Fɔs Lɛta Fɔ Tɛsalonayka 1:2 - Krio Fɔs Oli Baybul

² Wi de tɛl Gɔd tɛnki ɔltɛm fɔ una wɛn wi de pre fɔ una.

Fɔs Lɛta Fɔ Tɛsalonayka 1:2 Referans Kwoze

Faylimɔn 1:4

Faylimɔn, ɔltɛm we a de pre, a de tɛl Gɔd tɛnki fɔ yu we na mi Kristiɛn brɔda,

Lɛta Fɔ Kɔlɔse 1:3

Ɔltɛm we wi de pre fɔ una, wi kin tɛl Gɔd, we na wi Masta Jizɔs Krays in Papa, tɛnki.

1 Kɔrint 1:4

A de tɛl mi Gɔd tɛnki ɔltɛm fɔ di blɛsin we i dɔn gi una we una dɔn gɛt wanwɔd wit Jizɔs Krays.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Fɔs Lɛta Fɔ Tɛsalonayka 3:9

Wi kin tɛl Gɔd tɛnki naw fɔ una. Wi tɛl am tɛnki fɔ di gladi we wi kin gladi wɛn wi kam bifo am fɔ pre fɔ una, bikɔs una stil biliv pan am.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.