Fɔs Lɛta Fɔ Tɛsalonayka 1:9 - Krio Fɔs Oli Baybul

⁹ Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Fɔs Lɛta Fɔ Tɛsalonayka 1:9 Referans Kwoze

Fɔs Lɛta To Timoti 4:10

Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

1 Kɔrint 12:2

Una no se di tɛm we una nɔ bin no Gɔd yet, una bin de pre to dɛn tin we nɔ gɛt layf we mɔtalman mek fɔ pre to, ɛn ɔltɛm dɛn kin de drɔ una fɔ kɔmɔt na di rayt rod go fala dɛn.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Fɔs Lɛta Fɔ Tɛsalonayka 2:1

Wi brɔda dɛn, na sɔntin bin mek wi go to una ɛn unasɛf no se wi satisfay da say de, bikɔs wi nɔ wes wi tɛm.

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Di Sam Dɛm 42:2

A want PAPA GƆD bad bad wan. Usay a go go fɔ wɔship PAPA GƆD lɛk aw a want?

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Zɛfinaya 2:11

PAPA GƆD insɛf go dil wit dɛn traŋa traŋa wan. Yɛs, i go nyakanyaka dɛn ɛn mek dɛn gɔd nɔ fiba natin to dɛn ɛn ɔlman naw go butu ɛn wɔship am, usay dɛn de, na ɔl di neshɔn dɛn na wɔl.

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Ayzaya 37:17

PAPA GƆD duya opin yu yes ɛn lisin; PAPA GƆD duya, opin yu yay lɛ yu si; luk wetin Sɛnakarib dɔn rayt we i kɔs yu, yu we na PAPA GƆD we gɛt layf.

Ayzaya 37:4

Dɛn se sɔntɛm, PAPA GƆD we na una Gɔd dɔn yɛri ɔl di wɔd we di kiŋ na Asiria in Rabshakɛ dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Di Sam Dɛm 84:2

A so de, magomago fɔ de usay PAPA GƆD de. A go gladi ɛn wit ɔl mi at a go siŋ to PAPA GƆD we nain nɔmɔ de gi layf.

1 Samiɛl 17:36

Devid tɛl Sɔl se in dɔn kil layɔn ɛn bia so di Filistin we na ithɛn go bi lɛk dɛn bikɔs i dɔn chalenj PAPA GƆD we nɔ de day in ami.

1 Samiɛl 17:26

Devid aks di man dɛn we bin tinap nia am wetin go apin to di man we go kil di Filistin ɛn pul Izrɛl pan shem ɛn disgres. I se udat dis ithɛn bi we i fɔ de chalenj PAPA GƆD we nɔ de day in amiman dɛn.

Ditarɔnɔmi 5:26

I se dɛn tɛl am igen se nɔn mɔtalman nɔ de na dis wɔl we dɔn yɛri di PAPA GƆD we gɛt layf in vɔys na faya lɛk dɛn, ɛn nɔ day.

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Di Ibru Pipul Dɛn 12:22

Una dɔn rich na da il we dɛn kɔl Mawnt Zayɔn. Una dɔn rich na di tɔŋ we Gɔd we gɛt layf sote go, de; dɛn kɔl da tɔŋ de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de.

Lɛta Fɔ Rom 9:26

Ɛn di sem ples we Gɔd bin se, ‘Una nɔto mi yon pipul’, na da sem ples de, Gɔd we gɛt layf sote go, go kɔl dɛn, ‘In bɔy pikin dɛn.’”

Jɔshwa 3:10

I tɛl dɛn se we PAPA GƆD go dɔn drɛb ɔl di pipul dɛn we de na di land; dat na di Kenanayt dɛn, di Itayt dɛn, di Ivayt dɛn, di Pɛrizayt dɛn, di Gigashayt dɛn, di Amorayt ɛn Jɛbyusayt dɛn, na datɛnde dɛn go biliv se, fɔ tru tru PAPA GƆD de wit dɛn.

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

Jɔn In Fɔs Lɛta 5:21

Mi pikin dɛn, una nɔ gɛt natin fɔ du wit dɛn tin we mɔtalman mek fɔ pre to we nɔto di tru Gɔd.