Fɔs Lɛta Fɔ Tɛsalonayka 1:8 - Krio Fɔs Oli Baybul

⁸ Di mɛsej bɔt di Masta we una tɛl pipul na Masidonia ɛn Gris nɔ tap de; ɔlman dɔn yɛri aw una biliv pan Gɔd. So nid nɔ de fɔ mek wi tɔk ɛnitin bɔt dat.

Fɔs Lɛta Fɔ Tɛsalonayka 1:8 Referans Kwoze

Lɛta Fɔ Rom 1:8

Fɔs tin, a tɛl Gɔd tɛnki tru Jizɔs Krays fɔ una ɔl, bikɔs pipul ɔlɔbɔt na wɔl de yɛri se una dɔn biliv pan Jizɔs Krays.

Rɛvɛleshɔn 14:6

Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.

Jɔn In Tɔd Lɛta 1:12

Ɔlman de tɔk gud bɔt Dimitriɔs; aw i liv sho se wetin ɔlman de tɔk bɔt am na tru. Wisɛf de tɔk gud bɔt am ɛn unasɛf no se na tru wi de tɔk.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Ayzaya 52:7

Luk we dɛn fayn na dɛn mawnten dɛn dɛn pipul dɛn we de briŋ gud yus, we de anawns bɔt pis, we de briŋ nyuz bɔt gud tin, we de anawns bɔt salveshɔn, we de tɛl Zayɔn se, “Na yu Gɔd de ren.”

Sɛkɛn Lɛta Fɔ Tɛsalonayka 3:1

Mi Kristiɛn pipul dɛn, dis na di las wɔd we a de tɔk na dis lɛta, una pre fɔ wi ɔltɛm so dat di Gud Nyuz bɔt di Masta go de prɛd ɔlɔbɔt kwik kwik ɛn pipul go ɔna di Masta ɛn tɛl am tɛnki fɔ di Gud Nyuz, lɛkɛ aw i bin bi di tɛm we unasɛf yɛri di Gud Nyuz.

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Lɛta Fɔ Rom 16:19

Ɔlman dɔn yɛri aw una de fala di Gud Nyuz wit ɔl una at, dat mek a gladi fɔ una. A want mek una gɛt sɛns fɔ no wetin gud ɛn mek una nɔ du bad.

Ayzaya 2:3

Bɔku pipul go kam ɛn tɔk se: ‘Kam, lɛ we go ɔp PAPA GƆD in mawnten, na Jekɔb in Gɔd in os; mek i go tich wi in we so wisɛf go waka aw i want wi fɔ waka.” Bikɔs na zayɔn di lɔ go kɔmɔt, ɛn PAPA GƆD in wɔd go kɔmɔt Jerusɛlɛm.

Ɛksodɔs 18:9

Jɛthro gladi fɔ ɔl di gud tin dɛn we PAPA GƆD du fɔ Izrɛl we i sev dɛn na di Ijipshian dɛn an.

2 Kɔrint 3:4

Wi de tɔk dɛn tin ya bikɔs wi abop pan Gɔd tru Krays.

1 Kɔrint 14:36

Na una fɔs bigin tɛl pipul bɔt Gɔd in wɔd? Na una nɔmɔ dɔn yɛri Gɔd in wɔd?

Ayzaya 66:19

Ɛn a go put wan sayn to dɛn. Ɛn a go sɛn di wan dɛn we nɔ day pan dɛn go na difrɛn neshɔn dɛm, dat na Tashish, Tubal ɛn Javan, to dɛn fa fawe kɔntri dɛn we de nia si, ɛn nɔ yɛri bɔt mi yet ɛn nɔ si mi glɔri yet; na dɛn go go tɛl dɛn bɔt mi glɔri.

Apɔsul Dɛn Wok 18:12

Di tɛm we Galio na bin di Roman gɔvna na Gris, ɔl di Ju pipul dɛn gɛda, dɛn ol Pɔl ɛn kɛr am go kot fɔ mek di gɔvna jɔj am.

Lɛta Fɔ Rom 15:26

Bikɔs di chɔch mɛmba dɛn na Masidonia ɛn Gris dɔn mekɔp fɔ gi dɛn Kristiɛn we nɔ gɛt natin na Jerusɛlɛm sɔm mɔni.

2 Kɔrint 2:14

Wi tɛl Gɔd tɛnki! We wi gɛt wanwɔd wit Krays, Gɔd de mek wi win ɔltɛm. Gɔd de yus wi fɔ mek ɔl wetin pɔsin fɔ no bɔt Krays prɛd ɔlɔbɔt lɛkɛ swit smɛl.

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Fɔs Lɛta To Timoti 2:8

So a want mek dɛn man dɛn ɔlɔbɔt pre. Dɛn fɔ bi pipul we dɔn gi Gɔd dɛn layf, so dat wɛn dɛn es dɛn an ɔp fɔ pre, dɛn nɔ go vɛks pan pipul ɛn dɛn nɔ go de mɛmba bad fɔ dɛn pipul we ambɔg dɛn.

Sɛkɛn Lɛta To Timoti 2:9

A de sɔfa bikɔs a de tɛl pipul di Gud Nyuz, dɛn chen mi sɛf lɛkɛ jelman, bɔt dɛn nɔ go chen Gɔd in wɔd;