Pita In Fɔs Lɛta 5:6 - Krio Fɔs Oli Baybul

⁶ Una nɔ fɔ prawd, una fɔ mek Gɔd we gɛt pawa kɔntrol una ɛn i go mek pipul rɛspɛkt una wɛn di tɛm we i dɔn mak, rich.

Pita In Fɔs Lɛta 5:6 Referans Kwoze

Jems 4:10

Una put unasɛf ɔnda Gɔd, una nɔ mek prawd, Gɔd go lif una ɔp.

Lyuk 14:11

Da pɔsin we put insɛf ɔp, Gɔd go put am dɔŋ; ɛn da pɔsin we put insɛf dɔŋ, Gɔd go es am ɔp.”

Prɔvabs 29:23

Pɔsin we de kak, dɛn go brok in fɛda dɔŋ; bɔt udat put insɛf dɔŋ, dɛn go gi am rɛspɛkt.

Matyu 23:12

Ɛnibɔdi we put insɛf ɔp, Gɔd go put am dɔŋ, bɔt ɛnibɔdi we put insɛf dɔŋ, Gɔd go es am ɔp.

Lyuk 18:14

A de tɛl una se, bifo dis man we de gɛda taks go bak nain os, Gɔd padin am; bɔt Gɔd nɔ padin di Faresi. Ɛnibɔdi we put insɛf ɔp, Gɔd go put am dɔŋ, bɔt pɔsin we put insɛf dɔŋ, Gɔd go es am ɔp.”

Lyuk 1:52

I pul dɛn wan we gɛt pawa kɔmɔt na di ples we dɛn de rul ɛn mek dɛn po pipul rul na dɛn ples.

2 Kronikuls 32:26

Bɔt Ɛzikaya ɔmbul insɛf fɔ di prawd we i prawd in ɛn di pipul dɛm we tap na Jerusɛlɛm dat mek PAPA GƆD in wamat nɔ lus pan dɛm Ɛzikaya in tɛm.

2 Kronikuls 12:12

We Kiŋ Rɛoboam put insɛf dɔŋ, PAPA GƆD lɛf fɔ vɛks pan am so dat in nɔ go nyakanyaka am kpatakpata, pantap tin bin fayn na Juda.

2 Kronikuls 33:12

Ɛn wɛn I de insay trɔbul i beg PAPA GƆD fɔ fevɔ ɛn ɔmbul insɛf Siriɔs wan bifo in papa dɛn Gɔd.

Ayzaya 40:4

Ɔl dɛn vali go fulɔp; ɛn ɔl dɛn mawnten ɛn dɛn il dɛn go flat; di grɔn we nɔ lɛbul, go lɛbul, ɛn di rɔf ples dɛm go mek fayn.

Jɛrimaya 44:10

Dɛn nɔ put dɛnsɛf dɔŋ te tide, ɛn dɛn nɔ rɛspɛkt mi, ɛn nɔ du wetin mi lɔ we a gi una ɛn una fɔstɛmpapa dɛn, se.

Di Sam Dɛm 75:10

PAPA GƆD se, i go brok ɔl dɛn wan we de kak dɛn fɛda dɔŋ bɔt i go gi udat de waka tret wit am mɔ pawa.

Ayzaya 2:11

Di kak we mɔtalman de kak, go brok kan dɔŋ, ɛn prawd pɔsin in fɛda go brok kan dɔŋ; ɛn da de de, na PAPA GƆD wangren dɛn go es ɔp.

2 Kiŋ 22:19

bikɔs i put insɛf dɔŋ ɛn fil sɔri fɔ wetin bi we i yɛri ɔl wetin in di PAPA GƆD dɔn tɔk bɔt di kɔntri ɛn di pipul dɛn, we i se i dɔn swɛ dɛn ɛn dɛn nɔ go bɛtɛ, ɛn fɔ we in di kiŋ chɛr chɛr in klos ɛn kray bifo am, in dɔn yɛri in prea.

1 Kiŋ 21:29

“Yu nɔ si aw Eab dɔn ɔmbul insɛf to mi? Wɛl, bikɔs i dɔn ɔmbul insɛf so, ɔl wetin a dɔn tɔk se a go du, a nɔ go du am we i de alayv; nain pikin dɛn naw a go mek sɔfa ɛn na wɛn in bɔypikin de rul a go du dat.”

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Lɛta Fɔ Rom 5:6

Di tɛm we sin bin plɛnti na wi layf, wi nɔ bin ebul ɛp wisɛf; Krays day fɔ wi we nɔ bin de du wetin Gɔd want, di rayt tɛm we Gɔd pik.

Daniɛl 5:22

Ɛn yu in bɔypikin, Bɛlshaza, yu nɔ bin ɔmbul yusɛf, ɔlwe yu bin no bɔt ɔl dɛn tin dɛn de.

Jɛrimaya 13:18

Tɛl di kiŋ ɛn di kwin mami se; “Una de wit di ɔdinari pipul dɛm, bikɔs una fayn fayn krawn dɔn kɔmɔt na una ed.”

Di Sam Dɛm 89:13

Yu gɛt pawa; yu riali pawaful.

2 Kronikuls 30:11

Na tu, tri man dɛm na Asha, Manasɛ ɛn zɛbyulɔn nɔmɔ ɔmbul dɛnsɛf ɛn kam Jerusɛlɛm.

2 Kronikuls 33:23

Ɛn i nɔ ɔmbul insɛf bifo PAPA GƆD lɛk aw Manasɛ in dadi bin ɔmbul insɛf, bɔt dis Amɔn bin jɔs de pak mɔ ɛn mɔ tin dɛn pan insɛf we mek am gilti.

2 Kronikuls 36:12

I du wetin bad na PAPA GƆD in Gɔd in yay. I nɔ ɔmbul insɛf bifo Jɛrimaya di prɔfɛt, we tɔk wetin de kɔmɔt na PAPA GƆD in mɔt.

1 Kɔrint 10:22

Una want mek Gɔd vɛks pan una? Una tink se una traŋa pas am?

Izikɛl 21:6

So, mɔtalman; pini wit brokat, ɛn bad bad pwɛlat bifo dɛn.

Job 36:22

PAPA GƆD gɛt pawa ɛn nɔbɔdi nɔ de we sabi tich pɔsin lɛsin lɛk am.

2 Kronikuls 33:19

Ɛn in prea ɛn aw PAPA GƆD tek in bey ɛn ɔl in sin ɛn in ɔnfetful we in ɔnfetful to Gɔd, di say dɛm we i bil ay ples ɛn fiks Asherim tik dɛm ɛn di lay lay gɔd dɛm bifo i ɔmbul insɛf luk am dɛn de na di prɔfɛt dɛn rɛkɔd.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Lɛvitikɔs 26:41

we bin mek PAPA GƆD insɛf mek traŋayes ɛn nɔ lisin to dɛn bifo dat i mek dɛn go ɛgzayl na dɛn ɛnimi dɛn land; if dɛn we lɛf nɔ mek traŋayes bɔt lisin to PAPA GƆD ɛn aksɛpt di pɔnishmɛnt fɔ dɛn sin;

Ɛksodɔs 32:11

Bɔt Mozis beg PAPA GƆD se lɛ i kol in at, lɛ i nɔ vɛks, bikɔs nain dɔn yuz in traŋa an fɔ sev dɛn ɛn pul dɛn kɔmɔt na Ijipt.

Ɛksodɔs 3:19

A no se di kiŋ na Ijipt nɔ go gri fɔ mek una go pas a fos am.

Jems 5:10

Mi kɔmpin Kristiɛn dɛn, una mɛmba dɛn prɔfɛt we bin de tɔk Gɔd in mɛsej, dɛn bin sɔfa plɛnti, bɔt dɛn bia; na so unasɛf fɔ bia.

Taytɔs 1:3

ɛn i mek pipul no bɔt di prɔmis wɛn di rayt tɛm rich bay di mɛsej we i sɛn. Na mi Gɔd fil se go du wetin i want so i gi mi di mɛsej fɔ tɛl pipul; ɛn bikɔs in we de sev wi tɛl mi fɔ tɛl pipul di mɛsej, na dat mek a de tɛl dɛn.

Izikɛl 17:21

Ɛn ɔl in spɛshal ami man dɛn go day; ɛn di wan dɛn we nɔ day go skata ɔlsay na wɔl; ɛn una go no se na mi PAPA GƆD dɔn tɔk.

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Jems 4:7

So, una fɔ put unasɛf ɔnda Gɔd. Una tinap fɔ fɛt Setan, i go rɔnawe go lɛf una.