Fɔs Lɛta Fɔ Tɛsalonayka 1:6 - Krio Fɔs Oli Baybul

⁶ Una bin de du dɛn tin we una si wi ɛn di Masta de du. Una bin biliv di Gud Nyuz bɔt Jizɔs Krays pan ɔl we pipul bin de mek una sɔfa, ɛn Gɔd in Spirit bin de mek una gladi ɔltɛm.

Fɔs Lɛta Fɔ Tɛsalonayka 1:6 Referans Kwoze

1 Kɔrint 11:1

So una fɔ de du lɛkɛ aw a de du, bikɔs a de du lɛkɛ aw Krays bin de du.

1 Kɔrint 4:16

Na dat mek, a de beg una fɔ waka wit Gɔd lɛkɛ aw a de waka wit am.

Apɔsul Dɛn Wok 13:52

Dɛn pipul we bin biliv pan Jizɔs we bin de na Antiɔk bin gladi ɛn Gɔd in Spirit bin kam pan dɛn.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Sɛkɛn Lɛta Fɔ Tɛsalonayka 3:9

Wetin mek wi bin de du ɔl da wok de, nɔto bikɔs wi nɔ gɛt rayt fɔ tɛl una fɔ gi wi it ɛn ples fɔ slip, bɔt na bikɔs wi bin want sho una patan fɔ fala.

Jɔn In Tɔd Lɛta 1:11

Mi padi we a lɛk, nɔ fala di bad we i de du, yu jɛs de du gud nɔmɔ. Ɛnibɔdi we de du wetin rayt na Gɔd pikin, bɔt ɛnibɔdi we de du bad nɔ no Gɔd yet.

Lɛta Fɔ Ɛfisɔs 5:1

We una na Gɔd in pikin dɛn we i lɛk, una fɔ tray fɔ tan lɛkɛ am.

Jɔn 8:12

Jizɔs bigin tɔk to di Faresi dɛn bak, i se, “Mi na di Layt na di wɔl, ɛnibɔdi we de fala mi go gɛt di layt we de gi layf ɛn i nɔ go waka na dak.”

Matyu 16:24

Dɔn Jizɔs tɛl in lanin bɔy dɛn se, “If ɛnibɔdi want bi mi lanin bɔy, di pɔsin nɔ fɔ du wetin i want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du wetin a de du.

Pita In Fɔs Lɛta 3:13

Udat go ebul mek una sɔfa if una at de fɔ du wetin rayt nɔmɔ?

Pita In Fɔs Lɛta 1:8

Pan ɔl we una nɔ si Jizɔs yet, una lɛk am. Pan ɔl we una nɔ de si am naw, una biliv pan am; so una gladi bad ɛn una nɔ ebul tɔk sɛf bɔt di gladi we una gladi, bikɔs

Pita In Fɔs Lɛta 1:6

Dis fɔ mek una gladi pan ɔl we ɔl kayn waala de mek una sɔfa naw; bɔt i nɔ go te igen we una go sɔfa.

Di Ibru Pipul Dɛn 10:34

Una bin de sɔri fɔ dɛn pipul we de na jel, una nɔ bin de wɔri, bɔt una bin stil gladi ivin wɛn pipul siz una prɔpati, bikɔs una bin no se una gɛt sɔntin we bɛtɛ pas da prɔpati de, we go de sote go.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Lɛta Fɔ Filipay 3:17

Mi Kristiɛn brɔda dɛn, una fɔ de du ɔl wetin una si a de du. Una fɔ de luk dɛn wan we de du wetin wi dɔn sho una se gud fɔ du.

2 Kɔrint 8:5

Wi nɔ bin de abop sɛf se dɛn go du so; dɛn gi Gɔd dɛn layf fɔs, dɔn dɛn lɛf dɛnsɛf na wi an lɛkɛ aw Gɔd want dɛn fɔ du.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Apɔsul Dɛn Wok 9:31

Da tɛm de, nɔbɔdi nɔ mek dɛn pipul we bin biliv pan Jizɔs Krays na Judia, Galili, ɛn Sameria sɔfa igen. Gɔd in Spirit bin de ɛp dɛn fɔ mek mɔ ɛn mɔ pipul biliv pan Jizɔs. Ɔl di pipul dɛn we bin biliv pan Jizɔs bin de du wetin Gɔd want ɛn dɛn bin rɛspɛkt di Masta.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Ozie 2:14

So a go ful in yay wit tinks dɛn ɛn briŋ am kam na di ɛmti land we pipul nɔ go ebul tap, ɛn koks am wit swit swit tɔk.

1 Kɔrint 11:2

Una du wɛl: una de mɛmba mi ɔltɛm ɛn una de mɛmba dɛn tin we a bin lan una, ɛn una de du dɛn.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

Sɛkɛn Lɛta Fɔ Tɛsalonayka 3:7

Unasɛf no gud gud wan se una fɔ wok lɛkɛ aw wi bin de wok. Wi wok traŋa wan wɛn wi bin de wit una.

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.