Pita In Fɔs Lɛta 5:4 - Krio Fɔs Oli Baybul

⁴ If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Pita In Fɔs Lɛta 5:4 Referans Kwoze

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

1 Kɔrint 9:25

Ɛnibɔdi we want tek pat pan rɔnres, na pɔsin we nɔ go du ɛnitin we nɔ go mek in bɔdi fit, ɛn i go de du ɔl dɛn tin we go mek i ebul rɔn. Ɔl dɛn tin ya we i de du na fɔ mek i gɛt krawn di de we i go win, bɔt da krawn de na krawn we nɔ go las; bɔt ɔl wetin wi de du, na fɔ mek wi gɛt di krawn we Gɔd go gi wi, we go las sote go.

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Pita In Fɔs Lɛta 1:4

ɛn so, wi abop fɔ gɛt di wɔndaful blɛsin dɛn we Gɔd bin dɔn prɔmis in pipul dɛn ɛn we i kip na ɛvin fɔ una. Dɛn blɛsin ya nɔ de pwɛl, dɛn nɔ de chenj ɛn dɛn go de sote go.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Pita In Fɔs Lɛta 2:25

Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn briŋ una kam bak to di pɔsin we de mɛn una ɛn we de gyad una mek natin bad nɔ mit una.

Daniɛl 12:3

Ɛn di wan dɛn we gɛt sɛns, go shayn lɛk aw di skay kin shayn brayt wan, Di wan dɛn we sho bɔku pipul aw fɔ waka di rayt we, go shayn lɛk di sta dɛn, sote go.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Pita In Fɔs Lɛta 5:2

Una fɔ kia fɔ dɛn pipul we Gɔd lɛf na una an lɛkɛ shɛpad we de mɛn ship. Una nɔ fɔ du lɛkɛ se na fos dɛn de fos una, una fɔ kia fɔ dɛn wit opin at; ɛn una nɔ fɔ wok fɔ mɔni nɔmɔ, bɔt bikɔs una gladi fɔ wok.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Izikɛl 37:24

“Mi savant Devid go bi kiŋ oba dɛm; ɛn dɛn ɔl go gɛt wangren shɛpad. Dɛn go fala mi ɔda dɛn ɛn kiaful fɔ du mi lɔ dɛm.

Di Sam Dɛm 23:1

Mi PAPA GƆD na lɛkɛ man we de mɛn ship natin nɔ de we a nid, we a nɔ go gɛt.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Jɔn 10:11

“Mi na di gud shɛpad, a gri fɔ day fɔ mi ship dɛn.

Izikɛl 34:23

Ɛn a go put wan shɛpad, mi savant Devid, oba dɛm: ɛn i go fid dɛm; i go fid dɛm ɛn bi dɛn shɛpad.