Pita In Fɔs Lɛta 5:12 - Krio Fɔs Oli Baybul

¹² Na Saylas, we a luk se na Kristiɛn brɔda we a kin trɔs, ɛp mi fɔ rayt dis shɔt lɛta to una. A want kɔrej una ɛn a want tɛl una se ɔl wetin Gɔd dɔn du fɔ una sho se i lɛk una, fɔ tru; una nɔ fɔ mek ɛnitin mek una dawt dat.

Pita In Fɔs Lɛta 5:12 Referans Kwoze

Di Ibru Pipul Dɛn 13:22

Mi brɔda dɛn, a de beg una, mek una put una at dɔŋ fɔ lisin to wetin a de tɛl una fɔ du; na dat mek dis lɛta we a rayt una nɔ lɔŋ.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

2 Kɔrint 1:19

Bikɔs Jizɔs Krays, we na Gɔd in Pikin, we Saylas, Timoti ɛn misɛf bin de tɛl una bɔt, nɔto pɔsin we gɛt tu mɔt. Bɔt in na di ansa, “Yɛs,”

1 Kɔrint 15:1

Mi kɔmpin Kristiɛn dɛn, a de kam mɛmba una bɔt di Gud Nyuz we a bin tɛl una. Una bin tek wetin a se ɛn na dat mek una biliv Gɔd traŋa wan naw.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Sɛkɛn Lɛta Fɔ Tɛsalonayka 1:1

Mi, Pɔl, Saylas ɛn Timoti de sɛn dis lɛta to una di chɔch mɛmba dɛn na Tɛsalonayka; una na Gɔd we na wi Papa ɛn Masta Jizɔs Krays yon pipul.

Fɔs Lɛta Fɔ Tɛsalonayka 1:1

Na mi, Pɔl, wit Saylas ɛn Timoti, de rayt dis lɛta to di Kristiɛn dɛn na Tɛsalonayka we na wi Papa Gɔd ɛn Masta Jizɔs Krays yon pipul. Wi de pre mek Gɔd sho una aw i gud ɛn gi una kol at.

Jud In Lɛta 1:3

Mi padi dɛn we a lɛk, na bɔt di sev we Gɔd dɔn sev wi a bin want rayt una bad, bɔt a fil se a fɔ rayt beg una naw fɔ mek una fɛt fɔ stil biliv pan Jizɔs Krays lɛkɛ aw Gɔd dɔn mek in pipul dɛn biliv wan tɛm nɔmɔ, fɔ ɔltɛm.

Jɔn In Tɔd Lɛta 1:12

Ɔlman de tɔk gud bɔt Dimitriɔs; aw i liv sho se wetin ɔlman de tɔk bɔt am na tru. Wisɛf de tɔk gud bɔt am ɛn unasɛf no se na tru wi de tɔk.

Pita In Sɛkɛn Lɛta 2:15

Dɛn ticha ya dɔn kɔmɔt na di rayt rod so dɛn nɔ no usay dɛn de go igen. Dɛn de waka na di rod we Belam, Bosɔ in pikin, bin de waka; Belam na pɔsin we bin lɛk fɔ du tin we nɔ rayt, fɔ gɛt mɔni,

Pita In Sɛkɛn Lɛta 1:12

Pan ɔl we una no ɔl dɛn tin ya ɛn una biliv gud gud dɛn tru tin, we a dɔn tɛl una naw, a nɔ go taya fɔ mɛmba una bɔt dɛn.

Lɛta Fɔ Kɔlɔse 4:9

Wan ɔda Kristiɛn, Onɛsimɔs, we wi lɛk ɛn we wi trɔs, go fala Taychikɔs go to una; na wan pan una. In ɛn Taychikɔs go tɛl una ɔl wetin de bi na ya.

Lɛta Fɔ Kɔlɔse 4:7

Taychikɔs go tɛl una ɔl wetin de bi to mi; na Kristiɛn lɛkɛ wisɛf, ɛn insɛf de wok fɔ di Masta; wi lɛk am ɛn wi trɔs am.

Lɛta Fɔ Kɔlɔse 1:7

Ɛpafras, we wi lɛk, ɛn we de du Krays in wok de fɔ wi, nain bin tɛl una aw Gɔd lɛk una ɛn aw i gud to una. I siriɔs pan di wok we i de du fɔ Krays. I bin de ɛp wi fɔ tɛl una di Gud Nyuz.

Lɛta Fɔ Ɛfisɔs 6:21

Taychikɔs, wi brɔda we wi lɛk, na pɔsin we de du di Masta in wok siriɔs wan. I go tɛl una ɔltin bɔt mi, so dat una go no aw a de ɛn wetin a de du.

Lɛta Fɔ Ɛfisɔs 3:3

Gɔd dɔn sho mi di plan we i bin ayd. A bin dɔn rayt una lili bit bɔt dat.

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Lɛta Fɔ Rom 5:2

Bikɔs wi biliv pan Krays, i dɔn mek wi no aw Gɔd lɛk wi pan ɔl we wi nɔ fit fɔ mek i lɛk wi, ɛn Gɔd de sho wi aw i lɛk wi naw. So wi gladi, bikɔs wi no se Gɔd go mek wi bi jɛs lɛkɛ aw i want wi fɔ bi.

Jɔn 21:21

Wɛn Pita si am, i aks Jizɔs se, “Masta, wetin go bi to dis man ya?”

Apɔsul Dɛn Wok 15:22

Di apɔsul dɛn, di bigman dɛn na di chɔch, ɛn ɔl di chɔch mɛmba dɛn gri fɔ pik sɔm pipul na di chɔch we dɛn fɔ sɛn wit Pɔl ɛn Banabas go na di Antiɔk chɔch. Di chɔch pipul dɛn pik Judas we dɛn bin de kɔl Basa bas, ɛn Saylas. Dɛn tu man ya, na bin pipul we di chɔch mɛmba dɛn rɛspɛkt.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Pita In Fɔs Lɛta 4:10

Ɛni tin we Gɔd mek una sabi du, una fɔ du am gud, so dat ɔda pipul go bɛnifit, lɛkɛ aw ɛnibɔdi we Gɔd gi sɔntin kin ol am fayn.