Pita In Fɔs Lɛta 4:8 - Krio Fɔs Oli Baybul

⁸ Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Pita In Fɔs Lɛta 4:8 Referans Kwoze

Prɔvabs 10:12

Bad at de briŋ plaba, bɔt lɔv de mek pɔsin fɔgiv.

Lɛta Fɔ Kɔlɔse 3:14

Pantap ɔl dat, una fɔ lɛk una kɔmpin, dat go mek una gɛt wan at ɛn una go bi wan, ɛn nɔ ambɔg nɔ go de.

Prɔvabs 17:9

If yu want lɛ pipul lɛk yu, na fɔ fɔgiv dɛn; bɔt if yu tɔk tumɔs bɔt di bad we dɛn du, una padi go skata.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Jems 5:20

una fɔ no se, di pɔsin we briŋ wan sina kam bak na Gɔd rod ɛn ɛp am mek i lɛf fɔ du bad, dɔn sev da pɔsin de ɛn Gɔd go padin am fɔ plɛnti ɔda bad tin dɛn we i du.

1 Kɔrint 13:1

If a sabi tɔk ɔl dɛn laŋwej we mɔtalman de tɔk ɛn we enjɛl sɛf de tɔk, ɛn a nɔ lɛk mi kɔmpin mɔtalman, di tin we a de tɔk go jɛs tan lɛkɛ wɛn pɔsin de bit pan ɔ wɛn bɛl de riŋ lawd lawd wan.

Fɔs Lɛta Fɔ Tɛsalonayka 3:12

Lɛ di Masta mek una lɛk una kɔmpin Kristiɛn dɛn ɛn ɔl dɛn ɔda pipul wit ɔl una at lɛkɛ aw wi lɛk una.

Di Ibru Pipul Dɛn 13:1

Una we na brɔda bikɔs una ɔl na Krays in pikin dɛn, una fɔ lɛk una kɔmpin dɛn ɔltɛm.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Prɔvabs 18:13

If yu ansa bifo yu yɛri wetin dɛn de tɔk, yu jɛs de sho se yu na fulman.

Prɔvabs 12:16

Wɛn fulman vɛks ɔlman de no, bɔt yu gɛt sɛns nɔ de tek kɔs mek ɛnitin.

Jɔn In Tɔd Lɛta 1:2

Mi padi, a de pre mek yu gɛt wɛlbɔdi ɔltɛm ɛn mek ɔltin fayn fɔ yu, lɛkɛ aw ɔltin fayn wit yu sol.

Jems 5:12

Mi kɔmpin Kristiɛn dɛn, a want tɛl una wan ɔda tin we pas ɔl wetin a bin dɔn tɛl una. Wɛn una prɔmis fɔ du sɔntin, una nɔ fɔ swɛ. Una nɔ swɛ to Gɔd, una nɔ swɛ wit ɛnitin na dis wɔl. If una gri fɔ ɛnitin, una fɔ se, “Yɛs;” if una nɔ gri, una fɔ se, “Nɔ,” so dat wɛn Gɔd go jɔj una, i nɔ go kɔndɛm una.

1 Kɔrint 13:4

If una lɛk una kɔmpin mɔtalman una go de bia wit dɛn; una go gɛt gud at fɔ dɛn; una nɔ go de jɛlɔs dɛn; una nɔ go prawd; ɔ fil se una bɛtɛ pas dɛn.