Pita In Fɔs Lɛta 5:1 - Krio Fɔs Oli Baybul

¹ Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Pita In Fɔs Lɛta 5:1 Referans Kwoze

Lyuk 24:48

Unasɛf dɔn si ɔl dɛn tin ya ɛn una fɔ tɛl ɔda pipul bɔt dɛn.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Jɔn In Sɛkɛn Lɛta 1:1

Mi, Jɔn we na una bigman na di chɔch, de rayt to di uman we Gɔd dɔn pik ɛn in pikin dɛn we a lɛk fɔ tru. Nɔto mi wangren, bɔt ɔlman we no wetin tru, lɛk una,

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Apɔsul Dɛn Wok 14:23

Wɛn dɛn dɔn fas ɛn pre to Gɔd, dɛn pik sɔm bigman dɛn na ɔl dɛn chɔch fɔ du di wok, dɛn lɛf dɛn na di Masta, we dɛn biliv, in an.

Apɔsul Dɛn Wok 11:30

Dɛn gi Banabas ɛn Sɔl kɔpɔ fɔ kɛr go fɔ dɛn pipul na Jerusɛlɛm.

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

Faylimɔn 1:9

bɔt bikɔs a lɛk yu, a nɔ de du dat, a jɛs de beg yu nɔmɔ, pan ɔl we a de wok fɔ Jizɔs Krays ɛn naw sɛf a de na jel fɔseka di wok we a bin du fɔ am.

Taytɔs 1:5

A bin lɛf yu na Krit fɔ mek yu du wetin wi nɔ bin du de yet, ɛn mek yu pik ovasia na ɔl dɛn tɔŋ. Mɛmba dɛn tin we a bin tɛl yu:

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Fɔs Lɛta To Timoti 5:19

Yu nɔ fɔ lisin if dɛn se wan bigman du tin we nɔ rayt, pas if na tu ɔ tri pɔsin we si, tɔk am.

Fɔs Lɛta To Timoti 5:1

Yu nɔ fɔ ala pan man we big pas yu, yu fɔ tɔk to am lɛkɛ se na yu papa. Yu fɔ tek dɛn yɔŋman lɛkɛ yu brɔda dɛn;

Lɛta Fɔ Filipay 1:19

bikɔs a no se ɔl wetin dɛn de du go mek a fri wande, bikɔs una de pre ɛn Jizɔs Krays in Spirit de ɛp mi fɔ mek a fri.

2 Kɔrint 5:1

Wi no se if dis os, we wi tap insay na dis wɔl, we na wi bɔdi, dɔn pwɛl, Gɔd go gɛt os fɔ wi na ɛvin we insɛf mek, ɛn da os de go de sote go.

Apɔsul Dɛn Wok 21:18

Di ɔda de Pɔl fala wi go to Jems, ɛn ɔl di bigman dɛn na di chɔch bin de na di ples.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Apɔsul Dɛn Wok 20:17

Wɛn Pɔl bin de na Maylitɔs, i sɛn mɛsej go Ɛfisɔs fɔ mek di chɔch bigman dɛn kam mit am na Maylitɔs.

Apɔsul Dɛn Wok 15:6

Di apɔsul dɛn ɛn di chɔch bigman dɛn mit fɔ tɔk bɔt dat.

Apɔsul Dɛn Wok 15:4

Wɛn Pɔl ɛn Banabas rich Jerusɛlɛm, di chɔch pipul dɛn, di apɔsul dɛn ɛn di chɔch bigman dɛn gladi fɔ si dɛn, ɛn Pɔl ɛn Banabas tɛl dɛn ɔl wetin Gɔd ɛp dɛn fɔ du.

Apɔsul Dɛn Wok 2:32

Gɔd dɔn mek Jizɔs rayz frɔm di grev ɛn wi, we nain apɔsul dɛn de tɛl una bɔt wetin bin bi we wisɛf si.

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

2 Kɔrint 5:8

Wi at nɔ de pwɛl ɛn wi bin ivin want kɔmɔt insay dis bɔdi we na wi os go de na wi ɔda os wit di Masta.

Apɔsul Dɛn Wok 3:15

So, una kil Jizɔs we gɛt pawa fɔ gi tru layf, bɔt Gɔd mek i rayz frɔm di grev. Wi, we nain apɔsul dɛn, si Jizɔs wit wi yon yay afta i rayz frɔm di grev.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Jɔn In Tɔd Lɛta 1:1

Mi Jɔn, we na bigman na chɔch de rayt to Geyɔs we a lɛk fɔ tru.