Pita In Fɔs Lɛta 5:3 - Krio Fɔs Oli Baybul

³ Una nɔ fɔ de trit dɛn pipul ya we Gɔd gi una fɔ kia fɔ, lɛkɛ slev, bɔt una fɔ de du gud we go mek di pipul dɛnsɛf want fɔ tan lɛkɛ una.

Pita In Fɔs Lɛta 5:3 Referans Kwoze

Sɛkɛn Lɛta Fɔ Tɛsalonayka 3:9

Wetin mek wi bin de du ɔl da wok de, nɔto bikɔs wi nɔ gɛt rayt fɔ tɛl una fɔ gi wi it ɛn ples fɔ slip, bɔt na bikɔs wi bin want sho una patan fɔ fala.

Lɛta Fɔ Filipay 3:17

Mi Kristiɛn brɔda dɛn, una fɔ de du ɔl wetin una si a de du. Una fɔ de luk dɛn wan we de du wetin wi dɔn sho una se gud fɔ du.

Izikɛl 34:4

Una nɔ mek di wik wan dɛn gɛt trɛnk; una nɔ mɛn di wan dɛn we sik; una nɔ bandej di wan dɛn we kripul; di wan dɛn we bin stre una nɔ briŋ dɛn bak; di wan dɛn we lɔs una nɔ fɛn dɛm, ɛn una bin rul di ship dɛm rɔf wan ɛn bay fos.

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Fɔs Lɛta To Timoti 4:12

Nɔ mek nɔbɔdi se bikɔs yu smɔl yu nɔ go ebul du dis wok. Na yu fɔ sho dɛn pipul we biliv Gɔd aw dɛn fɔ de du bay aw yu de tɔk, aw yu de du, aw yu lɛk pipul, aw yu biliv Gɔd, ɛn di kayn layf we yu liv.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Lɛta Fɔ Filipay 4:9

Una fɔ de du dɛn tin we a dɔn lan una. Una fɔ de du dɛn tin we a bin de tɔk se fɔ du ɛn dɛn tin we a bin de du. Ɛn Gɔd we de gi kol at go de wit una.

2 Kɔrint 4:5

Nɔto wisɛf wi de tɛl una bɔt; wi de tɛl una se Jizɔs Krays na wi Masta ɛn wi na una savant fɔseka am.

1 Kɔrint 11:11

Bɔt wɛn wi de wok fɔ di Masta, man fɔ gɛt uman fɔ ɛp am, uman fɔ gɛt man fɔ ɛp am.

Mayka 7:14

Mayka beg PAPA GƆD fɔ lɛ i trit dɛn lɛk aw man we de mɛn ship kin trit di ship we i de mɛn. I se lɛ i tek dɛn go na Beshan ɛn Giliad we gɛt frɛsh gras we dɛn go it lɛk aw i bin de du fɔstɛm.

Di Sam Dɛm 74:2

Nɔ fɔgɛt se, wi na yu pipul we yu bin dɔn pik trade di pipul we yu sev fɔ bi yu yon, na Mawnt Zayɔn, usay yu bin de.

Di Sam Dɛm 33:12

Dɛn pipul we PAPA GƆD dɔn pik fɔ bi in yon gɛt in blɛsin; nain na di PAPA GƆD we dɛn fɔ wɔship.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Ditarɔnɔmi 32:9

Na PAPA GƆD insɛf na Izrɛl dɛn Gɔd.

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.

1 Kɔrint 3:5

Afta ɔl, udat na Apɔlɔs? Udat na Pɔl? Wi na Gɔd in savant dɛn we de tɔk bɔt Gɔd to una mek una biliv pan Jizɔs, na di wok we Gɔd gi Apɔlɔs, ɛn na di wok we Gɔd gi misɛf fɔ du, nain wi de du.

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.

Jɔn 13:15

A du dat fɔ sho una wetin una fɔ du, so dat unasɛf go du di sem tin.

Fɔs Lɛta Fɔ Tɛsalonayka 1:7

So ɔl wetin una du ɛn aw una bin liv, de fɔ mek ɔl di Kristiɛn dɛn na Masidonia ɛn Gris si ɛn fala.