Pita In Fɔs Lɛta 5:13 - Krio Fɔs Oli Baybul

¹³ Di chɔch pipul dɛn we de na Babilɔn, we tan lɛkɛ una chɔch lili bit, we Gɔd dɔn pik lɛkɛ aw i pik unasɛf, wit Mak, da yɔŋ man we de ɛp mi, de tɛl una adu.

Pita In Fɔs Lɛta 5:13 Referans Kwoze

Apɔsul Dɛn Wok 12:12

Wɛn Pita no wetin bi, i go na Meri in os. Dis Meri ya na bin Jɔn Mak in mama. Pita mit plɛnti pipul de pre na di os.

Apɔsul Dɛn Wok 12:25

Banabas ɛn Sɔl kɛr di kɔpɔ go gi di chɔch bigman dɛn na Jerusɛlɛm. Wɛn dɛn de tɔn bak, dɛn kɛr Jɔn Mak go Antiɔk.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Jɔn In Sɛkɛn Lɛta 1:13

Yu sista, we Gɔd dɔn pik, in pikin dɛn de tɛl yu adu.

Di Sam Dɛm 87:4

I se we i de tɔk bɔt udat dɛn de du wetin i want, i mɔs mɛnshɔn Ijipt ɛn Babilɔn dɛn nem. I go tɔk bak bɔt Filistia, Taya ɛn Ithiopia. A go se na Zayɔn dɛn bɔn dɛn ɔl.

Apɔsul Dɛn Wok 15:37

Banabas bin want mek dɛn kɛr Jɔn Mak go,

Apɔsul Dɛn Wok 15:39

Pɔl ɛn Banabas bin gɛt cham-mɔt so ɔlman go in yon we. Banabas go wit Jɔn Mak, dɛn tek big bot go Sayprɔs.

Lɛta Fɔ Kɔlɔse 4:10

Aristakɔs, we de na jel wit mi, ɛn Mak, we na Banabas in kɔzin tɛl una adu. (A bin dɔn sɛn tɛl una se, wɛn Mak go to una, una fɔ mek i tap to una).

Faylimɔn 1:24

Mak, Aristakɔs, Dimas ɛn Lukas we wi ɔl de wok togɛda dɛnsɛf tɛl una adu.

Jɔn In Sɛkɛn Lɛta 1:1

Mi, Jɔn we na una bigman na di chɔch, de rayt to di uman we Gɔd dɔn pik ɛn in pikin dɛn we a lɛk fɔ tru. Nɔto mi wangren, bɔt ɔlman we no wetin tru, lɛk una,