Pita In Fɔs Lɛta 5:5 - Krio Fɔs Oli Baybul

⁵ Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Pita In Fɔs Lɛta 5:5 Referans Kwoze

Jems 4:6

Bɔt di blɛsin we Gɔd gi wi pas di bad we de na wi at. Dɛn rayt na Gɔd in Buk se, “Gɔd nɔ de gri mek dɛn prawd pipul gɛt dɛn yon we, bɔt i de blɛs dɛn wan we nɔ prawd.”

Prɔvabs 3:34

As fɔ dɛn wan we de laf dɛn kɔmpin, i de laf dɛn bak; bɔt i de sho fevɔ to dɛn wan we put dɛnsɛf dɔŋ.

Lɛta Fɔ Ɛfisɔs 5:21

Una fɔ put unasɛf ɔnda una kɔmpin bikɔs una rɛspɛkt Krays.

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Lɛta Fɔ Rom 13:14

Mek Masta Jizɔs Krays bi lɛkɛ di klos we wi de wɛr, mek i rul ɔl wi layf, ɛn mek wi lɛf fɔ du dɛn bad tin we wi at gi wi fɔ du.

Pita In Fɔs Lɛta 4:5

Bɔt dɛn go gɛt fɔ ansa to Gɔd, we go jɔj dɛn wan we nɔ day yet ɛn dɛn wan we dɔn day, i nɔ go te igen.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Lɛvitikɔs 19:32

I se fɔ sho se pɔsin de rɛspɛkt old pipul ɛn fred PAPA GƆD so fɔ du wetin i se: nain na PAPA GƆD.

Pita In Fɔs Lɛta 4:1

So, bikɔs Krays sɔfa wɛn i day na di krɔs, unasɛf fɔ rɛdi wɛn una de sɔfa, fɔ tink lɛkɛ aw Krays bin de tink ɛnitɛm we i de sɔfa, bikɔs pɔsin we de sɔfa dɔn dɔn wit sin.

Di Sam Dɛm 132:9

Lɛ yu man dɛn we de mek sakrifays fɔ di pipul sin, de du wetin rayt; ɛn lɛ di pipul de du wetin yu want ɛn ala wit gladi.

Job 29:14

Fɔ trit pipul dɛn di rayt we tan lɛk klos to mi; mi tret waka na lɛk we pɔsin wɛr gawn ɛn at.

Job 22:29

PAPA GƆD kin put prawd pɔsin dɔŋ, bɔt i kin sev di wan dɛn we nɔ prawd.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

2 Kronikuls 6:41

“So duya, Papa Gɔd we na Gɔd, tinap ɛn go na yu rɛstin ples, yu ɛn di Ak ɔf di Kɔvinant we na yu pawa de de. Duya PAPA GƆD mek di man dɛn we de mek sakrifays fɔ pipul sin drɛs wit salveshɔn, ɛn lɛ yu oli pipul dɛn gladi insay di gud we yu gud.

Di Sam Dɛm 132:16

Dɛn man dɛn we de mek sakrifays fɔ pipul sin go bi sef ɛn dɛn pipul we de du wetin PAPA GƆD se, go de ala ɔltɛm wit gladi.

Di Sam Dɛm 138:6

Pan ɔl we PAPA GƆD big so ɛn i sidɔm ɔp na ɛvin, i bisin bɔt pɔsin we nɔ de kak ɛn udat de kak nɔ ebul ayd pan am.

Izikɛl 26:16

Da tɛn de, ɔl di si in kiŋ dɛm, go kɔmɔt kam dɔŋ frɔm dɛn tron dɛm, ɛn pul dɛn kiŋ klos dɛm, ɛn pul wan bay wan, dɛn klos dɛn we fayn fayn dizayn bin dɔn wok pan; na da tɛm de dɛn go kɔba dɛnsɛf wit trimbul fɔ klos; dɛn go sidɔm na grɔn ɛn jis de trimbul, trimbul ebri minit ɛn ful wit fred fɔ yu.

Lyuk 22:26

Bɔt nɔto so i fɔ bi wit una, di pɔsin we sinyɔ pas ɔl fɔ bi lɛkɛ di pɔsin we juniɔ pas ɔl ɛn una masta fɔ bi lɛkɛ una savant.

Fɔs Lɛta To Timoti 5:1

Yu nɔ fɔ ala pan man we big pas yu, yu fɔ tɔk to am lɛkɛ se na yu papa. Yu fɔ tek dɛn yɔŋman lɛkɛ yu brɔda dɛn;

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Prɔvabs 25:7

i bɛtɛ lɛ dɛn invayt yu fɔ go bifo pas fɔ pul yu frɔnt go biɛn usay bigman dɛn de.

Daniɛl 11:12

Ɛn wɛn i go dɔn kapɔch bɔku bɔku sojaman dɛn, i go fil prawd ɛn kil tawzin tawzin, bɔt stil, i nɔ go win.