Pita In Fɔs Lɛta 4:7 - Krio Fɔs Oli Baybul

⁷ Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Pita In Fɔs Lɛta 4:7 Referans Kwoze

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Sɛkɛn Lɛta To Timoti 4:5

Bɔt yu fɔ kɔntrol yusɛf ɔltɛm; yu fɔ bia wɛn yu de sɔfa, yu fɔ de tɛl pipul di Gud Nyuz, ɛn yu fɔ du ɔl wetin pɔsin we de wok fɔ Gɔd fɔ du.

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Di Ibru Pipul Dɛn 10:25

Una lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin. Bɔt una lɛ wi de kɔrej wi kɔmpin dɛn, mɔ igen we wi no se di De we wi Masta go kam bak de kam jisnɔ.

Lɛta Fɔ Kɔlɔse 4:2

Una fɔ de pre ɔltɛm; una fɔ put una at pan dɛn tin we una de tɛl Gɔd ɛn una fɔ de tɛl am tɛnki.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Izikɛl 7:6

Una dɔn rich una watalo. Ɔltin dɔn dɔn. Trɔbul dɔn mit una. I dɔn bi fɔ tru.

Lɛta Fɔ Rom 12:12

Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

Lɛta Fɔ Filipay 4:5

Mek ɔlman si se una ebul bia wit pipul. Una mɛmba se, i nɔ go te igen, di Masta go kam bak.

Lyuk 22:46

Nain i aks dɛn se, “Wetin mek una de slip? Una grap ɛn pre so dat Setan nɔ go tray una fɔ mek una sin.”

Rɛvɛleshɔn 16:15

“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

Pita In Fɔs Lɛta 3:7

Semwe so, una dɛn maredman fɔ no se una wɛf nɔ gɛt trɛnk lɛkɛ man, so una fɔ de wit dɛn wit da ɔndastandin de, we rayt. Una fɔ rɛspɛkt dɛn bikɔs Gɔd go gi una ɛn dɛnsɛf layf we go de sote go. Una fɔ du ɔl dɛn tin ya, so dat natin nɔ go ambɔg di pre we una de pre.

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

1 Kɔrint 15:24

Da tɛm de ɔltin go dɔn; Krays go pwɛl ɔl dɛn wan we de rul ɛn dɛn wan we gɛt pawa, ɔltogɛda; dɛn i go mek in Papa bi Kiŋ oba dɛn ɔl.

1 Kɔrint 7:29

Mi Kristiɛn brɔda dɛn, mek a ɛksplen wetin a min: plɛnti tɛm nɔ lɛf igen, ɛn frɔm naw sote go, maredman dɛn fɔ de lɛkɛ se dɛn nɔ mared;

Matyu 24:42

“Na dat mek una fɔ waydawek, bikɔs una nɔ no di de we una Masta go kam.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Matyu 25:13

Afta dat, Jizɔs tɔk to di pipul dɛn, i se, “Una fɔ waydawek, bikɔs una nɔ no di de ɔ di awa we Mɔtalman Pikin go kam.

Ɛkliziastis 7:2

I bɛtɛ fɔ go na bɛrin os pas fɔ go na os we gɛt pati; bikɔs ɔl mɔtalman gɛt fɔ day ɛn di wan dɛn we nɔ day yet fɔ de mɛmba dat ɔltɛm.

Jɛnɛsis 6:13

PAPA GƆD tɛl Noa se, “A dɔn mekɔp fɔ dɔnawe wit ɔlman na dis wɔl as na soso fɛt fɛt ɛn bad bad tin de apin ɛn na dat mek di wɔl bad so. A go kil ɔlman ɛn pwɛl di wanol wɔl.

Di Ibru Pipul Dɛn 9:26

If nɔto bin so, Krays bin fɔ sɔfa plɛnti tɛm frɔm di tɛm we Gɔd mek di wɔl. Bɔt i dɔn kam di fɔs ɛn las tɛm, naw we di wɔl de dɔn, fɔ sakrifays insɛf, so dat i go pul sin kɔmɔt na wi layf, wan tɛm fɔ ɔl.

Jɛnɛsis 19:35

Da nɛt de dɛn mek i drɔnk gud, ɛn di smɔl gyal pikin lidɔm wit am. I bin so drɔnk dat i nɔ no natin.