Pita In Fɔs Lɛta 5:14 - Krio Fɔs Oli Baybul

¹⁴ Una tɛl una kɔmpin dɛn adu wit ɔl una at, dat go sho se una lɛk unasɛf lɛkɛ aw Kristiɛn dɛn fɔ lɛk dɛnsɛf. Mek una ɔl we na Krays yon pipul gɛt kol at.

Pita In Fɔs Lɛta 5:14 Referans Kwoze

Lɛta Fɔ Rom 16:16

Una fɔ de tɛl una kɔmpin adu lɛkɛ aw brɔda kin tɛl in brɔda adu. Ɔl dɛn Kristiɛn na dɛn ɔda chɔch de tɛl una adu.

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

1 Kɔrint 16:20

Ɔl dɛn Kristiɛn brɔda dɛn sɛn adu fɔ una. Una fɔ sho se una lɛk una kɔmpin bay di we we una de tɛl dɛn adu.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Jɔn 20:26

Afta wan wik dɔn pas, di lanin bɔy dɛn bin gɛda bak na wan ples, ɛn lɔk ɔl di do dɛn. Tɔmɔs insɛf bin de wit dɛn. Pan ɔl we di do bin lɔk, Jizɔs jɛs kam midul dɛn bak ɛn se, “Mek Gɔd gi una kol at.”

Jɔn 20:19

Na bin Sɔnde ivin, di lanin bɔy dɛn bin gɛda wan ples ɛn lɔk ɔl di do dɛn, bikɔs dɛn bin de fred di Ju bigman dɛn. Aw dɛn lib de, na de Jizɔs jɛs bɔs pan dɛn ɛn se, “Mek Gɔd gi una kol at.”

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Fɔs Lɛta Fɔ Tɛsalonayka 5:26

Una tɛl ɔl di Kristiɛn dɛn adu we go sho se una lɛk dɛn bad.

2 Kɔrint 13:12

We una de tɛl una kɔmpin adu, una fɔ sho se una lɛk dɛn. Ɔl Gɔd in pipul dɛn na ya de tɛl una adu.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Matyu 5:47

Wetin una de du we pas wetin ɔda pipul dɛn de du, if na una padi dɛn nɔmɔ una de tɔk to? Dɛn pipul we nɔ biliv pan Gɔd sɛf de du di sem tin.

Jɔn In Tɔd Lɛta 1:14

I nɔ go te igen a go kam to yu ɛn wi go tɔk fes to fes.