Fɔs Lɛta Fɔ Tɛsalonayka 2:11 - Krio Fɔs Oli Baybul

¹¹ Una no se wi trit una ɔl wan wan lɛkɛ aw dadi kin trit in pikin dɛn.

Fɔs Lɛta Fɔ Tɛsalonayka 2:11 Referans Kwoze

Di Ibru Pipul Dɛn 13:22

Mi brɔda dɛn, a de beg una, mek una put una at dɔŋ fɔ lisin to wetin a de tɛl una fɔ du; na dat mek dis lɛta we a rayt una nɔ lɔŋ.

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Sɛkɛn Lɛta Fɔ Tɛsalonayka 3:12

Wi de tek Masta Jizɔs Krays in nem tɛl dɛn pipul de se: dɛn nɔ fɔ de ambɔg, bɔt dɛn fɔ liv di rayt we, ɛn dɛn fɔ lebɔ fɔ gɛt wetin dɛn go it. Wi de beg dɛn fɔ du ɔl dɛn tin ya.

Fɔs Lɛta Fɔ Tɛsalonayka 5:11

So una fɔ stil de kɔrej ɛn ɛp una kɔmpin Kristiɛn dɛn, lɛkɛ aw una de du naw.

Fɔs Lɛta Fɔ Tɛsalonayka 2:7

We wi na Krays in apɔsul dɛn, wi bin gɛt di rayt fɔ tɛl una fɔ du sɔntin fɔ wi, bɔt wi go kɛlɛkɛlɛ wit una lɛkɛ aw kombra kin bayo bayo in pikin dɛn.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

Ditarɔnɔmi 3:28

I tɛl di Izrɛlayt dɛn se PAPA GƆD se na Jɔshwa go gɛt fɔ lid dɛn go krɔs Riva Jɔdan kapchɔ di land dɛn we in go si, so PAPA GƆD se i fɔ tɛl Jɔshwa di tin dɛn we go mek i gɛt maynd fɔ ebul kɛr di pipul dɛn go.

Taytɔs 2:15

Yu fɔ de tɛl pipul dɛn tin ya ɛn tek di pawa we Gɔd gi yu kɔrej dɛn, ɛn tɛl dɛn wan we nɔ de du rayt fɔ tap fɔ du wetin dɛn de du. Nɔ gri mek ɛnibɔdi luk se wetin yu de tɔk na tin we pɔsin nɔ fit fɔ yɛri.

Taytɔs 2:6

Semwe so, yu fɔ wɔn di yɔŋ man dɛn fɔ de kɔntrol dɛnsɛf.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Fɔs Lɛta To Timoti 6:2

Dɛn slev we dɛn masta na Kristiɛn nɔ fɔ se bikɔs dɛn ɔl na brɔda, dɛn nɔ go gi dɛn rɛspɛkt. Dɛn fɔ du dɛn wok bɛtɛ sɛf, bikɔs di wok we dɛn de du go bɛnifit dɛn masta we na Kristiɛn ɛn we lɛk Gɔd, lɛkɛ dɛnsɛf. Yu fɔ de lan pipul dɛn tin ya ɛn yu fɔ de tɛl pipul bɔt dɛn.

Fɔs Lɛta To Timoti 5:7

Tɛl dɛn pipul ya fɔ du dɛn tin we a tɛl dɛn fɔ du, so dat nɔbɔdi nɔ go blem dɛn fɔ ɛnitin.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Apɔsul Dɛn Wok 20:2

I go ɔlsay na Masidonia de tɔk plɛnti fɔ kɔrej di Kristiɛn dɛn, dɔn i go Gris.

Prɔvabs 7:24

Una dɛn bɔypikin, una lisin to mi, una yɛri wɔd.

Prɔvabs 7:1

Mi pikin, mɛmba ɔl wetin a de tɛl yu ɛn nɔ fɔgɛt natin we a tɛl yu fɔ du.

Prɔvabs 6:1

Mi pikin, if yu dɔn tinap fɔ pɔsin, ɔ trenja we o dɛt,

Prɔvabs 3:1

Mi pikin, nɔ fɔgɛt wetin a de tich yu. Kip ɔl wetin a de tɛl yu so na yu at.

Prɔvabs 2:1

Mi pikin, lisin to wetin a de tel yu ɛn du wetin a se.

Prɔvabs 1:15

Mi pikin, nɔ fala dɛn; lɛ yu fut sɛf nɔ mas usay dɛn de;

Prɔvabs 1:10

Mi pikin, if bad pɔsin dɛn tɛmt yu, nɔ gri.

Di Sam Dɛm 34:11

Mi pikin dɛn, una kam yɛri wetin a de tɛl una; a go tich una aw fɔ fred PAPA GƆD.

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

Ditarɔnɔmi 31:14

PAPA GƆD tɛl Mozis se i nɔ tu te igen, i go day; i tɛl am se mek in ɛn Jɔshwa go na di tɛnt usay dɛn kin mit wit PAPA GƆD, so dat i go mek am Izrɛl dɛn nyu lida. So Mozis ɛn Jɔshwa bin go de.

Di Nɔmba Dɛm 27:19

Mek lɛ i tinap bifo Ɛlieza we na di man we de mek sakrifays fɔ pipul sin ɛn di wanol kɔmyuniti fɔ mek i no se nain gɛt fɔ lid di pipul dɛn naw.

Taytɔs 2:9

Slev fɔ de yɛri dɛn masta wɔd ɛn tray fɔ satisfay dɛn pan ɔltin. Dɛn nɔ fɔ de agyu wit dɛn

Lɛta Fɔ Ɛfisɔs 4:17

A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.

Fɔs Lɛta Fɔ Tɛsalonayka 4:6

Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Jɔn In Tɔd Lɛta 1:4

Di tin we kin mek a gladi pas ɔl na we a kin yɛri se mi pikin dɛn de waka na di tru rod.

Sɛkɛn Lɛta Fɔ Tɛsalonayka 2:5

Una nɔ mɛmba? A bin tɛl una bɔt ɔl dat di tɛm we a bin de wit una.