Pita In Fɔs Lɛta 5:9 - Krio Fɔs Oli Baybul

⁹ Una fɔ abop traŋa wan pan Gɔd ɛn una nɔ fɔ gri mek Setan mek una du wetin in want, una fɔ mɛmba se dɛn ɔda pipul ɔlɔbɔt na wɔl we biliv pan Krays lɛkɛ aw unasɛf biliv, dɛnsɛf de sɔfa dɛn sem tin ya we una de sɔfa.

Pita In Fɔs Lɛta 5:9 Referans Kwoze

Jems 4:7

So, una fɔ put unasɛf ɔnda Gɔd. Una tinap fɔ fɛt Setan, i go rɔnawe go lɛf una.

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Pita In Fɔs Lɛta 2:21

Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa.

1 Kɔrint 10:13

Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛnitin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap traŋa ɛn i go sho una wetin fɔ du mek una nɔ go du di bad tin we una bin want fɔ du.

Sɛkɛn Lɛta To Timoti 3:12

Pipul go fɛt ɔl dɛn wan we gɛt wanwɔd wit Jizɔs Krays, we want fɔ liv dɛn layf lɛkɛ aw Gɔd want dɛn fɔ liv am.

Lɛta Fɔ Ɛfisɔs 6:16

Pantap ɔl dɛn tin ya, una shild na fɔ biliv pan di Masta. Dis shild ya go mek dɛn ɔt aro we Setan de shut, nɔ du una natin.

Pita In Fɔs Lɛta 3:14

Bɔt if una gɛt fɔ sɔfa sɛf bikɔs una de du wetin rayt, una gɛt blɛsin! Una nɔ fɔ fred wetin pɔsin de du ɛn una nɔ fɔ wɔri fɔ natin.

Di Ibru Pipul Dɛn 11:33

Na we dɛn bin biliv Gɔd mek dɛn bin fɛt wit sɔm ɔda kɔntri dɛn, ɛn dɛn bin ebul win di wa. Dɛn du dɛn tin we rayt na Gɔd in yay, so Gɔd gi dɛn wetin i bin dɔn prɔmis fɔ gi dɛn. Fɔseka di biliv we dɛn biliv Gɔd, i sɛt di layɔn dɛn mɔt mek dɛn nɔ it dɛn;

Fɔs Lɛta To Timoti 6:12

Fɛt fɔ di biliv we yu biliv pan Krays we gud, ɛn ol di layf we go de sote go we yu gɛt wit Gɔd, gud; na Gɔd kɔl yu fɔ gi yu da layf de ɛn na bɔt dat yu dɔn tɔk plen wan bifo plɛnti pipul.

Fɔs Lɛta Fɔ Tɛsalonayka 3:3

so dat una nɔn nɔ go tap fɔ biliv Krays pan ɔl we pipul de mek una sɔfa fɔseka dat. Unasɛf no se na Gɔd gri fɔ mek dɛn pipul ya mek wi sɔfa.

Lɛta Fɔ Ɛfisɔs 4:27

Una nɔ gi Setan da chans de.

Rɛvɛleshɔn 6:11

Dɛn gi dɛn ɔl wan wan lɔŋ wayt klos fɔ wɛr; dɛn bin tɛl dɛn fɔ wet lili bit mɔ bikɔs dɛn nɔmba nɔ bin fulɔp yet, i bin lɛf dɛn brɔda we bin stil de wok fɔ Gɔd na wɔl ɛn we di pipul dɛn na wɔl bin gɛt fɔ kil lɛkɛ aw dɛn bin kil dɛnsɛf.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Pita In Fɔs Lɛta 1:6

Dis fɔ mek una gladi pan ɔl we ɔl kayn waala de mek una sɔfa naw; bɔt i nɔ go te igen we una go sɔfa.

Lɛta Fɔ Kɔlɔse 2:5

Pan ɔl we a nɔ de wit una mi at de wit una. A gladi fɔ si se una ɔl gɛt wan at pan di biliv we una biliv pan Krays ɛn una mekɔp traŋa wan se nɔbɔdi nɔ go ebul mek una tap fɔ biliv pan am.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Lyuk 22:32

Bɔt a dɔn pre fɔ yu Saymɔn mek yu nɔ tap fɔ biliv mi. Wɛn yu dɔn biliv mi traŋa wan, tray mek yu brɔda dɛnsɛf biliv mi traŋa wan.”

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Sɛkɛn Lɛta To Timoti 4:7

Di rɔn we a bin de rɔn fɔ mi Masta dɔn dɔn, a dɔn rich di say we fɔ tap, a nɔ lɛf fɔ biliv pan Gɔd, a nɔ lɛf fɔ lan pipul dɛn tin we wi biliv bɔt Gɔd.

Di Ibru Pipul Dɛn 12:8

If Gɔd nɔ de pɔnish una fɔ di bad we una de du lɛkɛ aw i de pɔnish ɔl in pikin dɛn, dat min se una nɔto in tru pikin dɛn, una na pikin dɛn we dɛn bɔn na trit.