnibɔdi we tɛl una fɔ kam nain os, na mi di pɔsin de tɛl fɔ kam nain os; ɛn ɛnibɔdi we tɛl mi fɔ kam nain os, na di wan we sɛn mi, di pɔsin dɔn tɛl fɔ kam nain os.

Jɔn 17:17

Lɛ yu wɔd dɛn, we na tru mek dɛn bi yu yon pipul.

Jɔn 15:3

Wetin a dɔn lan una dɔn mek una klin.

Lyuk 8:11

“Na di parebul in minin dis: Di sid dɛn na Gɔd in wɔd.

Matyu 10:20

Nɔto una go de tɔk da tɛm de, na Gɔd we na una Papa in Spirit go put di wɔd dɛn na una mɔt.

Pita In Sɛkɛn Lɛta 3:2

A want mek una mɛmba dɛn tin we Gɔd in prɔfɛt dɛn bin dɔn tɔk lɔntɛm se go bi, bifo dɛn bi, ɛn dɛn tin we wi Masta we sev wi mek in apɔsul dɛn tɛl wi fɔ du.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Apɔsul Dɛn Wok 17:32

Wɛn di pipul dɛn yɛri Pɔl de tɔk bɔt pɔsin we rayz frɔm di grev, sɔm laf Pɔl, bɔt sɔm se, “Wi go want fɔ yɛri yu bak wɛn yu de tɔk bɔt dis sem tin.”

Apɔsul Dɛn Wok 16:14

Wan pan di uman dɛn we bin de lisin bin nem Lidia, i bin kɔmɔt na da tɔŋ we nem Tayatira. Na uman we bin de sɛl dɛn dia klos. Na uman we bin fred Gɔd ɛn di Masta mek i lisin gud wetin Pɔl tɔk, ɛn i biliv am.

Apɔsul Dɛn Wok 10:33

Na dat mek a sɛn kɔl yu wantɛm. I gud we yu kam. Wi kam na ya fɔ yɛri wetin di Masta dɔn tɛl yu fɔ tɛl wi. Gɔd de ya wit wi.”

Apɔsul Dɛn Wok 2:41

Plɛnti pipul we yɛri wetin Pita tɔk biliv pan Jizɔs ɛn di apɔsul dɛn baptayz tri tawzin pipul.

Apɔsul Dɛn Wok 8:14

Wɛn di apɔsul dɛn na Jerusɛlɛm yɛri se dɛn pipul we de na Sameria dɔn biliv Gɔd in wɔd, dɛn sɛn Pita ɛn Jɔn go to dɛn.

Lyuk 5:1

Wande, Jizɔs bin tinap nia di lek we dɛn kɔl Gɛnɛzarɛt. Di pipul dɛn bin de shub kam klos am fɔ yɛri Gɔd in wɔd we i bin de tɔk.

Jɛrimaya 44:16

“As fɔ wetin yu dɔn tɛl wi se PAPA GƆD se fɔ tɛl wi, wi nɔ go lisin to yu.

Egay 1:12

Zɛrubabɛl we na Shialtiɛl in bɔypikin ɛn Jɔshwa we na Jɛozedak in bɔypikin ɛn di bigman fɔ ɔl dɛn man we de mek sakrifays pipul sin wit ɔl di balans pipul obe Papa GƆD we na dɛn PAPA GƆD ɛn du wetin Egay we i sɛn, se, bikɔs dɛn de fred ɛn rɛspɛkt PAPA GƆD.

Di Ibru Pipul Dɛn 4:2

Pipul dɔn tɛl wi di Gud Nyuz bɔt Gɔd, lɛkɛ aw dɛn bin dɔn tɛl dɛn lɔntɛm pipul we bin de na di dɛzat; bɔt pan ɔl dat wi si se di Gud Nyuz we dɛn yɛri, nɔ bin ɛp dɛn, bikɔs dɛn nɔ bin biliv am.