Fɔs Lɛta Fɔ Tɛsalonayka 1:5 - Krio Fɔs Oli Baybul

⁵ Na wi fɔs tɛl una di Gud Nyuz bɔt Jizɔs Krays. Wi nɔ bin jɛs tɔk nɔmɔ, wi du wɔndaful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyuz na tru. Una no di layf we wi bin liv wɛn wi bin de wit una, ɔl dat na bin fɔ ɛp una.

Fɔs Lɛta Fɔ Tɛsalonayka 1:5 Referans Kwoze

Mak 16:20

Di lanin bɔy dɛn go ɔlɔbɔt na wɔl de tɛl pipul di Gud Nyuz, ɛn di Masta bin de ɛp dɛn, ɛn mek dɛn du plɛnti wɔndaful wok we fɔ mek pipul no se na tru dɛn de tɔk.] 9 Di uman dɛn go to Pita ɛn in kɔmpin dɛn ɛn tɛl dɛn ɔl wetin di yɔŋ man tɛl dɛn, dɛn nɔ tek lɔŋ fɔ du dat. 10 Afta dat, Jizɔs sɛn in lanin bɔy dɛn go ɔlɔbɔt na wɔl fɔ tɛl pipul di mɛsej bɔt aw Gɔd go sev dɛn, dat na di mɛsej we go de sote go ɛn we Gɔd insɛf sɛn kam na wɔl.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

Sɛkɛn Lɛta Fɔ Tɛsalonayka 2:14

Gɔd kɔl una fɔ bi in yon pipul dɛn tru di Gud Nyuz we wi tɛl una; i kɔl una fɔ gɛt pan di wɔndaful pawa ɛn ɔna we Masta Jizɔs Krays gɛt.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

1 Kɔrint 4:20

Gɔd in rul nɔto plɛnti tɔk gɛt am, na Gɔd in pawa gɛt am.

Lɛta Fɔ Ɛfisɔs 3:20

Jizɔs Krays we gɛt pawa oba wi, ebul du tin we pas wetin wi kin aks fɔ ɛn tink bɔt.

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Apɔsul Dɛn Wok 11:21

Gɔd in pawa bin de pan dɛn, dat mek plɛnti pipul biliv pan Jizɔs ɛn tek Jizɔs fɔ dɛn Masta.

Sɛkɛn Lɛta To Timoti 2:10

na dat mek a de bia ɔltin fɔseka dɛn pipul we Gɔd dɔn pik, so dat dɛnsɛf go sev if dɛn gɛt wanwɔd wit Krays Jizɔs ɛn dɛn go gɛt di tru layf we de na ɛvin sote go.

Sɛkɛn Lɛta To Timoti 2:8

Mɛmba Jizɔs Krays, we Gɔd mek rayz frɔm di grev, we kɔmɔt na Devid in fambul layn, ɛn we a de tɔk bɔt wɛn a de tɛl pipul di Gud Nyuz.

Lɛta Fɔ Filipay 4:9

Una fɔ de du dɛn tin we a dɔn lan una. Una fɔ de du dɛn tin we a bin de tɔk se fɔ du ɛn dɛn tin we a bin de du. Ɛn Gɔd we de gi kol at go de wit una.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Di Ibru Pipul Dɛn 6:11

Di tin we de na wi at we wi want una fɔ du, na fɔ mek una ɔl de tray fɔ du wetin Gɔd want sote una day, ɛn mek una nɔ tap fɔ du am, so dat una go gɛt dɛn tin we Gɔd gɛt fɔ una we una abop fɔ gɛt.

Lɛta Fɔ Filipay 2:13

Gɔd de wok insay una at so dat una go want du wetin in want una fɔ du ɛn fɔ mek una go ebul du am.

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Lɛta Fɔ Galeshya 5:5

Fɔ wi yon pat, wi no se Gɔd go mek ɔltin rayt bitwin wi ɛn Gɔd. Wi abop fɔseka wetin Gɔd in Spirit bin dɔn du ɛn bikɔs wi biliv pan Krays.

Lɛta Fɔ Galeshya 2:2

A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyuz we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin.

2 Kɔrint 3:6

Semwe, i dɔn mek wi ebul tɔk bɔt di nyu agrimɛnt we i mek wit wi; nɔto tin we rayt na buk Gɔd tek mek di agrimɛnt, na Gɔd in Spirit mek am; bikɔs dɛn tin we rayt de kil, bɔt Gɔd in Spirit de gi layf.

1 Kɔrint 10:33

Na so misɛf de du; ɛnitin we a de du, a de tray fɔ mek ɔlman satisfay, a nɔ de tray fɔ gen ɛnitin fɔ misɛf, a de wok fɔ ɛp mek plɛnti pipul sev.

1 Kɔrint 3:16

Una nɔ no se una na Gɔd in Os ɛn Gɔd in Spirit tap insay una?

1 Kɔrint 3:6

Na mi plant di sid na una at; na Apɔlɔs wata am; bɔt na Gɔd mek i gro.

1 Kɔrint 1:24

Bɔt dɛn wan we Gɔd kɔl fɔ kam to am, Ju o, Grik o, no se Krays, we wi de tɛl una bɔt, na Gɔd in pawa ɛn na Gɔd in sɛns.

Lɛta Fɔ Rom 2:16

So, lɛkɛ aw di Gud Nyuz we a de tɛl pipul se, ɔl dɛn tin ya go bi di De we Gɔd go mek Jizɔs Krays jɔj dɛn sikrit tin we mɔtalman de tink.

Apɔsul Dɛn Wok 16:14

Wan pan di uman dɛn we bin de lisin bin nem Lidia, i bin kɔmɔt na da tɔŋ we nem Tayatira. Na uman we bin de sɛl dɛn dia klos. Na uman we bin fred Gɔd ɛn di Masta mek i lisin gud wetin Pɔl tɔk, ɛn i biliv am.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Ayzaya 55:11

na so mi wɔd we de kɔmɔt na mi mɔt, go bi; i nɔ go tɔn bak kan to mi i nɔ du natin, bɔt i go du wetin a sɛn am fɔ du, ɛn i go do wɛl pan di tin we a sɛn am fɔ go du.

Pita In Sɛkɛn Lɛta 1:19

Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.

Pita In Fɔs Lɛta 5:3

Una nɔ fɔ de trit dɛn pipul ya we Gɔd gi una fɔ kia fɔ, lɛkɛ slev, bɔt una fɔ de du gud we go mek di pipul dɛnsɛf want fɔ tan lɛkɛ una.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Lyuk 1:1

Ɔnarebul Tiofilɔs, yu no se plɛnti pipul dɔn bigin rayt ɔl dɛn wɔndaful tin we dɔn bi na ya.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

1 Kɔrint 9:14

Semwe so, di Masta dɔn tɔk se, dɛn pipul we de tɔk bɔt di Gud Nyuz, na di we dat we dɛn fɔ tek gɛt dɛn yon jɛjɛ.