Pita In Fɔs Lɛta 5:8 - Krio Fɔs Oli Baybul

⁸ Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Pita In Fɔs Lɛta 5:8 Referans Kwoze

Lɛta Fɔ Ɛfisɔs 6:11

Una fɔ wɛr di klos we Gɔd gi una fɔ tek fɛt so dat wɛn Setan pul in kɔni fɔ fɛt una, i nɔ go ebul una.

Jems 4:7

So, una fɔ put unasɛf ɔnda Gɔd. Una tinap fɔ fɛt Setan, i go rɔnawe go lɛf una.

Job 2:2

PAPA GƆD aks Setan usay i kɔmɔt. I tɛl PAPA GƆD se in bin jɛs de waka ɔp ɛn dɔŋ de paspas na wɔl.

Lɛta Fɔ Ɛfisɔs 4:27

Una nɔ gi Setan da chans de.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Lyuk 22:31

“Saymɔn, Saymɔn, Setan dɔn gɛt pamishɔn fɔ fana una ɔl lɛkɛ rɛs.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Rɛvɛleshɔn 12:12

So mek gladi de na ɛvin, mek ɔl dɛn wan we lib de gladi! Bɔt bad bad tin dɔn fɔdɔm pan di grɔn ɛn di wata bikɔs di Dɛbul dɔn kam dɔŋ to una ɛn i vɛks bad bikɔs i no se na smɔl tɛm nɔmɔ lɛf fɔ am.”

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Matyu 13:39

Ɛn di pɔsin we nɔ lɛk di man we gɛt di fam, ɛn we plant di gras na Setan. Di tɛm we dɛn kɔt di plant dɛn na di tɛm we di wɔl go dɔn, ɛn di wokman dɛn we de kɔt di plant dɛn na di enjɛl dɛn.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Matyu 24:42

“Na dat mek una fɔ waydawek, bikɔs una nɔ no di de we una Masta go kam.

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Zɛkaraya 3:1

Dɛn i si Jɔshwa we na di bigman fɔ dɛn man we de mek sakrifays fɔ pipul sin tinap bifo di enjɛl, dɔn Setan in tinap nia am fɔ le in kɔmplen.

Taytɔs 1:8

I fɔ gud to trenja, ɛn i fɔ lɛk wetin gud. In ed fɔ stɛdi, i fɔ de waka tret, i fɔ de du dɛn tin we go mek Gɔd satisfay, ɛn i fɔ ebul kɔntrol insɛf mek i nɔ du ɛnitin we bad.

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

Emɔs 3:8

Wɛn layɔn ala, udat nɔ go fred? We PAPA GƆD, we na GƆD, dɔn tɔk, us prɔfɛt go lɔk in mɔt?

Taytɔs 2:6

Semwe so, yu fɔ wɔn di yɔŋ man dɛn fɔ de kɔntrol dɛnsɛf.

Taytɔs 2:2

Tɛl di bigman dɛn se dɛn fɔ soba, dɛn fɔ gɛt sɛns, ɛn dɛn fɔ de kɔntrol dɛnsɛf; dɛn fɔ ol Gɔd traŋa wan, dɛn fɔ lɛk fɔ du gud ɛn dɛn fɔ ebul bia wɛn dɛn de sɔfa.

Ozie 11:10

I se in pipul go fala am we in PAPA GƆD go biev lɛk layɔn. I go mek big nɔys, dɔn in pikin dɛn go trimbul kɔmɔt na di wɛst go mit am;

Ayzaya 50:8

Di wan we go fri mi, de nia. Udat go chalenj mi? Lɛ wi tinap fes wisɛf. Udat na mi ɛnimi? Lɛ i kam mit mi.

Prɔvabs 20:2

Wɛn kiŋ dɔn vɛks bad bad wan, i tan lɛkɛ we wayl animal de rej, udat go ambɔgin am go lɔs in layf.

Di Sam Dɛm 104:21

Di layɔn pikin sɛf de luk wetin PAPA GƆD de gi am fɔ it.

Fɔs Lɛta To Timoti 2:15

Bɔt uman go sev wɛn i de bɔn pikin, if i biliv Krays, if i lɛk pipul, if i de fɔ Gɔd ɛn if i de kɔntrol insɛf pan ɔltin.

Rɛvɛleshɔn 20:2

I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.

Taytɔs 2:4

so dat di yɔŋ uman dɛn go no se dɛn fɔ lɛk dɛn man ɛn dɛn pikin,

Fɔs Lɛta To Timoti 3:11

Dɛn wɛf sɛf fɔ siriɔs, dɛn nɔ fɔ de koŋosa; dɛn fɔ soba, dɛn fɔ ebul kɔntrol dɛnsɛf, ɛn dɛn fɔ de waka tret ɔltɛm.

Joɛl 3:16

PAPA GƆD mek nɔys lɛkɛ layɔn na Mawnt Zayɔn. In vɔys lɛk tɛnda na Jerusɛlɛm; ɛn ɛvin ɛn ath go trimbul. Bɔt PAPA GƆD go bi di sikyɔriti fɔ in pipul, di kɔtintri fɔ di Izrɛlayt dɛn.

Fɔs Lɛta To Timoti 2:9

A nɔ want mek di uman dɛn de kɔl atɛnshɔn bay di we we dɛn drɛs, dɛn fɔ tek tɛm pik di klos we dɛn de wɛr, ɛn dɛn fɔ drɛs gud, dɛn nɔ fɔ de wɛr dɛn dia klos; dɛn nɔ fɔ de plant dɛn ia fayn tumɔs; dɛn nɔ fɔ wɛr gold ɔ pal.

Matyu 4:1

Afta dat, Gɔd in Spirit lid Jizɔs go na di dɛzat we Setan tray Jizɔs fɔ mek i du bad.

Ozie 13:8

I se in go biev to dɛn lɛk aw bia we dɛn tif in pikin dɛn kin biev, i go jomp pan dɛn ɛn nyamanyama dɛn lɛk aw layɔn ɔ ɔda wayl animal go nyamanyama bif we i kech.

Fɔs Lɛta To Timoti 3:2

Ovasia nɔ fɔ gɛt bɔt nain layf; na wan wɛf nɔmɔ i fɔ gɛt, i fɔ bi siriɔs pɔsin, i fɔ ebul kɔntrol insɛf, i fɔ de biev lɛkɛ pɔsin wit sɛns; i fɔ opin in os to trenja; i fɔ ebul tich pipul;

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Matyu 4:11

Dɛn Setan lɛf Jizɔs, ɛn enjɛl dɛn kam ɛp Jizɔs.

Emɔs 3:4

Layɔn go de ala na bush we i nɔ kech nɔn bif? Bebi layɔn de kray insay in ol we i nɔ gɛt natin fɔ it?

Daniɛl 6:24

Nain di kiŋ gi ɔda, ɛn dɛn briŋ ɔl dɛn man dɛn we bin go tɛl di kiŋ bɔt Daniɛl, dɛn pikin ɛn dɛn wɛf dɛn, ɛn trowe dɛn ɔl insay di say we dɛn layɔn dɛn de; bifo dɛn de fɔdɔm go dɔŋ so, di layɔn dɛn dɔn jomp, gɛda dɛn ɛn brok brok ɔl dɛn bon dɛn smɔl smɔl wan.

Izikɛl 22:25

Di bigman na di kɔntri, tan lɛk we layɔn de ala we i de chɛr chɛr wetin i kech fɔ it; dɛn pwɛl mɔtalman dɛn layf; dɛn dɔn tek dɛn jɛntri ɛn dia dia tin dɛm; dɛn dɔn mek bɔku uman tɔn, dɛn we dɛn man dɛn dɔn day, insay de.

Prɔvabs 19:12

Wɛn kiŋ vɛks, i tan lɛkɛ we wayl animal de rej, bɔt wɛn i lɛk yu, i tan lɛkɛ we ali mɔnin dyu de fɔdɔm.

Ɛsta 7:6

Nain Ɛsta se, “Di pɔsin na ɛnimi! Na dis bad Eman!” Dɛn Eman in at pwɛl as i sidɔm wit fred frɔnt di kiŋ ɛn kwin.

Di Jɔj Dɛm 14:5

Wande, Samsin ɛn in mama ɛn papa go Timna. Samsin go usay dɛn de plant greps na Timna, usay wan yɔŋ layɔn go ala pan am.

Zɛkaraya 11:3

Lisin we dɛn kiŋ ɛn lida dɛn de kray, dɛn boŋo dɔn fɔdɔm! Lisin aw dɛn layɔn de grɔmbul di bush we dɛn tap na Jɔdan, ɔl dɔn pwɛl.

Izikɛl 19:7

I pwɛl pwɛl dɛn ples dɛn we dɛn bin protɛkt, ɛn wutu wutu dɛn siti dɛn; ɛn di land, ɛn ɔl ow tap de bin de fred bad bad wan we di layɔn bin de ala.

Jɛrimaya 51:38

“Dɛn go ala togɛda lɛkɛ layɔn; dɛn go grɔmbul lɛkɛ layɔn pikin.

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Di Sam Dɛm 109:6

Fɛn udat go du di sem tin to am we i du to mi; lɛ in yon yon pɔsin pwɛl in nem.

Emɔs 1:2

Emɔs tɔk se: “Di wantɛm ala we PAPA GƆD ala na Mawnt Zayɔn; wit in vɔys na Jerusɛlɛm we tan lɛkɛ tinada, ɔl dɛn grin plant wida, dɛn lif na Mawnt Kamɛl rɔtin.”

Prɔvabs 28:15

Lɛkɛ aw layɔn ɛn bush kaw kin de siz advantej pan dɛn ɔda animal, na so bad rula tan to dɛn po wan we i de rul.

Mak 4:15

Di sid dɛn we fɔdɔm na di rod na pipul we yɛri di Gud Nyuz; as dɛn yɛri am so, Setan kam pul am kɔmɔt na dɛn at.

2 Kɔrint 2:11

so dat Setan nɔ go ebul una; bikɔs wi no wetin i dɔn mekɔp fɔ du.

Rɛvɛleshɔn 12:10

Dɛn a yɛri lawd vɔys de tɔk na ɛvin se, “Di tɛm we Gɔd go sev in pipul dɛn, dɔn kam! Gɔd dɔn sho in pawa naw lɛkɛ kiŋ! Krays we i sɛn kam na wɔl dɔn sho in pawa! Di wan we bin tinap bifo Gɔd de tɔk de ɛn nɛt se wi kɔmpin Kristiɛn dɛn du bad, dɔn kɔmɔt na ɛvin, dɛn dɔn ib am na do.